bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Job 38
Job 38
Sukuma 2019
← Chapter 37
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 39 →
1
Hūna ū SEEBA ūnshokeja ū Ayubu kūfuma mu nshūūlūlū; ūhaya,
2
“Ī gete nani ū ng'wenūyū, ūyo akūkenaagūlaga būganikīji bone kūlwa kūkwīja mihayo mu būtūmana?
3
Alilūūlū, itungage nyagosha widadīle, leka nakūbūje; shikwigeleelilwe ūnishokeje.
4
Aho nalīgūtūūla ū nsingi gwa sī, walī halī ū bebe? Niwīlage ūlū ūmanile.
5
Nani washihela ī shipimo shayo? Angū mmho ūmanile! Nūūlū nani ūyo akalūgoloola ū lūgoye lwa kwīpimīla?
6
Ī ng'hīngī jayo jisīmbīlilwe ha kī? Nū yūyo akalītūūla ī liwe lya kwīgoloolela walī nani,
7
ū ng'wikanza aho sonda ja dilū jahelelekeejaga kwīmba mu būsangī būmò, kūnū a baana ba ng'wa Mulungu nabo balī mu būyegi bakūtūlaga mhūndū?
8
Ī nyanza aho yapuluka hanze gītī kūfuma mu nda ya būbyīle, nani akīlugalīla na milyango gīkī īlembeele?
9
Hū nene nakīyītīla malunde gīkī gabize shizwalo shayo, nī giiti sha gamha shūbiza būlengeeti bo kwigumīīla;
10
nakītūūlīla būgelelo kūlwa lūbīmbī lwayo, na wesheemelo nībeegeja, na a makīgījo ga kwīlang'hana.
11
Hū nene nīwīla gīkī, ‘Ūkūyūgelela ūmu, yaya ū kūkīlanhya, Ī nguzu ja mahuuli gako jikūyūkalīkīla henaha’!
12
Ū bebe wabīta kūlagīja wela ū būjikū hūbiza dilū; nūūlū ī likīngo lya dilū ū bebe wabīta kūlyolekeja ū wikalo walyo?
13
Wabīta kūlīlagīla gīkī lījidime Ī mhembe ja sī lībagung'humule bīnge mo a bakenaagūji?
14
Ī suso ya sī īkagalūchiagwa gītī mabūmba gabītiagwa ng'wibūmbīlo; hūna yabiza na mabala mabala gītī ga shizwalo.
15
Ī lisana lyabo a bakenaagūji līkajimiagwa, ū nkono gwabo gwa būdūla gwabīnzwa.
16
Ū bebe wagema ū kūshimīza ūshika ūko jilī ī nzwīlo ja nyanza, nūūlū wabīta kwingīla ū mu myobo ya mu būjiba bo nyanza ī shimu?
17
Ū bebe wabīta ū koolekejiwa ī mibita ya kwingīla ūko lūkikalaga ū lūfu, nūūlū wībona ī milyango ya kūbīta ūjile kū sī ya giiti sha gamha?
18
Ūbūmanile ū būgalī galī wa sī? Hayaga ūlū wīyitegelegije pyī ī yenīyī.
19
Ī nzīla ya kūja kū wikalo w'isana halī ūko īlī, nī lipandī lya wikalo wa giiti līlī halī?
20
Ī shenīshi ūdūgije kūshitwala ū kū ng'hambī jasho, ūjitegelegije ī nzīla ja kūja ū kū wikalo washo?
21
Angū mmho ū bebe ūtūkīja ū kwīyitegeleja ī yenīyī, nguno walī ūbyalilwe ī shikū jene; nī myaaka ya būlamu wako yakwīlaga!
22
Wabīta kwingīla ū kū mabīkīlo ga seluji, nūūlū washika ū kū mabīkīlo ga mawe ga mbula,
23
Ī shikolo īsho nashitūūlile kūlw'ikanza lya makoye, kūlw'ikanza lya wilwisha na būlūgū?
24
Nzīla kī ī ya kūja ūko jikafumaga ī ndabi, nūūlū ūko miyaga ya kīya īkīngīīlaga, ūlū īlīsambaajiwa kūja hose pyī ū mu sī?
25
Nani ūyo akīītalīlaga nzīla ī mbula ya makūmba mbelele, nūūlū kwībeegeja nzīla ī mbula ya ndabi na kūpalalūka,
26
gīkī īdotye nū kūko batikalaga banhū, galobe matogolo ayo galī dalali,
27
afuje itogolo īlo lītī na shose shose, Ī sī īdūle kūzwisha maswa?
28
Bebe, ī mbula īlī na saayo? Nūūlū a mamote ga lūme, nani ū myaji waago?
29
Ī seluji īkafumaga mu nda ya ng'wa nani? Nani akagabyalaga a minzī a manedeku ayo gakiikaga kūfuma kwigūlū?
30
A minzī gakibūmbaga gīt'iwe, na a higūlya ya būjiba hūūma kūlū kūlū kūlwa mbeho.
31
Ūdūgije kwībohya nyololo Ī Ndīmīla ī ng'hīma; nūūlū ī Ndīmīla ī ng'osha ūdūgije kūtaligūla ngoye jayo?
32
Ū ngamba gwa būjikū ūdūgije kūgwīta gwilonge mu makanza gago? Nūūlū ī ndūba ūdūgije kwīswaga hamò na mamunda gayo?
33
Ūshimanile ī shilagīlo īsho shilang'hanile mihayo ya kwigūlū? Ī ligūlū ūdūgije kūlīlang'hana ūlī mu sī?
34
Ūdūgije kūhamuka ū kū malunde yika mbula y'ihūūma lya kūkūlibīja?
35
Ū bebe, ūkajisambaajaga ī ndabi ja mbula? Jikizaga ū kūlī bebe jiibūūla gīkī, ‘Tūlīho aha?’
36
Nani ū ntūūji wa masala mu ng'holò nūūlū ūyo akatūūlaga witegeleja mu maganiko?
37
Nani alī na masala ga kūmana isaabu lya malunde? Nū yūyo adūgije kūpumunha shisaabo sha minzī kūfuma mu malunde
38
ū lūbuubu ūlū lwidamīīla na kūūma kūngūlū, na a malongo ga hasī gibūmba gūbiza magengeli?
39
Ī shimba ng'hīma ūdūgije kwīhwīmīla ndimu, nūūlū kūbalisha a baana ba shimba kūshisha bigūta,
40
ūlū jilī mu mapilinga gajo ūmo jikalambalalaga, nūūlū ū mu masaka ūmo jikibisaga jilīkūngīla ndimu?
41
Nani ūyo akajinhaga ilya ī ng'hūngūūlū, a makune gajo ūlū ganīlīīla ū Mulungu kunū gakūjaga ūko na ūko gaagayiagwa shiliwa?”
← Chapter 37
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 39 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42