bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Isaiah 37
Isaiah 37
Sukuma 2019
← Chapter 36
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 38 →
1
Ū ntemi Hezekia aho wigwa ī yenīyo, ūtandūla ī shizwalo shakwe, ūzwala magūnīla hūna ūja mu hekalu ya ng'wa SEEBA.
2
Hanuma ya henaho ūbatūma ba Eliakimu ūyo walī ntaale wa batūmami ba ng'wikūlū, na Shebuna, ū ng'wandīki, na a babo balī batongeeji ba bagabīji; būja kūlī ng'hangi Isaya ng'wana o ng'wa Amozi. A bose baaja bazwalile shizwalo sha mgūnīla.
3
Būūkang'wīla, “Ū ntemi Hezekia alīhaya gīkī, ‘Ī lelo lūlī lūshikū lwa būpīna, kūsondagūlwa na magooke; īlī gīt'ūmo ikanza lya baana kūbyalwa līkashikaga, alīyo jabiza jitīho ī nguzu ja kūbabyala.
4
Hamo shi ū SEEBA Mulungu wako akwīyiigwa pyī ī mihayo ya ntaale wa bashilikale, ūyo watūmilwe nū ise būgonzo, ū ntemi wa Ashulu, kwiza kūnsondagūla ū Mulungu mpanga. Hamo akūng'hama kūlwa nguno ya mihayo īyo wīyigwaga ū SEEBA Mulungu wako. Alilūūlū, tūlīkwikūmbīlīja ūbalombele a banhū abo basaagile.’”
5
A batūmami ba ntemi Hezekia aho bashika ū kūlī Isaya,
6
ū Isaya ūbawīla, “Ū sīng'we būgonzo ng'wīlagi gīkī, ‘Ū SEEBA alīhaya: Lekaga ū kogoha kūlwa mihayo īyo wīyigwaga, īyo bītūmamīlaga a batūmami ba ntemi wa Ashulu kūnisondagūla nene.
7
Alilūūlū, degelekagi! Ū ng'wenūyo nakūntūūlīla moyo gwa kūng'winha kwigwa lūkumo lūlebe, hūna ashoke kū sī yakwe; ūlū ūshika koi nakūng'wīta abūlagwe bo lūshū.’”
8
Kwitulwa ū ntaale wa bashilikale ng'wenūyo wigwa gīkī ū ntemi wa Ashulu wīngile ī Lakishi, ūshokanya. Wahayūshika koi ūnsanga ū ntemi akūlwaga būlūgū na Libuna.
9
Ū mu shikū jenījo ū ntemi wa Ashulu wenhelwa ng'hūlū, gīkī ntemi Tilihaka wa Esiopia, aliza kūndumīla kwilwisha būlūgū nang'hwe. Hūna ūtūma banhū hangī ū kūlī Hezekia kūhaya,
10
“Ng'wīlagi ū Hezekia ū ntemi wa Yuda gīkī, Ūtizūnzunīlīja ū mulungu wako ūyo ūnsendamīlile ng'wenūyo, ikale akūkūlembagūlaga alīkūwīla gīkī, ‘Ī Yelusalemu ītūtūūlwa mu makono ga ntemi wa Ashulu.’
11
Ū bebe wīyiigwa īyo batemi ba Ashulu bajīītīla pyī ī sī; ūmo baajikenaagūlīla gete. Ū bebe ūkūpīla?
12
A bamulungu ba sī ījo bataale bane baajikenaagūla, bakīīta mhayo gose gose gwa kūjipīja ī sī jabo? A ba mulungu ba sī gītī ja Gozani, Halani, Lezefu; na banhū ba Edeni abo baalī bikaji ba mu sī ya Teli-asaali!
13
Ū ntemi wa Hamasi alī halī, nū wa Alipadi; pyī nū ntemi wa nzengo gwa Sefavaimu, nūūlū ū wa Hena, nū wa Iva?”
14
Ū Hezekia aho wīyanukūla ī nyalūba kūfuma ū kū banhū abo baalī batūng'wa wīsoma. Ūlinha mu hekalu ya ng'wa SEEBA, ūja nayo; ūshika wīkundūla wītūūla kū būtongi bo ng'wa SEEBA.
15
Hūna ū Hezekia ūnomba ū SEEBA alīhaya,
16
Ee SEEBA wa mabità, Mulungu wa Isilaeli, bebe ūyo wigasīgije isumbī lyako lya būtemi ha gatī gatī ya makelubi; bebe wike hū ūlī Mulungu wa mabūtemi ga mu sī jose; bebe ūyo ūlī meeja w'igūlū na sī.
17
Ee SEEBA, tegaga ū gūtū gwako wigwe; loleechaga a miso gako Ee SEEBA, ūbone; īdegelekage ī mihayo ya ng'wa Senakelibu, īyo watūmaga kwiza kūnsondagūla Mulungu mpanga.
18
Ee SEEBA, gūlī gwa ng'hana ī chene ī gīkī a batemi ba Baashulu baabakenaagūla a banhū benaba nī sī jabo.
19
A bamulungu babo benabo baabaponya mu moto na kūbakenaagūla nguno batī bamulungu, mantī dūhū na mawe gabeejiwe na makono ga banhū.
20
Alilūūlū Ee SEEBA Mulungu wise, tūpījage ū mu nkono gwakwe; a mabūtemi ga mu sī jose gadeebe gīkī ū bebe Ee SEEBA, hū ūlī Mulungu ūmò wike.
21
Hūna ū Isaya ng'witūnja o ng'wa Amozi ūtūma nhūng'wa ū kūlī Hezekia kūhaya, “Ū SEEBA ū Mulungu wa Isilaeli alīhaya, īkī wanilombaga ūlīng'haya Senakelibu ū ntemi wa Ashulu,
22
ū mhayo go ng'wa SEEBA gūūyū, ūyo alīgūhaya kūlwa nguno yakwe ū Senakelibu: ‘Ū munhya wa Sayuni wakūdalahile no ū bebe, nīyo akūkūsekaga no kūlwa kūkwibengeleja. Ū nshīke wa Yelusalemu akūshingishaga ntwe gwakwe kūlwa kūpeela kwako!’”
23
Nani ūyo walūndūkagūlaga na kūnsondagūla? Ūyo walūmpalīlaga n'ilaka lya higūlya, na kūmyūlīla miso ūkūnolaga nyadooshi walī nani? Walī atī ūngī, ūlū atī Ng'wela wa Isilaeli!
24
Wamponangīgije mashidūki ū SEEBA mu nzīla ya batūmījiwa bako. Wikumīlīgije ūkūhayaga, “Naalinha ngūlū ndīhu ningī no kūlwa wingī wa magogoteni gane ga būlūgū, naashika nū kwigūlya ya Lebanoni. Nībbutagūla ī mikoola ya kwenūko, nī mibanga ī mibūūtī būūtī. Naakolobela nūkashika nū kū gatī yaho gete; naashika ū kū giiti shalyo ī lipoolu.
25
Naakumba nzwinzī mu sī ja kūle, nūng'wa ko minzī. Ī njonga ja Misili pyī ī jose naajikamya bo kūjipandagīla na mhambala jane nene ng'wenekīlī.”
26
Ū bebe ūtaalī ū kwigwa? Ī yenīyo nītūūla ho nene kūfuma kale. Nīhela mu shikū ja kale na kale, hūna lūūlū ī haha nīshikīlīgije, h'ī chene ū bebe ūkūjaga ūkenaagūla mizengo nūūlū īpīndīlījiwe ndugu; ūkwīkambagūlaga yabiza matūūgo ga mawe dūhū.
27
A banhū baamo bakūzwanganaga na kūgooka, nguno bakūbūgayiagwa ū būdūla. Bakūbizaga gītī mapalala ga mu malaale, gītī maswa managana galīsonga haha. Bakūbizaga gītī maswa gazwīlile higūlya y'itembe, ayo gakoochiagwa līīmi gataalī nūūlū kūkūla!
28
Alīyo nakamanile a kikalīle kako, na a kayeelele kako ūlū ūkūjaga na kūshoka; nū mumo ūnipelanīlile ū nene namanile.
29
Hūna lūūlū īkī ūnipelanīlile, hama nī libengwe lyako naaliigwiile na matū gane, nakūkūgwasha ū mu mūūlū gako n'ilobo lyane, nū mu nomo gwako nakūkūtūnga na duushi yane nakūnyamule, ūshokele ī nzīla īyo wizīīlile.
30
Ee Hezekia, ū lūmeng'ho lwako lūkūbiza lūūlū: Ī mokoono mukūlya sha kūfuma mu magwa, a ha ng'waka ī sha kūzwa kūfuma ū mu magwa genayo. Alīyo ū kū ng'waka ū gwa kadatū hambagi mugese, līmagi migūnda muhambe mo mizabibu mulye a matwajo gaamo.
31
A banhū ba būshiigo wa numba ya ng'wa Yuda bakūkoma miji hasī hangī, ū kwigūlya batwaje matwajo.
32
Nguno būshiigo wa banhū būkūfuma ū mu Yelusalemu, ū mu lūgūlū lwa Sayuni ibità līkūpīla. Wilu bo ng'wa SEEBA wa mabità būkūgūshikīlīja ū mhayo gwenūyū.
33
Hūna lūūlū, gūūyū ū mhayo ūyo alīgūhaya ū SEEBA kūlwa nguno ya ntemi wa Ashulu: Atingīla na hado yaya ū mu nzengo gwenūyū, nūūlū isonga atūlasa moi. Atiza kūgūdumīla abūūkije lūmūda, nūūlū ī ndugu ya nzengo atīzengeela ikīgo kūlwa kūgūdumīla ū nzengo.
34
Ī nzīla īyo wizīlile h'ī yene akūshokela, ū mu nzengo gwenūyū atingīla na hado yaya, alīhaya SEEBA.
35
Ū nzengo gwenūyū nakūgūlang'hana nene nagūpīje, kūlwa nguno yane na kūlwa nguno ya ng'wa Daūdi ntūmami wane.
36
Hūna malaika o ng'wa SEEBA wingīla ū mu ng'hambī ya Baashulu ūbūlaga banhū shihūmbī igana na makūmi anaane. Aho wela ī ntondo yaho ī dilū, a bapanga bībona pyī ī mibimba ya banhū benabo!
37
Na lūūlū ū Senakelibu, ū ntemi wa Ashulu ūsambaagūla ī ng'hambī yakwe, ūshoka kaya Ninawi, ūūkikala kwenūko.
38
Lwise lūmò walamyaga mu hekalu ya ng'wa mulungu wakwe Nisilochi, bitūnja bakwe babīlī, Adulameleki na Sheleza būnchimagūla shū būmūlaga, hūna būtoloka būpeelela kū sī ya Alalati. Ng'witūnja wakwe Esahadoni ūbiza ntemi a ha ng'wanya gwakwe.
← Chapter 36
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 43
Chapter 44
Chapter 45
Chapter 46
Chapter 47
Chapter 48
Chapter 49
Chapter 50
Chapter 51
Chapter 52
Chapter 53
Chapter 54
Chapter 55
Chapter 56
Chapter 57
Chapter 58
Chapter 59
Chapter 60
Chapter 61
Chapter 62
Chapter 63
Chapter 64
Chapter 65
Chapter 66
Chapter 38 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66