Ezekiel 3

Tswana 1890 (Bibela ea Boitsépho 1890 (Sechuana Tlhaping - Moffatt Bible))

← Chapter 2 Jump to: Chapter 4 →

1MI a ’nthaea, Moroa mothu, u ye se u se bonañ; u ye momeno o, mi ea u bue le ba ntlu ea Yeserela.

2Mi ka tumolola molomo oa me, mi a ’nyesa momeno ouo.

3Mi a ’nthaea, Moroa mothu, yesa mpa ea gago, mi tlatsa liteñ tsa gago ka momeno o ki o gu naeañ. Ereha gona ki o yañ; mi oa bo o le botse mo molomoñ oa me yaka linotse.

4¶ Mi a ’nthaea, Moroa mothu, ea kua go ba ntlu ea Yeserela, u bue le bona ka mahuku a me.

5Gone ga ua roñoa go bathu ba puo e e thata, le ba loleme lo lo bokete, ki gu romela go ba ntlu ea Yeserela;

6Esiñ go bathu bantsi ba puo e e thata, le ba loleme lo lo bokete, ba mahuku a bona u sa kakeñ ua a tlaloganya. Rure, ’nkabo ki gu romile go bona, ba kabo ba gu reritse.

7Mi ba ntlu ea Yeserela ga ba kitla ba gu retsa; gone ba gana go ’nthetsa: gone ba ntlu ea Yeserela botle ba boima yoa phatla le bopelu e thata.

8Bona, ki thatahaleritse hatlogo sa gago hatlogo tsa bona, le phatla ea gago ki e thatahaleritse phatla tsa bona.

9Ki rihile phatla ea gago yaka diamenta, e e thata bogolu go lehika: u si ba boihe, le esiñ go reregela hatlogo tsa bona, leha e le ba ntlu ea cuulolo.

10¶ Mi a ’nthaea, Moroa mothu, cula mahuku a me aotle a ki tla a buañ nau ka pelu ea gago, mi u a utlue ka tsebe tsa gago.

11Mi ea kua go bona ba bocuaro, go baneñ ba bathu ba me, u bue le bona, u ba bulelele, Go bua yalo Yehova Morena; leha ba utlua, khotsa ba khutla.

12¶ Ereha gona moea o ’nculetsañ, mi ka utlua koru ea tutumo e kholu morago ga me, e re, A go bakoe khalalelo ea ga Yehova mo heloñ ga gague.

13Mi ka utlua tumo ea liphuka tsa tse ri tserileñ tse ri amanañ, le tumo ea liuile tebaganoñ le cona, le koru ea tutumo e kholu.

14Ereha gona moea o ’nculetsañ, o ’nkisa, mi ka ea ka bogalaka, le bocarara yoa moea oa me; mi atla sa ga Yehova sa bo se le thata go ’na.

15¶ Mi ka hitla go bona ba bocuaro kua Tele‐abiba, ba ba nntseñ ha molapoñ oa Kebara, mi ka nna kua ba nntseñ gona, ka nna gona ka gakha marioa mo go bona ka malatsi a seven.

16Mi ga rihala, malatsi a seven a sina heta, lehuku ya ga Yehova ya ’ntihahalela, ya re,

17Moroa mothu, ki gu laoletse ba ntlu ea Yeserela moleberi: ki gona utlua lehuku mo molomoñ oa me, mi u ba tlagise kaga me.

18Ha ki raea moikepi, U tla shuela rure; mi u sa mo tlagise, le esiñ go bua go tlagisa moikepi mo tseleñ ea gague ea boikepo, go mo tserisa; moikepi eo, o tla shua mo tsiamololoñ ea gague, mi ki tla lopa mari a gague mo atleñ sa gago.

19Mi ha u tlagisa moikepi, mi a sa boee mo boikepoñ yoa gague, le esiñ mo tseleñ ea gague ea boikepo, o tla shua mo tsiamololoñ ea gague, mi uena, u golotse moea oa gago.

20Gape, ha mosiami a boea mo tsiamoñ ea gague, a siamolola, mi ki baea sekhopo ha pele ga gague, mi a shua: gone ga ua ka ua mo tlagisa, o tla shuela boleoñ yoa gague, mi tsiamo ea gague e o e rihileñ ga e kitla e gakologeloa; mi mari a gague ki tla a lopa mo atleñ sa gago.

21Mi ha u tlagisa mosiami, gore mosiami a si leohe, mi a sa leohe, o tla tselela rure, gone a tlagisicoe; le uena u golotse moea oa gago.

22¶ Mi atla sa ga Yehova se le se le go ’na gona; mi a ’nthaea, Nanoga, u coelele kua mogorogoroñ, mi ki tla bua nau gona.

23Mi ka nanoga, ka coela kua mogorogoroñ: mi bonañ, khalalelo ea ga Yehova ea ema gona, yaka khalalelo e ki le ka e bona ha molapoñ oa Kebara: mi ka oa ka hatlogo sa me.

24Ereha gona moea o tsenañ go ’na, o ’nkemisa ka nao tsa me, o bua le ’na, o ’nthaea, Ea u ikopelele mo tluñ ea gago.

25Mi uena, moroa mothu, bona, likhole li tla beoa go uena, mi u tla golegoa ka cona, mi ga u kitla u ea go bona.

26Mi ki tla ñaparisa loleme loa gago mo magalapeñ a gago, mi u tla na simumu, mi ga u kitla u na mueri go bona: gone e le ba ntlu ea cuulolo.

27Mi ha ki bua nau, ki tla tumolola molomo oa gago, mi u tla ba raea, Go bua yalo Yehova Morena: Eo o utluañ, a a utlue; mi eo o khutlañ, a a khutle: gone e le ba ntlu ea cuulolo.

← Chapter 2 Jump to: Chapter 4 →