1 Thessalonians 3

Zande

← Chapter 2 Jump to: Chapter 4 →

1Si du ho ka ani aza nga tirani ni ti ni berewe ya, ani ki ya nye ani Atenai yo ni sa rani ngba.

2Ani ki kedi Timoteo, nga wirinarani nga ga Mbori boromangapai rogo ga Kristo wene pangbanga, ko nyakasi roni, ki ngarasi roni tipa gaoni idapase;

3ya ka boro wo nga be agi agberãngbi re wa sa ya. Bambiko oni ini tigaoni ya kina ha i aringbisi rani sa ni.

4Bambiko ho ani adu ni na oni, ani agumba ha fu roni mbata ni rengo ya ani ka hi gberãngbi; si ki ye ka du a wo, wa ini oni he.

5Bambiko gere mi a, ho ka mi aza nga tire ni berewe ya, mi ki kedi sunge mi ini pa gaoni idapase, si ngia iraasada aasadi roni ni gu pai, gaani sunge ka du gbua.

6Ono ho Timoteo aye ni awere yo du oni ni kono du ani ni, ki ye na wene pande gaoni idapase na nyemuse, ya oni natingida pa rani dedede wenengaĩ, nikpi nyemu bi rani, a wa ani anakpi nyemu ka bi roni a;

7ani ki wasa tipa roni rogo gaani rungo na gberãngbi dunduko bambiko gi pai re, awirina mbiko gaoni idapase.

8Bambiko awere ani ni ungarani, wa ru oni nyanyaki rogo Gbia yo.

9Bambiko gini tambuahe ka ani fu fu Mbori berewe tipa roni, tipa gu ngi ani nangi na ni mbiko roni barangba gaani Mbori?

10Ani nakpara kakaka na yuru na uru ya ani bi kpakpuroni ki nimbakadi gu pai kpa ti gaoni idapase nzunzu.

11Awere gaani Mbori nga Barani mbakadi gaani gene koyo du oni ni tigako, na gaani Gbia Yesu.

12Gbia ki ya gaoni nyemuse kii ki du gai dagba roni na fu aboro dunduko, a wa du he ti rani fu roni a.

13Gbia ki nyakasi ngbaduroni yo zanga sirõ na ziazia pai barangba gaani Mbori nga Barani, ho gaani Gbia Yesu ka ye ni na agu yo nga gako aboro dunduko.

← Chapter 2 Jump to: Chapter 4 →