bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Job 21
Job 21
Sukuma 2019
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 22 →
1
Ū Ayubu ūshosha hangī ūhaya gīkī,
2
“Īdegelekagi chiza ī mihayo yane, hū mukūpandīka ī mihayo ya kūnilūngūja.
3
Iyūmīlījagi munidegeleke namusomboolele, hūna ūlū nūmala ū kūmusomboolela, ng'ongeje ū kūnigīmba nyachilū.
4
Ī gīsī, ū nene nalīng'wiyandīīla munhū? Hama nibūlī natizūlemeelwa ū kwiyūmīlīja?
5
Nilolagi, mujinjimale, hūna ng'witūle itama!
6
Ūlū nayideedeng'hanya ī mihayo yenīyī nakogohaga; pyī ū mīlī gwane gūkūdetemaga.
7
Nibūlī a bahūnga bakalamaga shikū ningī, kūshisha banamhaala, bayūja bakongejaga dūhū ū kūkwīja ū būdūla?
8
Na a baana babo bakababonaga ūmo bakahangamīlaga, ī shibyalīlwe shabo bakashilūmbaga ū kūshibona!
9
Ī kaya jabo jilī mhola hangī jitī na boobà mu mhayo gose gose, hama nū nang'ha go ng'wa Mulungu gūtajikuumyaga.
10
Ī nzagamba jabo jitī na makoye nū mhayo gwa kūbyaja, ī mbogoma jabo najo jikabyalaga ndūhū nūūlū kūtaaja hado.
11
A babyalwa babo bakafumīlaga biyaala gītī madaale ga ng'holo, a baana babo bakasadagūkaga kīngī nasho.
12
Bakīmbaga kūnū bakūtūlaga shitumba na malimba, kūnū na mbiilulu jikongelelejaga a ha būyegi wabo.
13
Ī myaka yabo bakīkalīchaga balī mu kwīlūkīlwa kwawiza, hūna baagung'wa mu shigila balī mu mhola.
14
Ū Mulungu baakūyūng'wila, ‘Bebe tūlekage a bise! Tūtī na nguno ya kwikoya kūjimana nzīla jako!
15
Ū Ndūji wa Shose nang'hwe nani nose tūntūmamīle? Tūkūpandīka kī ūlū tūnomba?’
16
Alīyo nahene ū kwīlūkīlwa kwabo kūtī mu makono gabo; hūna lūūlū ū nene yaya ū kwisanja mu mahooya ga bahūnga.
17
Gwike wabona ng'hangala jinga Ī tala ya bakenaagūji yajimiagwa? Ng'hangala jinga gakabagwīlaga a mayanga gabo? Wabona kanga ū Mulungu wabagwisīja ū ngabo ūyo abahelelile kūlwa kūmpelanya?
18
Hama nīyo babange gītī mapalala mūūmu kū lūyaga, gītī meela ayo gakaheheejiagwa nshūūlūlū!
19
Gūkahayiagwa gīkī, ‘Ū Mulungu akagūbīkaga ū nsango gwa ng'hūbi kūlwa baana babo;’ ni anīpīlage shiilī būlī ng'hūbi wei ng'wenekīlī ilolekeje.
20
A makoye gakwe ni agilolekejage na miso gakwe we ng'wenekele, abūkwelele ū būpelanu bokwe ū Ndūji wa shose.
21
Nguno ūlū lyūkalīka ī lisaabu lya myeji īyo ahelelilwe, alī na makoye kī nayo ī kaya yakwe īyo alīyīleka?
22
Alīho ose ose ūyo adūgije kūnanga masala ū Mulungu, alīyo hū wei akabalamulaga na a bakūjiwa a bataale?
23
Alīho munhū akūcha ngīlīng'hanu, ūsangwa alī mu mhola no, hangī alī mu kwifuula kūtaale,
24
ū mīlī gwakwe gūfulile maguta, a maguha gakwe gookalile mhongo gakūfuutīlaga.
25
Na ūngī akūcha, ūja asaayile ū mu ng'holò yakwe, wīnga ataalī nūūlū kūloja shawiza shose shose.
26
Alīyo a bose bakalambalalaga mu lūbuubu bihela, bose pye jikabakundīkījaga ī ngino.”
27
Nīmanile no īyo mulīyiganika, ī long'we ying'we īyo mulomanile kūlwa kūnihūbya.
28
Mulīyiwīla gīkī, “Īlīhe ho lūūlū ī kaya ya ntaale; jilīhe ī numba ījo jiikalīlagwa na banhū babūbi?
29
A bing'we mutaalī ū kūbabūūja a bashimīzi? Nūūlū hamo mutīdīīlīlaga īyo bakīhayaga;
30
Ī gīkī ū ng'hūnga akalekejiagwa ū mu lūshikū lo mayanga, akapījiagwa ū mu lūshikū lwa būpelanu?
31
Nani ashikile kūgima kūng'hama bo hape hape kūlwa nhūngwa jakwe? Nani ū wa kūnīpa shiilī kūlenganīla nū mumo wītīlaga?
32
Akabūūchiagwa dūhū kūtwalwa mu shigila, nī shigila shakwe shikūlang'hanwa chiza no nīyo.
33
A masalū ga ng'witongo gakanonaga no ū kūlī we; nīyo pye a banhū bakūmanūnondeela, na a babo baatonga kūja koi bingī no, batī na būbalīle.
34
Ning'we mukūnilūngūja kinehe na mamihayo ging'we gatī na ntwe na magūlū gīko? Ū mu mashosho ging'we ndūhū mo gwa kūpya, ūlū ītī būlomolomo dūhū!”
← Chapter 20
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 22 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42