bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Zechariah 10
Zechariah 10
Sukuma 2019
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 11 →
1
Ū SEEBA nombagi ī mbula ū mu makanza ga mīsa, nguno ū SEEBA hū ng'wene akagabeejaga a malunde ga mbula. Ī mbula ya nzumbī akabatūmīlaga we a banhū, nī shisho shikazwaga mu matogolo kūlwa banhū bose.
2
Ī shiikolile īsho shikalamiagwa shilī na mihayo ya kūlemba banhū, a bachūja bakabonaga mihayo ya nyalomolomo; bakahooyelaga ya shilooti sha kūlemba banhū, bakinhaga būlūngūja būtī na fiilū. H'ī chene a banhū bakatagaalījaga bajile sagala gītī ng'holo, bakiboneelagwa kūlwa kūgayiwa ndīīmi.
3
Ū būpelanu bone būbapembekelile no a badīīmi, a batongeeji nakūbagwisīja nsango; nguno ū SEEBA wa Būdūla bose akūlīdīlīla wei ī lidaale lyakwe, h'ī numba ya Yuda; akūbīīta babize gītī falasa mhyeeni mu būlūgū.
4
Ū kūfuma mu Yuda līkwilonga iwe lya kūgoloolela numba, ū mulī we lūkwilonga lūmambo lwa kūlang'hana iheema, ū mulī we būkwigela būta bo kūlwīīla mu būlūgū, būlī nsugi akūfuma mulī we.
5
A bose bakūbiza gītī bagosha ba nguzu bakūpandagīlaga tembe mu mapanda makanza ga būlūgū. Nīyo īkī ū SEEBA alī hamò nabo, ū mu kalwīīle kabo bakūbagoola a badamhīji ba falasa.
6
Ī numba ya ng'wa Yuda nakwīguzuhya, Ī numba ya ng'wa Yosefu nakwīpīja. Nakūbashosha hangī kū kaya, nguno nabasaatilwe. Bakūbiza gītī naalī natabalemile, nguno nalī SEEBA Mulungu wabo, ū mu kwitana kwabo nakūbidīka.
7
A Baefulaimu bakūbiza na nguzu gītī bashilikale, ī ng'holò jabo jikūzalabana gītī bang'wi ba divai. A baana babo bakūbona bayege, Ī ng'holò jabo jikūnyegela SEEBA.
8
Nakūbitana bibilinge mu sī yabo, na ng'hana nakūbapīja; bakūkwīla no babize gīt'ūmo baalī Ī kwandya.
9
Nūūlū nabasambaagīje kū mahanga ga banhū, alīyo nahene bakūniizūkwa nūūlū ū kū sī ja kūle. A boi na a baana babo bakūpīla, bakūshoka dūhū.
10
Nakūbashosha ū kūfuma ī Misili nī Ashulu nakūbabilinga nabīnje ko, nabenhe Gileadi na Lebanoni kūshisha ū ng'wanya gwa kwikala gūtūbiigela.
11
Bakūbīta mu nyanza ya makoye, alīyo ū kūlibangūka kwa nyanza kūkūlembeela, nū mongo gwa Nile gūkūkama hamò na būshimu wago. Ū wikumīlīja bo Ashulu būkwichiwa hasī, nū būsugi bo Misili būkūbīta.
12
Nakūbaguzuhya mulī SEEBA, na bakūshimīza mu būdūla kūlwa lina lyakwe. Alīhaya SEEBA.
← Chapter 9
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 11 →
All chapters:
1
2
3
4
5
6
7
8
9
10
11
12
13
14