1 Thessalonians 2

Zande

← Chapter 1 Jump to: Chapter 3 →

1Bambiko oni, awirina, oni ini gaani rima koyo du oni ni, ya i abi nga ha si du gbua te.

2Ono ani adu zukazuka rogo gaani Mbori yo ka gumba ga Mbori wene pangbanga fu roni rogo bakere kenapai, ani nahi pai mbata, i namangi rani ni wasiro Firipoi yo, wa ini oni he.

3Bambiko gaani zungaditi adu nga na irairapai, na birikobiriko pai, na biriki ti ni te.

4Ono wa Mbori angba na ani ka asia pa wene pangbanga fu rani, kina wo gumba ani he; tipa ngba na aboro te, ono Mbori nawisiga kpotorani yo.

5Bambiko oni ini he, ya i abi nga pa abia boro ti rani ni gu rago wa sa te, na oka kpi he te, Mbori nga dezirehe.

6Ani akia nga taarimo be aboro, watadu oni na akura yo te, ho ka ani aya ni i mangi pa rani, wa du ani ni ga Kristo amokedi.

7Ono ani adu ni bayee aboro dagba roni yo a wa de namanga pa awiriri;

8a wo, ani nikpi nyemu roni akpi, fu kina ga Mbori wene pangbanga fu roni angba nga ti rani sa te, ono mbisimorani a, bambiko oni aye ka ngba ti rani gbe.

9Bambiko, awirina, oni tíngidi pa gaani nyanyaki sunge na kenahe. Ani amangi sunge yuru na uru, ya ka ani fudi nga roni wa sa ya, ani ki nitungusi ga Mbori wene pangbanga fu roni.

10Oni nga dezirehe, na Mbori a, wa ani amangi tigaani ziazia ni rurupai nzunzu fu agu roni idi pase.

11Wa ini oni gu pai ani amangi fu roni dunduko ni ba sa sa, a wa ba nimangi fu awirini, ki ta zungadi roni, ningarasi roni, nigumba pai fu roni,

12ya oni nita wa rengbe he ku bangiri Mbori, nayamba roni ku rogo gako ngbi yo na gako taarimo.

13Bambiko gere ani natambua Mbori ti ni a ka ani apiriga nga ti ni ya, nga, wa oni adi gu pai oni agi ku gume be rani nga kina ga Mbori pai, oni adia nga a wa ka si angia ga aboro pai te, ono ni ga Mbori pai, a wo du he ni rengo, si du namanga pai ti agu roni idi he.

14Bambiko, awirina, oni aye ka du ni awiriki pa du wa gu ga Mbori akanisa du Yuda yo rogo Kristo Yesu yo: bambiko oni ahi apai a be angbatungaroni, a wa i ahi he be aYudo;

15naimi Gbia Yesu na anebi, ki nidandi rani a. I angba nga na Mbori te, ki du ni avura fu aboro dũ;

16ki niza rani ti gumba pai fu aGendiria i bati; ka hihisa gayo ingaapai waragoagira; ono zinga ye ku ri yo ni pai dati digida ha.

17Ono ani, awirina, wa ani akpara ti roni ngbutuko ni bororani, ni kpotorani yo te, ani ki niasadi bi kpakpuroni ni bakere nyemuse susi.

18Bambiko ani akpi nyemu ye fuo roni, mi nga Pauro a bara sa te, Satana ki nidingisa rani.

19Bambiko gine tie nga gaani maabangirise, na ngbarago, na utaasanmo? Nga kina roni, te? barangba gaani Gbia Yesu ho ko ka ye ni.

20Bambiko oni nga gaani taarimo na gaani ngbarago.

← Chapter 1 Jump to: Chapter 3 →