2 Chronicles 27

Tsonga Xitsonga (Bibele) 1929

← Chapter 26 Jump to: Chapter 28 →

1Yotamu a a ri wa malembe ya 25 loko a sungula ku fuma, a fuma malembe ya 16 eYerusalema; vito ra mana wa yena a a ri Yeruxa, n'wana Sadoki.

2A endla leswi lulameke emahlweni ka Yehovha, hinkwaswo hilaha Uziya, tata wa yena a endleke hakona; ntsena a nga nghenanga etempeleni ya Yehovha. Kambe tiko ri ya emahlweni hi ku dyoha.

3Hi yena la nga aka nyangwa leyi tlakukeke ya yindlu ya Yehovha, a endla ni mitirho leyikulu erirhangwini ra Ofele.

4A aka miti entshaveni ya Yuda; a aka ni tindlu ta vuhosi, ni makhokholo eswihlahleni.

5A lwa ni hosi ya vana va Amoni, kutani a va hlula. Vana va Amoni va n'wi nyika lembe lero titalenta ta dzana ta silivhere, ni tikore ta 10 000 ta koro, ni ta 10 000 ta barley; vana va Amoni va humesa ndzuvo wolowo hi lembe ra vumbirhi ni ra vunharhu.

6Yotamu a kuma matimba hikuva a tshama a famba emahlweni ka Yehovha, Xikwembu xa yena.

7Leswi seleke swa timhaka ta Yotamu, ni tinyimpi hinkwato ta yena, ni mitirho hinkwayo ya yena, maswivo, swi tsariwile ebukwini ya tihosi ta Israele ni ta Yuda.

8A a ri wa malembe ya 25 loko a sungula ku fuma, kutani a fuma malembe ya 16 eYerusalema.

9Yotamu a etlela ni vatata wa yena, va n'wi lahla emutini wa Davhida; kutani Akazi, n'wana wa yena a fuma ematshan'weni ya yena.

← Chapter 26 Jump to: Chapter 28 →