1 Thessalonians 5

Zande

← Chapter 4 Jump to:

1Ono arago na regbo ahe, awirina, zingo ke pai fu roni tipa ha amanga nga ronite.

2Bambiko oni ini tigaoni nzunzu ya rago Gbia naye wa iradĩ naye yuru.

3Hoi ka ya ni, “Zereda, ngba barani angba,” gberãngbi ki ye ku ri yo ni ba sa, a wa imisiri pai sa gu de du na gude; i abata nga wa sa te.

4Ono oni, awirina, oni adu nga bitimo yo, gu rago ka dusia roni wa iradĩ te re.

5Bambiko oni nga awiri imarago dunduko, nga awiri haha rago. Ani nga ga yuru yo te, nga ga bitimo yo te.

6Si du tie ka ani raki nga wa agu yo ya, ono ani nikparia rago ki nirugu tirani.

7Bambiko agu yo nara i nara yuru; agu yo nakpi buda i nakpi he yuru.

8Ono wa du ani ni ga haha rago yo, ani rúgu tirani, niukadi gu marã ngbaduse nga idapase na nyemuse; maabangirise tipa bata ki du ni gaani kpakpari vura.

9Bambiko Mbori aríngbisa nga rani sa zinga te, ono sa dia bata rogo gaani Gbia yo nga Yesu Kristo,

10nakpi tipa rani, ya, watadu ani ni ungarani na ani nara ara, ani mongo du adu ni ungarani na ko.

11Were oni zúngadi tironi na akuaroni, ki ninyakasi tironi dagba roni yo, a wa oni namanga a.

12Ono ani nazungadi roni, awirina, oni ini agu yo namanga nyanyaki sunge dagba roni yo, ki du ri roni rogo Gbia ki nirugu roni;

13oni ki niirisi yo bakere gbe ni nyemuse mbiko gayo sunge. Oni dú na zereda dagba roni yo.

14Ani nazungadi roni, awirina, oni rúgu agu yo namanga utukuru, oni nyakasi agu yo nawo, oni sóngodi agu yo narungbura, oni hi pai ni gbanga ha fu aboro dunduko.

15Oni bi he ya ka gu ni karaga nga gbegberẽpai fu boro ku ba gbegberẽpai wa sa ya; ono oni péke fuo gu pai nga wene he dedede, gu ni fu gu ni, fu aboro dunduko a.

16Oni ngi angi dedede;

17ka oni pírigi nga ti kpara kpe ya.

18Oni fú tambuahe rogo apai dú; bambiko gere nga gu pai Mbori akpi nyemu he tipa roni rogo Kristo Yesu yo.

19Ka oni bísi nga Toro ya;

20ka oni páyasi nga agu apai i nagumba ni sangba Mbori ya;

21oni ásadi apai dunduko; oni ká kuti gu du ni wene he nyanyaki;

22oni né ngbatunga gbegberẽapai dunduko.

23Mbori zereda ko sá roni ziazia ni tiko teketeke. I bánda tororoni na mbisimoroni na bororoni na baha, zanga sirõ ti rago ye gaani Gbia Yesu Kristo.

24Irarengo nga gu ko nayamba roni, ko amánga ha amanga a.

25Awirina, oni kpári tipa rani.

26Oni pói kuti awirina dunduko na dungoti na nyemuse.

27Mi zúngadi roni ni rimo Gbia ya i gedi gi keke waraga re fu awirina dunduko.

28Gu undahe nga ga gaani Gbia Yesu Kristo si dú na oni.

← Chapter 4 Jump to: