1 Thessalonians 5

Umbundu Bible (Embimbiliya - Bíblia Sagrada em Umbundu)

← Chapter 4 Jump to:

1Puãi, a vamanji, ka ci yongola okuti umue o vu sonehela olotembo luvo wavio.

2Momo ene muẽle wa kũlĩhi ciwa ciwa okuti eteke lia Ñala liya ndeci ocimunu ciya kuteke.

3Eci omanu va kasi loku linga vati, Tua kolapo, tu kasi lombembua, oco okunyõleha ocipikipiki kuiya kokuavo, ndeci olongembia viya ku o misi. Oku puluka ka ku kala.

4Puãi ene, a vamanji, ka vu kasi vowelema ndokuti eteke liaco li vu sanga ndocimunu.

5Momo ene vosi vumãla vocinyi, haene vumãla vutanya. Etu hatumãla vutekeko, pamue vowelema.

6Oco, ka tu ka pekeli ndavakuavo, puãi tu lavululi loku lisuluvika kuholua.

7Momo ava va pekela va pekaila uteke, kuenda ava vakuakukolua va kolua kolua uteke.

8Puãi omo etu tuakuotanya, oco tu lisuluviki kokunyua. Tu wali ociyepelo coponete cekolelo locisola. Tu walivo elavoko lieyovo ndongalau.

9Momo Suku ka tu tukuilile onyeño, te oku kuatela eyovo la Mitakati Ñala yetu Yesu Kristu.

10Eye wa tu fila okuti, ndaño ka tua ile votulo, ndaño tu pekela otulo, haimo tu kala laye lomuenyo.

11Oco, likolisi pokati loku likuatisa ndeci vu kasi ale loku lingainga.

12Puãi, a vamanji, tu vu vetiya okuti vu sumbila ava va linga upange pokati kene, haivo vo songuili vu Ñala loku vu lungula.

13Va sumbili ca lua locisola, oku va sumbilila upange wavo. Kali lombembua pokati kene.

14Tu vu vetiya, a vamanji, tuti, Lunguli vakuemande. Kolisi ava va leñela. Kuatisi ava ka va kuete ongusu. Pandikisi la vosi.

15Lomue ka ka fetuluinye ukuavo cĩvi leci cĩvi, puãi, olonjanja viosi, vanjiliyi ndomo vu tẽla oku lilinga ciwa, loku linga vosi eci ciwa.

16Sanjuki olonjanja viosi.

17Kali locituwa coku likutilila.

18Pokati kovina viosi, imbaimbi olopandu, momo oco ocipango ca Suku vu Kristu Yesu co kokuene.

19Ko ka imi Espiritu.

20Ko ka pembuli awanji ovaprofeto,

21puãi a kũlĩhisi osi, kuenje nolipo a awa.

22Yuvuli evĩho liosi.

23Suku yombembua, eye mũele a vu kolise olumue. Espiritu liene lomuenyo, letimba, vi laviwe okuti vi suapo loku pua evelo ketukuluko lia Ñala yetu Yesu Kristu.

24U wo kovongi wa kolelua, kuenje o ci linga.

25A vamanji, tua pinga okuti vu tu likutilila.

26Lamipo vamanji vosi lesipulo li kola.

27Ndu vetiyi la Ñala okuti ukanda ulo u tangiwila vamanji vosi.

28Ocali ca Ñala yetu Yesu Kristu ci kale lene.

← Chapter 4 Jump to: