bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Zechariah 14
Zechariah 14
Sukuma 2019
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
1
Lūkūshika ū lūshikū lwa ng'wa SEEBA, ī sabo ījo ng'walī ng'wataajiwa mugabanhyiwe.
2
Pye a mahanga ga mu sī jose nakūgabilingīla Yelusalemu, gize kwilwisha nago ū nzengo gwenūyo; gakūgūdima gajijane nī sabo ja mu kaya jaamo, na a bakīma gayūbiboneela gabasosohaja. Nusu ya bikaji ba mu nzengo gwenūyo bakūsaamījiwa kū sī jingī; alīyo abo balasaagīīle batīnjiwa moi.
3
Gwike ū SEEBA akūgaseesela a mahanga genayo alwe nago, gītī akūlwaga mu lūshikū lwa būlūgū.
4
Ū mu lūshikū lwenūlo akwīmīīla na magūlū gakwe ha Lūgūlū lwa Mizeituni kīya ya Yelusalemu, hūna ū Lūgūlū lwa Mizeituni lūkūtandūka habīlī, kūfuma kīya kūja ng'weli, lilonge ho lyoma ītaale; ī nusu ya lūgūlū īkūsegeja kūja sukuma, ī nusu ī yīngī yūja dakama.
5
A bing'we mukūpeela bo kūbītīla ū mu lyoma lya lūgūlū lwane, nguno līkūbiza līshikile Azeli. Mukūpeela ūmo mukīpeelela nyahīnga mu shikū ja ntemi Uzia wa Yuda. Hūna ū SEEBA Mulungu wane akwiza hamò nabo a beela pye a bose.
6
Ū mu lūshikū lwenūlo lītūbiza ho isana, nī mbeho ītūbiza ho nūūlū lūme lūnyilīzu.
7
Lūkūbiza lūshikū lwa iyene, lūtī na līīmi nūūlū būjikū ndūhū; ū lūshikū lwenūlo lūkūbiza lūmanilwe na SEEBA dūhū. Ūlū lyūbiza lya mhīndī heela pe.
8
Ū mu lūshikū lwenūlo minzī mapanga gakūhūūma kūfuma Yelusalemu; nusu yaago gakūsela galolile kū nyanza ya kīya, ī nusu ī yīngī kūja kū nyanza ya ng'weli; gakūsela gīko mu chū na shidikū.
9
Ū SEEBA akūbiza Ntemi wa sī yose; ū mu lūshikū lwenūlo akūbiza ho SEEBA ūmò, nī lina lyakwe līkūbiza līmò gwike.
10
Ī sī pyī ī yose kwandīja Geba kūshisha Limoni, dakama ya Yelusalemu, īkūbiza itogolo lyūmu. Alīyo ū nzengo gwa Yelusalemu gūkūgūngūhiwa gwikale ūmo gūkikalīlaga na kale, gūkwandīja kū mita gwa Benjamini kūshisha ūko gwalī ū mita ū gwa kale, gūūgoloola gūjile kū mita gwa kū Kuluba; hama kūfuma kū Numba Ndīhu ya Hananeli kūshisha kwikamīlo lya divai ya ng'wikūlū.
11
Gūkūbiza na bikaji mo bingī; gūtalakenaagūlwa hangī na hado yaya. Ū nzengo gwa Yelusalemu gūkwikala mu mhola.
12
Īlī h'ī lihūūya īlo SEEBA akūlītūmamīla kūgatūla pye a mahanga ayo gaalī na wilwisha na Yelusalemu: Ī mibīlī yabo īkūbola kūko bataalī bīmīīlile na magūlū gabo, na a miso gabo gakūbola ū mu mhembo jago, nī ndīmi jabo jikūbola jilī ū mu milomo yabo.
13
Ū mu lūshikū lwenūlo ū SEEBA akūbatūla a banhū na boobà būtaale; būlī munhū akūng'ūbūkīla ng'wiye kūnū ong'hajaga nkono.
14
Nī Yuda īgwikenya ū mu Yelusalemu; ī sabo ja mahanga pye a gose ayo galī hihī hihī jikūbilingwa, zahabu na feza ningī no, būyaga na shizwalo.
15
Ihūūya lya mbika yenīyo līkūjitūla nī falasa, nī nzobe ī nhaale, kūja kū ngamīla na nzobe nī ndimu ī jose ījo balabize najo ū mu ng'hambī jenījo.
16
Abo balasaagīīle ū kūfuma ū mu mahanga ayo gaalī gīyūbūkīla Yelusalemu bakūyūja būlī ng'waka kūnamya ū ntemi, ū SEEBA wa Būdūla bose, na kūshiyegela ī Shigukulu sha Maduku.
17
Banhū bose bose a ba mu sī ūlū būleka ū kūja ī Yelusalemu ū kūnamya ū ntemi, ū SEEBA wa Būdūla bose, batūpandīka ī mbula.
18
A Bamisili ūlū būleka ū kūja kwisangīja ū mu shigukulu shenīsho, batūpandīka ī mbula. Ū SEEBA akūbenhela a mahūūya ayo akūgatūmamīla kūgatūla a mahanga ayo gatatogilwe kūja kūshiyegela ī Shigukulu sha Maduku.
19
Ū gwenūyū hū nsango gwa Misili, hama hū nsango gwa mahanga gose ayo gakūleka kūja kūshiyegela ī Shigukulu sha Maduku.
20
Ū mu lūshikū lwenūlo mhayo NG'WELA KŪLWA NG'WA SEEBA gūkūbiza gwandīkilwe a ha ng'hīnda ja falasa, nī nungū ja kūzugīla ī ja mu numba ya ng'wa SEEBA jikūbiza gītī mabakuli meela ayo gakatūūlagwa kū būtongi bo ng'walīlo.
21
Būlī nungū ū mu Yelusalemu nū mu Yuda īkūbiza neela kūlwa ng'wa SEEBA wa Badūla bose, hama būlī bene abo bakwiza kūfunya shitambò bakūsola nungū jimò na jimò bazugīle mo. Nīyo ū mu lūshikū lwenūlo atilonga nsūlūja ū mu numba ya ng'wa SEEBA wa Būdūla bose.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
All chapters:
1
2
3
4
5
6
7
8
9
10
11
12
13
14