1 Thessalonians 3

Umbundu Bible (Embimbiliya - Bíblia Sagrada em Umbundu)

← Chapter 2 Jump to: Chapter 4 →

1Oco, eci ka tua tẽlele vali oku likandangiya, tua soka tuti, Ciwa okuti tu siala ka Atenai lika lietu.

2Yu tua tuma manjetu Timoteo, haeye ukuopange wa Suku vondaka yiwa ya Kristu. Tuo tuma okuti o vu kolisa vetavo liene, loku vu lungula,

3okuti lomue ka ka leñelele olohali viaco. Ene muẽle wa kũlĩhi okuti ovio via tu tukuiwila.

4Omo eci tua kala lene, osimbu ohali ka yeyile handi, tuo sapuili okuti tu laika oku tala ohali. Kuenje yeya, ndeci wa kũlĩhi.

5Oco ame, eci sia tẽlele vali oku likandangiya, nda tuma oku kũlĩhisa ekolelo liene, sanga uyonji wo yonji, kuenda upange wetu wa linga wolivova.

6Cilo puãi, Timoteo wa tunda kokuene loku iya kokuetu, kuenje wa tu sanjuisa. Wa tu lomboluila ekolelo liene locisola cene, kuenje wa tu sapuila ndomo vu tu ivaloka olonjanja viosi, lomo vu livela oku tu mola, ndeci etuvo tu livela oku u moli.

7Oco, a vamanji, vusuke wetu wosi lohali yetu yosi, omo ekolelo liene li tãi, oco tuo lembelekiwili.

8Kaliye, nda ene vu kolapo vu Ñala, etu tu mola omuenyo.

9Tu u panduili ndati ku Suku? Tu panduila ndati esanju tu vu kuetele kovaso a Suku yetu?

10Uteke lutanya tu likutilila ca lua okuti tu mola vali ovipala viene oco tu tẽlise ovina via kamba vekolelo liene.

11Kaliye Suku yetu, haeye Isietu, kuenda Ñala yetu Yesu Kristu, va yelise onjila yetu yoku iya kokuene.

12Kuenje Ñala a luise loku supuisa ocisola cene coku lisola pokati, leci cokomanu vosi, ndeci tu vu kuetele.

13A kolise ovitima viene, okuti koku kola, vi pua eko kovaso a Suku haeye Isietu ketukuluko lia Ñala yetu Yesu lolosandu viaye viosi.

← Chapter 2 Jump to: Chapter 4 →