bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Urdu
/
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
/
Lamentations 3
Lamentations 3
Urdu URDR55 (Kitáb i Muqaddas 1955 (Tauret, Zabúr, Ambiyá ke Sahífa, aur Injíl))
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 4 →
1
Maiṉ hí wuh shaḳhs húṉ jis ne us ke g̣azab ke ‘asá se dukh páyá.
2
Wuh merá rahbar húá, aur mujhe raushní meṉ nahíṉ, balki táríkí meṉ chaláyá.
3
Yaqínan us ká háth din bhar merí muḳhálafat kartá rahá.
4
Us ne merá gosht aur chamṛá ḳhushk kar diyá, aur merí haḍḍiyáṉ toṛ ḍálíṉ.
5
Us ne mere irdgird díwár kheṉchí, aur mujhe talḳhí o mashaqqat se gher liyá.
6
Us ne mujhe muddat i daráz ke murdoṉ kí mánind tárík makánoṉ meṉ rakkhá.
7
Us ne mere gird iháta baná diyá, ki maiṉ báhar nahíṉ nikal saktá; us ne merí zanjír bhárí kar dí.
8
Balki jab maiṉ pukártá aur duháí detá húṉ, to wuh merí faryád nahíṉ suntá.
9
Us ne taráshe húe pattharoṉ se mere ráste band kar diye; us ne merí ráheṉ ṭeṛhí kar díṉ.
10
Wuh mere liye ghát meṉ baiṭhá húá ríchh aur kamíngáh ká sher i babar hai.
11
Us ne merí ráheṉ kaj kar díṉ aur mujhe reza reza karke barbád kar diyá.
12
Us ne apní kamán kheṉchí aur mujhe apne tíroṉ ká nishána banáyá.
13
Us ne apne tarkash ke tíroṉ se mere gurdoṉ ko chhed ḍálá.
14
Maiṉ apne sab logoṉ ke liye mazhaka, aur din bhar un ká rág húṉ.
15
Us ne mujhe talḳhí se bhar diyá aur nágdaune se madhosh kiyá.
16
Us ne saṉgrezoṉ se mere dáṉt toṛe aur mujhe ḳhákistar meṉ luṭáyá.
17
Tú ne merí ján ko salámatí se dúr kar diyá; maiṉ ḳhushhálí ko bhúl gayá.
18
Aur maiṉ ne kahá, Maiṉ nátawán húá, aur Ḳhudáwand se merí ummed játí rahí.
19
Mere dukh ká ḳhayál kar; merí musíbat, ya‘ní talḳhí aur nágdaune ko yád kar.
20
In bátoṉ kí yád se merí ján mujh meṉ betáb hai.
21
Maiṉ is par sochtá rahtá húṉ, isí liye maiṉ ummedwár húṉ.
22
Yih Ḳhudáwand kí shafaqat hai, ki ham faná nahíṉ húe, kyúṉki us kí rahmat lázawál hai.
23
Wuh har subh táza hai; terí wafádárí ‘azím hai.
24
Merí ján ne kahá, Merá baḳhra Ḳhudáwand hai, is liye merí ummed usí se hai.
25
Ḳhudáwand un par mihrbán hai, jo us ke muntazir haiṉ; us ján par jo us kí tálib hai.
26
Yih ḳhúb hai ki ádmí ummedwár rahe aur ḳhámoshí se Ḳhudáwand kí naját ká intizár kare.
27
Ádmí ke liye bihtar hai ki apní jawání ke aiyám meṉ farmánbardárí kare.
28
Wuh tanhá baiṭhe aur ḳhámosh rahe, kyúṉki yih Ḳhudá hí ne us par rakkhá hai;
29
Wuh apná muṉh ḳhák par rakkhe, ki sháyad kuchh ummed kí súrat nikle.
30
Wuh apná gál us kí taraf pher de, jo use tamáṉcha mártá hai; aur malámat se ḳhúb ser ho.
31
Kyúṉki Ḳhudáwand hamesha ke liye radd na karegá.
32
Kyúṉki agarchi wuh dukh de, taubhí apní shafaqat kí firáwání se rahm karegá.
33
Kyúṉki wuh baní Ádam par ḳhushí se dukh musíbat nahíṉ bhejtá.
34
Rú e zamín ke sab qaidíoṉ ko pámál karná,
35
Haqq Ta‘álá ke huzúr kisí insán kí haqqtalafí karná,
36
Aur kisí ádmí ká muqaddama bigáṛná, Ḳhudáwand dekh nahíṉ saktá.
37
Wuh kaun hai jis ke kahne ke mutábiq hotá hai, háláṉki Ḳhudáwand nahíṉ farmátá?
38
Kyá bhaáí aur buráí Haqq Ta‘álá hí ke hukm se nahíṉ hai?
39
Pas ádmí jíte jí kyúṉ shikáyat kare, jab ki use gunáhoṉ kí sazá miltí ho?
40
Ham apní ráhoṉ ko ḍhúṉḍheṉ aur jáṉcheṉ, aur Ḳhudáwand kí taraf phireṉ.
41
Ham apne háthoṉ ke sáth diloṉ ko bhí Ḳhudá ke huzúr ásmán kí taraf uṭháeṉ.
42
Ham ne ḳhatá aur sarkashí kí; tú ne mu‘áf nahíṉ kiyá.
43
Tú ne ham ko qahr se ḍháṉpá aur ragedá; tú ne qatl kiyá, aur rahm na kiyá.
44
Tú bádaloṉ meṉ mastúr húá, táki hamárí du‘á tujh tak na pahuṉche.
45
Tú ne ham ko aqwám ke darmiyán kúṛe karkaṭ aur najásat sá baná diyá.
46
Hamáre sab dushman ham par muṉh pasárte haiṉ.
47
Ḳhauf o dahshat aur wírání o halákat ne ham ko á dabáyá.
48
Merí duḳhtar i qaum kí tabáhí ke bá‘is merí áṉkhoṉ se áṉsúoṉ kí nahreṉ járí haiṉ.
49
Merí áṉkheṉ ashkbár haiṉ aur thamtí nahíṉ; un ko árám nahíṉ,
50
Jab tak Ḳhudáwand ásmán par se nazar karke na dekhe.
51
Merí áṉkheṉ mere shahr kí sab beṭiyoṉ ke liye merí ján ko ázurda kartí haiṉ.
52
Mere dushmanoṉ ne besabab mujhe parande kí mánind ragedá.
53
Unhoṉ ne cháh i zindán meṉ merí ján lene ko mujh par patthar rakkhá.
54
Pání mere sir se guzar gayá; maiṉ ne kahá, Maiṉ mar miṭá.
55
Ai Ḳhudáwand, maiṉ ne tah i zindán se tere nám kí duháí dí.
56
Tú ne merí áwáz suní hai; merí áh o faryád se apná kán band na kar.
57
Jis roz maiṉ ne tujhe pukárá, tú nazdík áyá; aur tú ne farmáyá, ki Hirásán na ho.
58
Ai Ḳhudáwand, tú ne merí ján kí himáyat kí aur use chhuṛáyá.
59
Ai Ḳhudáwand, tú ne merí mazlúmí dekhí; merá insáf kar.
60
Tú ne mere ḳhiláf un ke tamám intiqám aur sab mansúboṉ ko dekhá hai.
61
Ai Ḳhudáwand, tú ne mere ḳhiláf un kí malámat aur un ke sab mansúboṉ ko suná hai;
62
Jo merí muḳhálafat ko uṭhe un kí báteṉ aur din bhar merí muḳhálafat meṉ un ke mansúbe.
63
Un kí nishast o barḳhást ko dekh, ki maiṉ hí un ká rág húṉ.
64
Ai Ḳhudáwand, un ke a‘mál ke mutábiq un ko badla de.
65
Un ko kordil baná ki terí la‘nat un par ho.
66
Qahr se un ko raged aur rú e zamín se nest o nábúd kar de.
← Chapter 2
Jump to:
Chapter 1
Chapter 2
Chapter 3
Chapter 4
Chapter 5
Chapter 4 →
All chapters:
1
2
3
4
5