bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Sukuma
/
Sukuma 2019
/
Zechariah 6
Zechariah 6
Sukuma 2019
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 7 →
1
Kūlola hangī ī gīkī nūbona magogoteni anè galiza kūfuma ha gatī gatī ya ngūlū ibīlī, ngūlū ja būtundo wa shaba!
2
Ī ligogoteni lya kwandya lyalī na falasa jaza, ī lya kabīlī jalī japi,
3
Ī lya kadatū jape, ī lya kanè jalī ja mabala mabala; pyī ī jose jalī ja nguzu.
4
Nūmūja ū malaika ūyo wayombaga nū nene, “Ī jenīji najo kī baba?”
5
Ū malaika ūnishokeja alīhaya, “Ī yenīyī myoyo ya ng'wigūlū, īlīfuma kūlī SEEBA wa sī yose, ūko īkikalaga.
6
Īlo līlī na falasa japi lījile kū sī ya sukuma, īlo līlī na falasa jape lījile kū sī ya ng'weli; lelo īlo līlī na falasa ja mabala mabala ī lyene lījile dakama.”
7
Ī falasa jenījo jalī na nguzu no, aho jafuma jūgaagaana gīkī jije pye a hose ū mu sī. Nang'hwe ūjihamīla alīhaya, “Jagi pye hose hose ū mu sī!” Na ng'hana jūja pye hose hose ū mu sī.
8
Hūna ūnihamukīla alīhaya, “Ūlījibona ījo jatūngīīla kū sī ya sukuma, ī jenījo jilīkagwifuuja ū Moyo gwane ū kū sī ya sukuma.”
9
Ū mhayo go ng'wa SEEBA gūnizīīla gūlīhaya:
10
“Solaga feza na zahabu kūfuma kū ba Helidai, Tobiya na Yedaya, abo bizile kūfuma kū būsaamiwa mu sī ya Babuloni. Mu lūshikū lwenūlo dūhū, ūje kū ng'wa Yosia ng'witūnja o ng'wa Zefania.
11
Ūjisole ī feza nī zahabu, ūkabeeje ngikili ūntūūlīle kū ntwe gwakwe ū Ngabīji Ntaale Yoshwa ng'wana Yehozadaki.
12
Ūng'wīle gīkī ū SEEBA wa Būdūla bose alīhaya, ‘Ū munhū ūyū hū ng'wene ūyo lina lyakwe alī Itambī, na ng'hana akūsonga gītī itambī a h'ipandī lyakwe, akwīzenga ī hekalu ya ng'wa SEEBA.
13
Ū ng'wenūyū hū ng'wene ūyo akwīzenga ī hekalu ya ng'wa SEEBA, na akūzwīkwa shizwalo sh'ikūjo lya nyatemi, igashe h'isumbī lyakwe lya būtemi asuge. Na hangī a h'isumbī lyakwe ī lya būtemi akūbiza na nīmo gwa būgabīji. Būkūbiza ho widomanīja a ha gatī ya būtūmami būbīlī wenūbū.’
14
Ba Helidai, Tobiya na Heni ng'wa Zefania, bakwinhwa ngikili mu hekalu ya ng'wa SEEBA kūlwa kūbizūkwa.
15
Abo balī kūle bakwiza bagunaane ū nīmo gwa kūzenga ī hekalu ya ng'wa SEEBA, hūna mukūdeeba gīkī ū SEEBA wa Būdūla bose hū ng'wene wanitūmile ū kū bing'we. Ū gwenūyū gūkūshikīīla, ūlū ng'ūng'wigwa mu ng'hana ū SEEBA Mulungu wing'we.”
← Chapter 5
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 7 →
All chapters:
1
2
3
4
5
6
7
8
9
10
11
12
13
14