1 Timothy 5

Xhosa 1902 (Incwadi Yeziba̔lo Ezingcwele 1864, 1902 (Xhosa Appleyard))

← Chapter 4 Jump to: Chapter 6 →

1INDODA endala ungayitetisi ngobukali, uti uyiyale njengoyihlo; amatsha njengabaninawe;

2amankazana amadala njengonyoko; amatsha njengodade, ebucocweni bonke.

3Beka abahlolokazi abangabahlolokazi ngenene.

4Ukuba kodwa kuko umhlolokazi onabo abantwana umhlaumbi abazukulwana, mabafunde kuqala ukwenza ngobubedesho kokwabo, babuyisele abazali babo: ngokuba oku kulungile, kukolekile ebusweni bukatixo kanjako.

5Kodwa uti lowo ungumhlolokazi ngenene, oshiyiwe yedwa, atembe kutixo, aman’ ukuhlala ekukungeni nasekutandazeni ebusuku nasemini:

6kanti lowo upila ngobuyolo, ufile nxa ahleliyo.

7Nezizinto yalela ngazo, ukuze babe bengenakukalazelwa.

8Ukuba kodwa kuko umntu ongabazaleleli abake, nakakulu ke abendlu yake, ulukanyele ukolo, umbi kongakolwayo kanjalo.

9Makungabalelwa abe ngumhlolokazi opantsi kweminyaka emashumi matandatu ubudala bake, umfazi wendoda nye,

10enqi̔nelwa kakuhle ngemisebenzi elungileyo: ukuba wabondla abantwana, ukuba wabamkela endlwini abasemzini, ukuba wazihlamba inyawo zabangcwele, ukuba wabasiza ababandezelweyo, ukuba wati nama ukulandela yonke imisebenzi elungileyo.

11Kodwa abahlolokazi abatsha bale; ngokuba okuya bavukele u‐Kristu ngobutshinitshini befuna ukwenda,

12benokugwetywa, kuba ukolo lwabo lwokuqala belulahlile.

13Bati kanjalo kunye noko bafunde ukuba ngamavila, behambahamba kwizindlu ngezindlu; bengengamavila ke kodwa, koko kanjako bengamaṙoboṙobo nabazifakayo ezintweni zabanye, beteta izinto ezingafanelekileyo.

14Ndinga bangati ngoko abahlolokazi abatsha bende, bazale abantwana, bapate indlu, bangavuleli umalane ituba lokutuka.

15Ngokuba bese betyekile inxenye ukuya emva kwo‐Satane.

16Ukuba kuko ikolwa umhlaumbi ikolwakazi elinabo abahlolokazi, malibasize, ize ingatwaliswa iṙemente, ukuze ibasize abo bangabahlolokazi ngenene.

17Mabati abadala abapatayo kakuhle babalwe ukuba bafanele imbeko epindiweyo, kube ngabo kakulu ke abasebe, nzayo elizwini naselufundisweni.

18Ngokuba sisitsho isiba̔lo ukuti: Inkabi yakubu̔la akukuyifaka umkala; nokuti: Umsebenzi ufanele umvuzo wake.

19Ungakwamkeli ngakuye ongumdala ukunikwa kwetyala, ngapandle kwokuba kungomlomo wamanqi̔na amabini umhlaumbi amatatu.

20Abo bonayo bohlwaye ebusweni babo bonke, ukuze abanye nabo babe nokwoyika.

21Ndiya ku yala kunene pambi kwake utixo, nenkosi u‐Yesu Kristu, nengelosi ezinyuliweyo, ukuba uzibambe ezizinto ungenakugweba pambili, ungenzi luto ngokuketa abantu.

22Unganxami ukubeka izandla emntwini; kanjako ungabi nabudlelana nezono zabanye abantu. Zigcine ucokisekile.

23Ungabi sengumseli wamanzi, uti upuze intwana yeveyine ngenxa yesisu sako nezilwelwe zako ezifuti.

24Izono zabanye abantu ziyabonakala kwa sekuhleni, zi b andulela ukuya ekugwebeni; nabanye kambe ziyabalandela ngasemva.

25Ngokunjalo nayo imisebenzi elungileyo yabanye iyabonakala ekuhleni; naleyo ingenjalo ayingefihleke.

← Chapter 4 Jump to: Chapter 6 →