bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Job 9
Job 9
Sukuma 2019
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 10 →
1
Hūna ū Ayubu ūshosha ūhaya,
2
Ūlītūngīlīja, nū nene namanile gīkī ī yenīyī ya ng'hana; alīyo ū munhū adūgije kūbiza ntūngīlīja ginehe ū kūlī Mulungu?
3
Ūlū munhū ūtogwa kwihalalīja nang'hwe, ū mu mabūjo shihūmbī atūdūla kūnshokeja nūūlū līmò lyago.
4
Nani ūyo wagema kwilwisha nang'hwe ūpyena? Ū būmani bokwe būlī higūlya no, ū būdūla bokwe būtaale.
5
Ū wei akasaamyaga na ngūlū Ī joi ndūhū nū kūmana; ūlū ūsaaya akajisambaagūlaga.
6
Nī sī akītinginyaga wei aho īkikalaga, Ī ng'hīngī jayo jayengeela.
7
Hū wei akalīlagīlaga nī līīmi lyoya ū kwaka, hama nū būng'weku bo sonda akabūshīkījaga.
8
Ū meeja walyo ī ligūlū alī we wike, na a mahuuli ga nyanza akagapandagīlaga.
9
Hū ng'wene ūmeeja wa Ndīmīla, Ī ng'hīma nī ng'osha; nī sonda ī Shitanga fugo, nī ja mu ngamba gwa būjikū.
10
Ng'wīti wa mihayo ya kūkumya Īyo īkīlile būmanīle, shakūkumya shingī shitīko kūbalwa.
11
Nūūlū akabiza alībīta aho nalī, ū nene natūdūla ū kūmona; nūūlū alīshimīza natīko ū kūng'witegeleja.
12
Nūūlū akasola īsho alītogwa, nani akūnkūūma? Nani ūyo ashikile kūmūja gīkī, “Ūlīīta mhayo kī ū gwenūyo?”
13
Ū Mulungu atabūhamaga ū būpelanu bokwe, nūūlū a bagunanhi ba ng'wa Lahabu bakagwaga mu magūlū gakwe.
14
Ū nene nadūgije ginehe ū kwihalalīja nang'hwe? Nakwīpandīka kinehe ī mihayo ya kwishokeja nang'hwe?
15
Nguno nūūlū nakabiza natī na būhūbi, nahene natūdūla ū kūnshokeja; nakwibūūla dūhū ū kūlī Namuji wane anichīle shigongo.
16
Nūūlū nakang'witana ūniidīka, natizunīlīja gīkī adūgije ū kūnidegeleka.
17
Alīnitobagūla bo mbula ya nyaga, a makoye gane alīgongeja nū mhayo ndūhū.
18
Atūnilekaga niche myūyī nūūlū hado, akūnongegejaga dūhū a makoye ga kūsaatwa.
19
Ūlū mihayo ya būdūla, ū wei h'ūyo alī nabo; ūlū ya būtūngīlīja, nani ūyo adūgije kūmūūgīlīja?
20
Ū nene nūūlū nabize natī na būhūbi, alīyo ū nomo gwane gūkūnihūbya.
21
Ī chene ng'hana natī na shilingo, alīyo natiyiganikīlaga nene ng'wenekīlī, ū būpanga bone naabūdalahile no.
22
Ī yose ītikīlile, h'ī chene nalīhaya gīkī, “A bose akabakenaagūlaga, abo batī na shilingo, na a bahūbi.”
23
Ūlū mhayo gwenha icha lya kwisambūkīja, ū wei atafumagwa ng'holò kūlwa būlīji bo munhū ūyo atī na shilingo.
24
Ī sī ūlū yūding'wa na bahūnga, hū we ūyo akababbokujaga a basugi bayo; ūlū atī ng'wene, numho nani?
25
Ī shikū jane jilībīta wangū no, kūtinda ūyo akūpeelaga nhambo, jikūlalaga dūhū ndūhū ū kwībona ī yawiza.
26
Jilīhūūma wangū gītī maato ga mbelele, gītī ng'hoonà īlikweega kūjūhwehula sha kūlya.
27
Ūlū niwīla gīkī, “Ī gete nalekane nabo ū wilīja līja bone, nagalūche nū būshū bone, nane nayūng'weenya ng'weenya.”
28
Alīyo kūkūnogohyaga ū kūsaatwa kwane pyī ū kose, nguno namanile ūtūniisaaba gīkī natī na būbi.
29
Ī gīsī īkī namalaga kūbalīlwa būkenaagūji, nataalī na nguno kī ya kwikala nūkoyela midūhū?
30
Ū nene nūūlū noogela sabuni hīmba ya mbika kī, nūūlū nūūgakalabya na magembya a makono gane,
31
ūkūniponya dūhū ng'wichongo lya būnhyūūlūlū, kūshisha nī shizwalo shane nene ng'wenekīlī shikūyūniishishimūlwa.
32
Ū wei atī munhū gīt'ūmo nalī nene, gīkī nanshokeje mhayo; gīkī twishishe ng'wibanza tūkīmīīle twilole būshū kū būshū.
33
Gīt'ūlū ni wigela wa kūtūlamula, ūtūtūūlīla nkono gwakwe a bose būbīlī wise;
34
munhū wa kūdūla kūnīngīja ū nang'ha go ng'wa Mulungu, ī lyogohya lyakwe ni lyoya ū kūniibakīja.
35
A henaho ni nalūngalūnga ndūhū ū kūng'ogoha, alīyo ūmo nalī ūmu ī haha, natūdūla!
← Chapter 8
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 37
Chapter 38
Chapter 39
Chapter 40
Chapter 41
Chapter 42
Chapter 10 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42