Amos 1

Xhosa 1902 (Incwadi Yeziba̔lo Ezingcwele 1864, 1902 (Xhosa Appleyard))

Jump to: Chapter 2 →

1AMAZWI ka‐Hamose, obepakati kwabalusi base‐Tekoha, lawo wawabonayo ngo‐Sirayeli, emihleni ka‐Huziya, ukumkani wo‐Juda, nasemihleni ka‐Jerobome, unyana ka‐Yohashe, ukumkani wo‐Sirayeli, iminyaka mibini singekabiko isingcangcazelo somhlaba.

2Wayesiti: Uyehova uya kugquma e‐Ziyone, aku̔pe ilizwi lake e‐Yerusaleme; amaṙiwa abalusi aya kulila, nengcopo ye‐Karamele yobuna.

3Utsho uyehova ukuti: Ngenxa yezigqito ezitatu ze‐Damakusi, nangenxa yezine, andiyi kubuyisa ukugwetywa kwayo; ngokuba bebulile i‐Gileyadi ngentsimbi zento yokubula.

4Ngako ndiya kutuma umlilo endlwini ka‐Hazayeli, oya kuzidla izindlukazi zika‐Bene‐hadadi.

5Ndandiya kwapula umvalo we‐Damakusi, ndinqamle umhlali emhlanjeni we‐Avene, nompati wentonga e‐Bete‐hedeni; baye abantu base‐Siriya beya kutinjelwa e‐Kire, utsho uyehova.

6Utsho uyehova ukuti: Ngenxa yezigqito ezitatu ze‐Gaza, nangenxa yezine, andiyi kubuyisa ukugwetywa kwayo; ngokuba befudusile inani lonke labatinjiweyo, baze ba ba nikele ku‐Edome.

7Ngako ndiya kutuma umlilo eludongeni lwe‐Gaza, oya kuzidla izindlukazi zayo.

8Ndandiya kunqamla umhlali e‐Ashedode, nompati wentonga e‐Ashekelone; nesandla sam ndosibuyisela pezu kwe‐Hekrone, bati abasisalela sama‐Filistiya babube, itsho inkosi e nguyehova.

9Utsho uyehova ukuti: Ngenxa yezigqito ezitatu ze‐Tire, nangenxa yezine, andiyi kubuyisa ukugwetywa kwayo; ngokuba benikele inani lonke labatinjiweyo ku‐Edome, bengakumbulanga ucebano lwabazalwana.

10Ngako ndiya kutuma umlilo eludongeni lwe‐Tire, oya kuzidla izindlukazi zayo.

11Utsho uyehova ukuti: Ngenxa yezigqito ezitatu zika‐Edome, nangenxa yezine, andiyi kubuyisa ukugwetywa kwake; ngokuba eputumile umzalwana wake ngesiṙele, wazonakalisa ezake izibele; ingqumbo yake yaqwenga futi, nomsindo wake wawugcina ngonapakade.

12Ngako ndiya kutuma umlilo e‐Temani, oya kuzidla izindlukazi zase‐Botsera.

13Utsho uyehova ukuti: Ngenxa yezigqito ezitatu zosapo luka‐Hamoni, nangenxa yezine, andiyi kubuyisa ukugwetywa kwalo; ngokuba luqangqulule abamitiyo base‐Gileyadi, ukuze luwandise umda walo.

14Ngako ndiya kupemba umlilo eludongeni lwe‐Raba, oya kuzidla izindlukazi zayo; ngesimemezo emhleni wokulwa, ngoqwitela emhleni wesaqwiti.

15Waeya kuya ekutinjweni ukumkani walo, yena nenkosana zake kunye, utsho uyehova.

Jump to: Chapter 2 →