bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Job 41
Job 41
Sukuma 2019
← Chapter 40
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 42 →
1
Ī Lewiasani ūdūgije kwīzubūla n'ilobo lya ndīlo, nūūlū ū lūlīmi lwayo kūlūtunga na lūgoye?
2
Ūdūgije kūsheepya lūgoye mu nindo yayo, nūūlū kwīchima ilobo lya ng'wisaya?
3
Īkūkwikūmbīlīja gīkī wīchīle shigongo? Īkūlūngalūnga nang'ho mihayo mifuuku?
4
Ūdūgije kūlagana nayo ng'wizunīlīja īkūtūmamīle nyasese ilalī?
5
Ūkwīsuga wīyimanīlīgīja gītī noni, ūkwīkūnga lūgoye mu nhingo, gīkī baana bako bapandīke ndimu ya ha kaya?
6
A basūlūja bashikile kwīkaaba, nūūlū a bajinja badūgije kwībbutagūla mapingili būgabanha?
7
Ī likūnza lyayo ūdūgije kūlyokaja someke, nūūlū ū ntwe gwayo migela ya kūzubīla ndīlo?
8
Hadīkījaga bo makono gako ūkwībona īyo īlakūgwīle, ūtīība; hama ūtalashokeela hangī!
9
Ī gīkī munhū ashikile kwīheeba ū gwene gūche gūjimīīle, nguno ū kwībona dūhū a magaka gayo gakūkūmala!
10
Atīho nkalī wa kūgima kwīyikoloosha, al'ū nene, nani wa kūnīīmīla?
11
Ū nene nalī n'igasa kūlī nani ūyo shiniigeleelilwe nanipe? Pyī ī shose a ha sīlīlī y'igūlū shilī shane.
12
Natilewa ū kūgahaya a magūlū gayo, nī nguzu jayo, nū wiza bo suso yayo.
13
Nani adūgije kwīzuuja ī ng'handa yayo? Nani wa kūdūla kwīyegeela alī na mbohyo ībohye kū nomo gwayo?
14
Nani wa kūgima kwīyasamya nomo gwayo ūyo? Nguno gūlī na ng'hīlīlī ja mino ga magaka!
15
Ū ngongo gwayo gūlī na ng'hīlīlī ja magambala gilaalīlile gītī mūda, hūna giluma hamò,
16
gidaamīīla būlī lyene na liye gūsheleela kīngī nasho, nūūlū lūyaga lūtīko kūbita.
17
A magambala gayo galī nde nde nde, hūna giluma, nose gatī na būlekaanīje.
18
Īkityamuchaga gwalaba moto, hama a miso gayo gabange ikīngo lya dilū.
19
Ndali ja moto jikafumaga ū nomo gwayo, ūlū yafuupa gakafumaga masasī galīīlala.
20
Ū mu mūūlū gayo līkafumaga mo lyochi, gītī līlīfuma mu nengelo yasebiagwa moto gwa mbelele.
21
Ī myūyī yayo īkabachaga nūūlū būpī, ū mu nomo gwayo jikafumaga mo ndali ja moto jikūtaamagūkaga.
22
Ī nhingo yayo īlī na nguzu ningī no, pye abo bakamanhyaga nayo bakagwaga ng'holò.
23
Ī likūnza lyayo lya magambala gilumile, madaamu no gatī na būmogolele.
24
Ī shikuba shayo shidaamu no, shidaamu gīt'iwe lya kūshela.
25
Ūlū yagulumūka na a ba nguzu bakadetemaga; ūlū yūpwaganja bakibisaga.
26
Nūūlū lūshū lwīkuumya lūtīyīta kanhū, nūūlū lībize ichimu, nūūlū isonga; pyī nūūlū someke ītahemeelaga.
27
A bana chūma ībabalile gītī mbelele, a bana shaba a bene gītī mitī ībūngile.
28
A masonga gatīko kwīyogohya, ū kū yoi na a mawe ga kūpondwa bo lūtaago, gatikīlile na mapūmba.
29
Ū būhili īwisaabile gītī matindigishi ga mbelele ja būsīga; ū mfuutumo gwa ngela īgwibengelegije.
30
A magambala ga mu dagaala gabange gītī maalūjo mūūgī, ūlū yūbīta mu tembe īkagukumbūlaga, yaleka līngweso gītī ly'itūlīlo lya būsīga.
31
Īkashikaga ū mu minzī bochuumeela ū būjiba, git'ifulīla lya minzī gategile ha moto; Ī nyanza īkīyuugaga gītī nengelo ya maguta ga kwibila.
32
Ūmo īkūbītaga īkalekaga nkulubīla gwa mafulo gaape, munhū akwiganika ī nyanza yītaga mvī gītī ja banamhala.
33
Ū mu sī shitīho sha kūlenganījiwa nayo ī shinū yenīyo, ī yoi ītī na boobà nūūlū hado.
34
Ībadalahile pye abo bakigūngūhyaga, Ī yoi h'ī nhemi yabo pye a bikumīlīja.
← Chapter 40
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 42 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42