2 Corinthians 13

Zande

← Chapter 12 Jump to:

1Gere nga biata rago mi naye ti ni koyo du oni ni. I anyakasa apai dunduko ku ngba adezire watadu ue na biata.

2Mi aima gumba ha mbata, mi nagumba ha mbata, fu agu yo naingi da awere, na fu akurayo dunduko, mi agumba ha mbata ho mi adu ni na oni ni ue he, a wo awere, wa du mi ku sa yo, ya, ka mi ye berewe, mi ahe nga pai te.

3Wa oni nagbata dezirehe ya Kristo nagumba pat rogo re yo; nga gu ko adu nga koyo du oni ni rurungbura ya, ono ko du na tandu rogo roni yo.

4Bambiko i awagi ko mbiko rungbura ono ko du ni ungako mbiko ga Mbori tandu. Bambiko ani rungbura a na ko, ono ani adu ni ungarani na ko koyo du oni ni mbiko ga Mbori tandu.

5Oni wísigi tironi si ngia oni du rogo idapase yo; oni ásadi tironi. Watadu oni aina nga pa tironi ya Yesu Kristo du rogo roni yo te? Kina ka oni ti bungudu.

6Ono mi berẽ he ya oni aina ha ya ani ati nga bungudu tigaani te.

7Were ani nakpara fu Mbori ya ka oni mangi nga gbegberẽpai wa sa ya; a nga ya i bi rani ni mbakadimbakadi rimorani te, ono ya oni nimangi gu pai iri aira, ka ani vura ti bungudu tigaani vurũ.

8Bambiko ka ani mangi nga pai niti kangu rengo wa sa te, ono mbiko rengo.

9Bambiko ani nangi angi, ho du ani ni rurungbura, oni ki du nyanyaki. Ani nakpara tipa gi pai re a, ya oni du teketeke.

10Mbiko gi pai re mi nake agi apai re wa du mi ku sa yo, ya ho mi ka du ni na oni ka mi rugu nga roni ni erá ya, ku sangba gu pai yo Gbia aasia ha fere tipa dua pai, a nga tipa bafa ha te.

11Yangara ha, awirina, nga oni dú koyo zezeredi. Oni dú ziazia; oni wása; oni dú kina ku bani; oni súngu zezeredi. Mbori nga nyemuse nga ga zereda ko a, ki nidu na oni.

12Oni poi kuti roni dagba roni ni ziazia dungoti.

13Ga Mbori aboro sanango roni wa du yo dunduko.

14Gu undahe nga ga Gbia Yesu Kristo, na gu nyemuse nga ga Mbori, na gu ngbanya nga ga Ziazia Toro, dú na oni dunduko.

← Chapter 12 Jump to: