bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Tulu
/
Tulu (ಪೊಸ ಒಡಂಬಡಿಕೆ)
/
Matthew 14
Matthew 14
Tulu (ಪೊಸ ಒಡಂಬಡಿಕೆ)
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 15 →
1
ಆ ಸಮಯೊಡು ಉಪರಾಜೆ ಹೆರೋದೆ ಯೇಸುನ ಸುದ್ಧಿನ್ ಕೇಂಡ್ದ್
2
ತನ ಸೇವಕೆರೆಡ, “ಇಂಬೆ ಸ್ನಾನಿಕೆ ಯೋಹಾನೆ ಕುಡ ಬದ್ಕ್ದ್ ಬೈದೆ. ಐಡ್ದಾವರ ಕಾರ್ನಿಕೊಲೆನ್ ನಡಪಾವು ಶಕ್ತಿ ಆಯಡ ಉಂಡು,” ಅಂದ್ದ್ ಪಂಡೆ.
3
ಹೆರೋದೆ ಹೆರೋದ್ಯೆಲೆಗಾದ್ ಯೋಹಾನನ್ ಪತ್ತ್ದ್ ಸೆರೆಮನೆಟ್ ಪಾಡ್ದಿತ್ತೆ. ಆ ಹೆರೋದ್ಯೆಲ್ ಹೆರೋದನ ಪಲಯೆ ಆಯಿ ಫಿಲಿಪ್ಪನ ಬೊಡೆದಿ.
4
ಯೋಹಾನೆ ಹೆರೋದಗ್, “ಈ ಮೊಲೆನ್ ದೀಪಾವೊಂದಿನವು ನ್ಯಾಯ ಅತ್ತ್ ಅಂದ್ದ್ ಪನೊಂದಿತ್ತೆ.”
5
ಹೆರೋದೆ ಆಯನ್ ಕೆರೊಡು ಅಂದ್ದ್ ಇತ್ತೆಡಲಾ, ಜನೊಕುಲು ಯೋಹಾನನ್ ಪ್ರವಾದಿ ಪಂಡ್ದ್ ಎನ್ನೊಂದಿತ್ತಿನೆಡ್ದ್ ಅಕ್ಲೆಗ್ ಪೋಡಿದ್ ಆಯನ್ ಕೆರ್ಪಾಯಿಜೆ.
6
ಆಂಡ ಹೆರೋದನ ಪುಟ್ಟಿ ದಿನತ ಪರ್ಬ ನಡತೊಂದುಪ್ಪುನಗ ಹೆರೋದ್ಯೆಲೆನ ಮಗಲ್ ಬತ್ತಿ ಬಿನ್ನೆರೆ ಎದುರು ನಲ್ತ್ದ್ ಹೆರೋದನ್ ಮೆಚ್ಚಾಯಲ್.
7
ಆಯೆ ಆಲೆಡ, “ಈ ಎಂಚಿನ ಕೇಂಡಲಾ ಕೊರ್ಪೆ,” ಅಂದ್ದ್ ಆಜ ದೀದ್ ಪಾತೆರ ಕೊರಿಯೆ.
8
ಅಪಗ ಆಲ್ ತನ ಅಪ್ಪೆನ ಪಾತೆರೊನು ಕೇಂಡ್ದ್, “ಮುಲ್ಪನೇ ಸ್ನಾನಿಕೆ ಯೋಹಾನನ ತರೆನ್ ಕಡ್ತ್ದ್ ಹರಿವಾಣೊಡು ಎಂಕ್ ತರ್ಪಾದ್ ಕೊರ್ಲ ಪಂಡಲ್.”
9
ಆ ಪಾತೆರೊಗು ಅರಸು ದುಃಖ ಮಲ್ತೆಡಲಾ ತಾನ್ ದೀವೊಂದಿನ ಆಜಡ್ದಾವರ ತನಡೊಪ್ಪ ಪಂತೆಡ್ ಕುಲ್ಲೊಂದಿತ್ತಿನಾಕುಲೆಗಾದ್ಲಾ ಅವೆನ್ ಕನತ್ ಕೊರಿಯೆರೆ ಅಪ್ಪಣೆ ಕೊರಿಯೆ.
10
ಬೊಕ್ಕ ಬೇಲೆದಾಕುಲೆನ್ ಕಡಪುಡ್ದು ಸೆರೆಮನೆಡ್ ಇತ್ತಿ ಯೋಹಾನನ ತರೆನ್ ಕಡ್ಪಾಯೆ.
11
ಅಕುಲು ಆಯನ ತರೆನ್ ಹರಿವಾಣೊಡು ಕನತ್ದ್ ಆ ಪೊಣ್ಣಗ್ ಕೊರಿಯೆರ್; ಆಲ್ ಅವೆನ್ ತನ ಅಪ್ಪೆನ ಕೈತಲ್ ದೆತ್ತೊಂದು ಪೋಯಲ್.
12
ಯೋಹಾನನ ಶಿಷ್ಯೆರ್ ಬತ್ತ್ದ್ ಆಯನ ಪುಣೊನು ಕೊನೊದು ಪೋದು ಕೌಂತುದು ಯೇಸುನ ಕೈತಲ್ ಬತ್ತ್ದ್ ತೆರಿಪಾಯೆರ್.
13
ಯೇಸು ಈ ಸುದ್ಧಿ ಕೇಂಡ್ದ್ ಒಂಜಿ ಓಡೊನು ಪತ್ತ್ದ್ ಏರ್ಲಾದಾಂತಿನ ಜಾಗ್ಗ್ ಪ್ರತ್ಯೇಕಾದ್ ಒರಿಯೇ ಪೋಯೆ. ಆಂಡ ಈ ಸಂಗತಿ ಜನೊಕುಲೆಗ್ ಗೊತ್ತಾಯಿನೆಡ್ದ್ ಗುಂಪುಗುಂಪಾದ್ ತನ್ಕುಲೆನ ಊರುಡ್ದು ನಡತೊಂದು ಆಯನ ಬೆರಿಯೆ ಪೋಯೆರ್.
14
ಯೇಸು ಓಡೊಡ್ದು ಜಪ್ಪುನಗ ಮಸ್ತ್ ಜನೊಕುಲೆ ಗುಂಪುನು ತೂದು ಕನಿಕರ ಪಡೆದ್ ಅಕ್ಲೆಡ್ ಸೀಕ್ಡಿತ್ತಿನಾಕುಲೆನ್ ಗುಣ ಮಲ್ತೆ.
15
ಬೈಯಡ್ ಶಿಷ್ಯೆರ್ ಯೇಸು ಕೈತಲ್ ಬತ್ತ್ದ್, “ಉಂದು ಕಾಡ್, ಪೊರ್ತು ಕಂತ್ಂಡ್. ಮೊಕುಲು ಕೈತಲುಪ್ಪು ಹಳ್ಳಿಲೆಗ್ ಪೋದು ತನ್ಕುಲೆ ವಣಸ್ಗಾದ್ ದಾಲಾಂಡಲಾ ದೆತ್ತೊನೆರೆ ಕಡಪುಡುಲ,” ಅಂದ್ದ್ ಪಂಡೆರ್.
16
ಆಂಡ ಯೇಸು, “ಅಕುಲು ಪೋಪಿನವು ಅಗತ್ಯ ಇಜ್ಜಿ; ನಿಕುಲೇ ಅಕ್ಲೆಗ್ ವಣಸ್ ಕೊರ್ಲೆ,” ಪಂಡೆ.
17
ಐಕ್ ಅಕುಲು, “ಎಂಕ್ಲೆಡ ಮುಲ್ಪ ಐನ್ ರೊಟ್ಟಿ ರಡ್ಡ್ ಮೀನ್ ಬುಡ್ದು ಬೇತೆ ದಾಲ ಇಜ್ಜಿ,” ಪಂಡೆರ್.
18
ಆಂಡ ಯೇಸು, “ಅವೆನ್ ಎಂಕ್ ಕನತ್ ಕೊರ್ಲೆ,” ಪಂಡೆ.
19
ಬೊಕ್ಕ ಜನೊಕುಲೆನ್ ಪಜಿರ್ದ ಮಿತ್ತ್ ಕುಲ್ಲಿಯೆರೆ ಅಪ್ಪಣೆ ಕೊರ್ದು, ಆ ಐನ್ ರೊಟ್ಟಿನ್ಲಾ ರಡ್ಡ್ ಮೀನ್ನ್ಲಾ ದೆತ್ತೊಂದು ಬಾನದಂಚಿ ತೂದು ದೇವೆರೆನ್ ಸುಗಿತ್ದ್ ರೊಟ್ಟಿನ್ ಪೊಲ್ತುದು ಶಿಷ್ಯೆರೆ ಕೈಕ್ ಕೊರಿಯೆ; ಶಿಷ್ಯೆರ್ ಜನೊಕುಲೆಗ್ ಪಟ್ಟಿಯೆರ್.
20
ಅಕುಲು ಮಾತೆರ್ ಉಂಡುದು ತೃಪ್ತಿ ಆಯೆರ್. ಒರಿದಿನ ರೊಟ್ಟಿ ತುಂಡುಲೆನ್ ಒಟ್ಟು ಮಲ್ಪುನಗ ಪದ್ರಾಡ್ ಪುಡಯಿ ದಿಂಜಿಂಡ್.
21
ವಣಸ್ ಮಲ್ತಿನಾಕುಲೆಡ್ ಪೊಂಜೊವುಲು ಬೊಕ್ಕ ಜೋಕುಲೆನ್ ಬುಡ್ದು ಹೆಚ್ಚಿಕಡಿಮೆ ಐನ್ ಸಾರ ಅಂಜೊವುಲು ಇತ್ತೆರ್.
22
ಉಂದು ಆಯಿ ಕೂಡ್ಲೆ ಯೇಸು ತನ ಶಿಷ್ಯೆರೆಡ, “ಯಾನ್ ಈ ಜನೊಕುಲೆ ಗುಂಪುಲೆನ್ ಕಡಪುಡ್ದು ಕೊರ್ಪಿನೆಟ್ಟ ನಿಕುಲು ಓಡ ಮಿತ್ತಾರ್ದ್ ಎನಡ್ದ್ ದುಂಬು ಆಯೆರೆಗ್ ಪೋಲೆ,” ಅಂದ್ದ್ ಒತ್ತಾಯ ಮಲ್ತೆ.
23
ಆಯೆ ಜನೊಕುಲೆ ಗುಂಪುನು ಕಡಪುಡ್ದು ಕೊರಿ ಬೊಕ್ಕ ಪ್ರಾರ್ಥನೆ ಮಲ್ಪೆರೆಗಾದ್ ಒರಿಯೇ ಗುಡ್ಡೆಗ್ ಪೋಯೆ. ಪೊರ್ತು ಕಂತಿ ಬೊಕ್ಕಲಾ ಅವುಲು ಇತ್ತೆ.
24
ಆತ್ನೆಟ್ಟ ಓಡ ಕಡಲ್ದ ಕರೆಡ್ದ್ ಮಸ್ತ್ ದೂರ ಪೋದಿತ್ತ್ಂಡ್. ಬೊಕ್ಕ ಗಾಳಿ ಎದುರಾದ್ ಬೀಜೊಂದಿತ್ತಿನೆಡ್ದ್ ಸೆರೆಕ್ಕ್ ತಿಕ್ಕ್ದ್ ಅಡಿಮೇಲ್ ಆವೊಂದಿತ್ತ್ಂಡ್.
25
ಅಪಗ ಹೆಚ್ಚಿಕಡಿಮೆ ರಾತ್ರೆದ ನಾಲನೇ ಜಾಮೊಡು ಯೇಸು ಕಡಲ್ದ ಮಿತ್ತ್ ನಡತೊಂದು, ಅಕ್ಲೆ ಕೈತಲ್ ಬತ್ತೆ.
26
ಆಂಡ ಶಿಷ್ಯೆರ್ ಕಡಲ್ದ ಮೇಲ್ಡ್ ಆಯೆ ನಡಪುನೆನ್ ತೂದು, “ಅವು ಭೂತ,” ಅಂದ್ದ್ ತಳಮಳ ಆದ್ ಪೋಡಿದ್ ಕಲ್ಕಿಯೆರ್.
27
ಅಪಗನೇ ಯೇಸು ಅಕ್ಲೆಡ ಪಾತೆರ್ದ್, “ಧೈರ್ಯ ಮಲ್ತೊನ್ಲೆ, ಯಾನೇ ಪೋಡ್ಯಡೆ,” ಅಂದ್ದ್ ಪಂಡೆ.
28
ಐಕ್ ಪೇತ್ರೆ, “ಕರ್ತವಾ, ಈಯೇ ಆಂಡ,” ಯಾನ್ಲಾ ನೀರ್ದ ಮೇಲ್ಡ್ ನಡತ್ದ್ ನಿನ ಕೈತಲ್ ಬರಿಯೆರೆ ಅಪ್ಪಣೆ ಕೊರ್ಲ ಪಂಡೆ. ಐಕ್ ಆಯೆ, “ಬಲ,” ಪಂಡೆ.
29
ಅಪಗ ಪೇತ್ರೆ ಯೇಸುನ ಕೈತಲ್ ಪೋವೆರೆ ಓಡೊಡ್ದು ಜತ್ತ್ದ್ ನೀರ್ದ ಮೇಲ್ಡ್ ನಡತೆ.
30
ಆಂಡ ಗಾಳಿನ್ ತೂದು ಪೋಡಿದ್ ಮುರ್ಕೊಂದು, “ಕರ್ತವಾ, ಎನನ್ ಕಾಪುಲ,” ಪಂಡ್ದ್ ಬೊಬ್ಬೆ ಪಾಡಿಯೆ.
31
ಆ ಕ್ಷಣೊಟೇ ಯೇಸು ಕೈ ನೀಡ್ದ್ ಆಯನ್ ಪತ್ತ್ದ್, “ನಂಬಿಕೆದಾಂತಿನಾಯಾ, ದಾಯೆ ಸಂಶಯ ಮಲ್ತ?” ಅಂದ್ದ್ ಪಂಡೆ.
32
ಐಡ್ದ್ ಬೊಕ್ಕ ಅಕುಲು ಓಡದ ಉಲಯಿ ಬತ್ತಿ ಬೊಕ್ಕ ಬಿರುಗಾಳಿ ಉಂತುದು ಪೋಂಡು.
33
ಅಪಗ ಓಡೊಡಿತ್ತಿನಾಕುಲು ಆಯಗ್ ಅಡ್ಡಬೂರ್ದು, “ಈ ನಿಜಾದ್ಲಾ, ದೇವೆರೆ ಮಗೆ,” ಅಂದ್ದ್ ಆಯಗ್ ವಂದನೆ ಮಲ್ತೆರ್.
34
ಅಕುಲು ಕಡಲ್ನ್ ದಾಂಟ್ದ್ ಗೆನೇಜರೇತುದ ಕರೆಕ್ ಬತ್ತೆರ್.
35
ಆ ಜಾಗ್ದಾಕುಲು ಯೇಸುನ ಗುರ್ತ ಪತ್ತಿಯೆರ್. ಸುತ್ತ ಇತ್ತಿ ಸೀಮೆಲೆಗ್ ಜನೊಕುಲೆನ್ ಕಡಪುಡ್ದು ಸೀಕ್ಡಿತ್ತಿನಾಕುಲೆನ್ ಮಾತೆರೆನ್ಲಾ ಆಯ ಕೈತಲ್ ಕನತೆರ್.
36
ನಿನ ಕುಂಟುದ ಗೊಂಡೆನಾಂಡಲಾ ಮುಟ್ಟಿಯೆರೆ ಬುಡೊಡು ಅಂದ್ದ್ ಆಯಡ ನಟ್ಟೊಂಡೆರ್. ಆಯನ್ ಮುಟ್ಟಿನಾಕುಲು ಮಾತ ಗುಣ ಆಯೆರ್.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28