1 Thessalonians 1

Zande

Jump to: Chapter 2 →

1APauro na Siruano na Timoteo Fu aboro kanisa du Tesaronika yo, nga ga Mbori yo nga Ba na Gbia Yesu Kristo. Undahe dú fu roni na zereda.

2Ani nafu tambuahe fu Mbori tipa roni dunduko dedede, nigumba pa roni rogo gaani kpe yo;

3nitingidi pa gaoni mangapai nga ga idapase na gaoni sunge nyemuse na gaoni hipai nga ga maabangirise rogo gaani Gbia Yesu Kristo yo, barangba gaani Mbori nga Barani.

4Ani ini ya Mbori sia roni, awirina nga amangu Mbori,

5wa gaani wene pangbanga aye koyo du oni ni ni kina fugo te, ono ni tandu a, na rogo Ziazia Toro, na ni yososo inahe; a wa ini oni gu ngbatunga aboro ani ayugu tirani fu roni ni mbiko roni.

6Oni ki ye ka du ni awiriki pa du wa ani, na pa du wa Gbia, oni nadi pai rogo bakere gberãngbi, ni gu ngbarago nga ga Ziazia Toro.

7Oni ki ye ka du ni kpia pai mbiko ho fu agu yo nga aidipase dunduko du Makedonia yo na Akaya yo.

8Bambiko ga Gbia pai awo yo du oni ni, kina ku Makedonia yo na Akaya yo sa te, ono pa gaoni idapase du koyo du Mbori ni si kuru ku rogo arago dunduko; si du gu pai ka ani gumba ha ku ri he, si ho te.

9Bambiko i nataka pande gu pai nadu ti gaani rima koyo du oni ni tigayo; na wa oni asa tironi ti kpiaahe koyo du Mbori ni, ka manga pa unga Mbori nga irarengo,

10ka sunguda Wiriko du ngbangbaturũ yo, nga gu ko Mbori azingisi ko be kpio dagba akangba yo, Yesu, nabatasa rani be gu erã nikaye.

Jump to: Chapter 2 →