1 Thessalonians 4

Zande

← Chapter 3 Jump to: Chapter 5 →

1Yangara ha tie, awirina, nga ani nazungadi roni ki nirugu roni rogo Gbia. Yesu yo, ya, wa oni adi pa ta be rani wa oni ka ta ningba na Mbori, a wa oni nata a, ya oni susi asusa na ni.

2Bambiko oni ini agu arugute ani afu fu roni rogo Gbia Yesu yo.

3Bambiko gi Mbori akpi nyemu he re, nga, i sa roni ziazia, oni ne pa bari;

4ya oni ini pa ka kuti bororoni tigaoni wa du oni ni ba sa sa ni ziazia pai na irisa,

5ni gu kpinyemuse nga ga gbagaura, a wa agu aGendiria aina nga Mbori ya te.

6Si du ka boro yári nga ri ndika ka manga gbegberẽ fu wirinani ni gi pai re wa sa ya; bambiko Gbia nga bairibape agi apai dunduko re, a wa ani agumba ha nifugu he fu roni.

7Bambiko Mbori ayamba nga rani tipa meteka te, ono kina tipa ziazia pai.

8Si du ka gu ni basa ha ti ni, ni abasa nga pa boro te, kina pa Mbori, nafu gako Ziazia Toro fu roni.

9Ono tipa nyemu awirina zingo ke pai fu roni tipa ha amanga nga roni te, bambiko Mbori nayugo pa nyemu akuaroni fu roni tigaoni.

10Bambiko oni namanga ha tigu fu agu awirina dunduko du Makedonia yo dú. Ono ani nazungadi roni, awirina, ya oni susi asusa na ni kindi.

11Oni ki nidua bangironi ti du zezeredi, ka amanga gaoni apai, ki nimangi sunge ni beroni, a wa ani arugu roni;

12ya oni nita nzunzu fu agu yo du zegi yo, ka zingo he mangi nga roni ya.

13Ono, awirina, ani akpi nga nyemu oni zanga ina pa agu yo ka ti ni rame te; ya ka oni rungo nga wa kura aboro, adu nga na maabangirise ti yo ya te.

14Bambiko si ngia ani idi pai ya Yesu akpi ki zingi berewe, a wo Mbori nikaye na agu yo ti ni rame rogo Yesu yo.

15Bambiko ani nagumba gere fu roni ni sangba Gbia, ya agu rani ka du ni ungarani, ki nye daho Gbia ka ye ni, ani andu nga mbata yo fu agu yo ti ni rame wa sa te.

16Bambiko Gbia nikazorã tigako ngbangbaturũ yo, na bakere tata ngba na fugo bakumba maraika, na ga Mbori kpangi. Agu yo du ni kangbayo rogo Kristo yo ki guari mbata;

17fuo gure agu rani ka du ni ungarani, ki nye anye, i amongo tuka rani na yo rogo mai yo ka gbia Gbia yuge yo. Ani ki du na Gbia tie nye anye kindi.

18Were oni ngárãsi tironi dagba roni yo na agi apai re.

← Chapter 3 Jump to: Chapter 5 →