bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Isaiah 30
Isaiah 30
Sukuma 2019
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 31 →
1
Baana balemile kūhang'wa balī mu kwihīga, alīhaya SEEBA; babeeja ba long'we alīyo jitī jane, bakabeejaga gwīnda alīyo ītafumile mulī Moyo wane, biyongeleleja shibi higūlya ya shibi;
2
abo bakatulumenhaga kūja Misili nū kūnibūūja ū nene yaya; bakajaga kūkooba būpīlīlo ha sīlīlī ya būlang'hani bo ng'wa Falao, bapandīkīle Misili mbeho ya kwishīkīlīgīja mu makoye.
3
Gwike ū būlang'hani bo ng'wa Falao būkūbiza magooke ū kū bing'we, hama ī mbeho ya Misili īkūmuponda soni dūhū.
4
Ni babizage balī na banhū bataale ū mu Zoani, na a batūmījiwa babo babize baamalaga kūkandya Hanesi;
5
alīyo pye a bose bakūgooka, kūlwa nguno ya banhū abo batī na gwa kūpya ū kūbo; abo batadūgije kūbagunanha nūūlū ni kūbenhela solobo, ūlū ītī magooke n'iponda soni dūhū.
6
Mhayo kūlwa shiinū ja Negevu: Batūmījiwa bakūbūūchaga sabo jabo ha migongo ya nzobe, na shikolo shabo sha mpango ha nguku ja ngamīla, bajile kwihanga lītī na sha kūbagunanha nūūlū hado, bakūbītīlaga mu sī ya makoye na nduha nhaale, ya shimba ng'osha na ng'hīma, sī ya ng'hoboko na nzoka ja kūlala.
7
Alīyo ī Misili ndūhū ko gete shose shose sha kūgunanha. Nose ī sī yenīyo nīyinha lina lya, “Lahabu Ngaya Nīmo!”
8
Ī haha jaga ūkagwandīke ū mhayo gwenūyū ha lūbbawa mu būtongi wabo; ūgūtūūle mu shitabo, ū kū shikū ja kū būtongi gūlabize būkaanīji wa būja na būja ū kūbo.
9
A banhū benaba bashitiigwa no, baana balomolomo; baana abo batī na shiigwa matū kū katongeelele ka ng'wa SEEBA.
10
A baboni bakabawīlaga gīkī, “Ning'we oyagi ū kwikala ng'ūbona shakoolechiwa!” A bahangi nabo bakabawīlaga gīkī, “Mutatūhangīlage īyo ītūngīlīgije, ng'ūlūngalūnga mihayo minonu, ng'ūhanga nī ya kūbboodeleja!
11
Lekanagi nayo ī nzīla yenīyī, tajagi ng'wīnge moi; oyagi ū kwikala ng'watūgaagaanīlaga kūtūwīla mamihayo ga Ng'wela wa Isilaeli!”
12
Alilūūlū, ū Ng'wela wa Isilaeli alīhaya gīkī, Īkī mulīgūdalaha ū mhayo gwenūyū, ng'wayūsanya wiboneeji na kūsendamīla būhūganu,
13
managi gīkī, ī shibi shenīshi ū kū bing'we shikūbiza gītī ndugu ītandūkile, nīyo īlī hihī kūgwa; Īyo kagwīle kaayo kakwiza haho na haho mu kwisanganīja.
14
Īkūtandagūka īsambaale gītī shiseme sha mabūmba, ūmo shikabelagūkīlaga kībi kībi, kaagaya nūūlū kapeenu ka kwahūlīla moto mu liiko, nūūlū kalūjo ka kūdahīla minzī mu lwinzī.
15
Ū Seeba MULUNGU, ū Ng'wela wa Isilaeli alīhaya gīkī, “Ū būpīji wing'we būlī mu kūshoka na kwifuula; ī nguzu jing'we jilī mu būlembeezu na kūsanya. Alīyo mutī na nīmo nayo ī yenīyo.
16
Mukwiwīlag gīkī, ‘Biya a bise tūkūdamhīla falasa tūpeele.’ Alilūūlū, mukūpeela ng'hana! Mukūhayaga gīkī, ‘Tūkūdamhīla ndamhī mheeji tūpeele.’ Gwike a bapeeja bing'we bakūbiza bapeeji kūmuheeba a bing'we.
17
Ng'wanishi ūmò akogohya banhū shihūmbī shimò bilalīle na kūsambaala, lelo a batanò bakūng'ogohya pye a bose musambaale; kūshisha abo mulasagīīle mukūbiza gītī nongoodi gwa lūbembeela gūlī higūlya ya lūgūlū, nūūlū gītī lūbembeela ha shigūlū.”
18
Gwike ū SEEBA alī na ng'hūmbū ja kūng'olekeja wiza bokwe; akayegaga no ū kūmuchīla shigongo. Nguno ū SEEBA alī Mulungu wa būlamuji wa wīmà; balī na abo bansanije we.
19
Ee bing'we banhū ba Sayūni, abo mulī bazengi ba mu Yelusalemu, mutikala mukūlīlaga ng'hūngū. Ūlū ng'ūlīla mulīkooba kūgunanhwa akūmuchīla shigongo! Ūlū wigwa ī ng'hūngū ying'we akūng'winha ishosho haho na haho.
20
Nīyo ū SEEBA nūūlū akamulisha ngatī gwa makoye, na a minzī ūng'winha ga būluhi, nahene a balangi bing'we batalibisa hangī na hado. Mukūbabona na miso ging'we.
21
Nūūlū mukatala ū mu nzīla ng'ūlola kū būlyo nūūlū kū lūmoso, nahene a matū ging'we gakwigwa ilaka ū kū numa līkūhayaga, “Ī nzīla yīyī, shimīzīlagi mo.”
22
Hūna ī shiikolile shing'we ī sha kūlamiwa īsho shinaagīlilwe feza, nī shisho shikundīkījiwe zahabu ya kwaabiwa, mukūshisola mushisosohaje, hama mushiponye kūle gītī shikolo sha malofu. Mukūshiwīla, “Īngagi a henaha!”
23
Nī mbulà akūng'wenhela kūlwa kūshizwisha īsho mukūhambaga hasī, nī shilīwa īsho shikūzwaga ū mu malaale ging'we shikūbiza na nguzu, hangī shingī. Ū mu lūshikū lwenūlo ī mitugo jing'we jikūdīīmīla mu matogolo magalī ga maswa mingī.
24
Ī nzīkū nī nzobe jing'we ī ja kūlīma, jikūyūdīīma maswa masoga gagaliililwe chiza gūsanja sanjiwa gūsandūka.
25
Nīyo ū lwenūlo lūkūbiza lūshikū lwa kūyagaala kūtaale, ng'hambī ja kūpīlīla jikūholomolwa, na minzī gakūyūtoloma kūfuma hose hose ū mu ngūlū ī ndīhu nī ndo.
26
Ū būpe bo ng'weji būkūbiza gītī būng'weku bo līīmi, ū būng'weku bo līīmi ū wene būkwiyongeja ng'hangala mpungatī, būbiza gītī būng'weku bo malīīmi ga shikū mpungatī ūlū gūsangījiwa hamò; ū lwenūlo lūkūbiza lūshikū lwa ng'wa SEEBA kūgatunga a magulaagīje ga banhū bakwe, na kūbapīja ū mu būminyiwa ūbo akabaminya ng'wikanza īlo wabatūlaga.
27
Managi gīkī ī Lina lya ng'wa SEEBA līliza kūfuma kūle, līkūbakaga na kūdundumūka lyochi kūlwa būpelanu bokwe; ū nomo gwakwe gookalile būpelanu, ū lūlīmi lwakwe lūlī gītī moto gūkūligimaga.
28
Ī myūyī yakwe īkūfumaga bo nguzu gītī minzī g'ihululu gakūtolomaga gapelanile; gaa kūshisha munhū mu nhingo. A mahanga akūgayūnja yūnjaga ng'wiyūngīlo lya kūyagaagīja; a banhū akūbagwashaga chūma mu saya, wabadutanja abatwalile kūjūjimīīla.
29
Alīyo a bing'we mukwīmba lyīmbo gītī ng'wikanza lya būjikū bo shigukulu sheela; mukūyega no ū mu ng'holò jing'we, gīt'ūmo banhū bakayegelaga bayūfuula na mbiilūlū, bajile kū lūgūlū lwa ng'wa SEEBA, ūyo alī Shiganga sha Isilaeli.
30
Hūna ū SEEBA akūbīīta a banhū baliigwe ī līlaka lyakwe ly'ikūjo, nū nkono gwakwe bagūbone gūliika mu būpelanu būtaale, na moto gūkūligimaga gūpelanile, na malunde ga nsoke, na mbulà ya mawe na ndabi.
31
Ī līlaka lya ng'wa SEEBA līkūbakenaagūla a banhū ba Ashulu; akūbatūla na nang'ha gwakwe.
32
Ū SEEBA ūlū alībatūla na nkono gwakwe ū ng'wikanza lya kwilwisha nabo mu būlūgū, būl'ikanza ūlū gwabagwīla ū nang'ha gwa nsango gwakwe gūkūjīlanīja na mihilimo ya ng'oma na malaka ga ndono.
33
Līlīho ipandī lya Tofezi lībeejiwe ng'hana ng'hana; lītūūlilwe ho kūlwa nguno yakwe ū ntemi. Ī lichongo lyaho līsīmbilwe ishimu no, hangī igalī kīngī nasho; nī ng'hwi ja kūpemba moi jilīho jitī ja kūshila; myūyī ya ng'wa SEEBA īkwikaga gītī lūhūhi lwa būgota wa shibiliti kwiza kūgūbacha ū moto.
← Chapter 29
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 31 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66