bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Zande
/
Zande
/
2 Corinthians 2
2 Corinthians 2
Zande
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 3 →
1
Ono mi arugu tire wa gere ya mi aye nga koyo du oni ni berewe na rungo te.
2
Bambiko ka mi ba rungo ti roni, ada nga agu yo tie ka sa re pusiapusia fuo agu yo ba mi rungo ti yo?
3
Mi ki ke kina gi pai re, mi ka dia rungo ho mi ka ye ni be agu yo ka mi angi mbiko yo, niberẽ pai tipa roni nyanyaki ya gi ngbarago nga gaoni ngbarago dunduko.
4
Bambiko mi ake he fu roni rogo bakere rungo na nunga na dungu aume; a nga tipa ba rungo ti roni te, ono tipa yugo pa gu nyemuse du ti re fu roni bakere gbe.
5
Ono si ngia gu ni ba rungo ti boro, ni ba rungo fere te, ono ni bete he fu roni dunduko, nga gu ka mi adika nga ha susi ya.
6
Gi mbusa re rengbe fu gu boro re, nga gu dungu aboro ambusi ni na ni;
7
wa du he were tie ngbatika oni ka vu ni ki fu wasa fu ni, ni ka gberã agberã be gani bakere rungo susi.
8
Si du zungadi mi roni ti ni oni nyákasi gaoni nyemuse koyo du ni ni.
9
Bambiko si du mi ake he ti ni a, ya mi ini gu pai dũ ti roni, si ngia oni agia sangba rogo apai dunduko.
10
Ono gu ni oni ka vu ni ti pai, mi avú ni a; bambiko gu pai vu mi boro ti ni a, si ngia mi vu boro ti pai, mi avu ni mbiko roni rogo boro Kristo yo:
11
ya ka Satana di nga pai be rani wa gu sa ya; bambiko zingo ina gako bawagi ti rani te.
12
Were ho mi aye ni ku Turoa vo tipa ga Kristo wene pangbanga, na ho i aza ngbadimo ni fere rogo Gbia yo,
13
mi abi nga zereda rogo torore yo te mbiko mi abi nga Tito nga wirinami te: ono mi aasia yo ki ndu ku Makedonia yo.
14
Ono tambuahe du fu Mbori, nga gu ko ninangbe mbata yo fu rani na sima rogo Kristo yo dedede, ki niyugu fuõ gako inahe rogo rani yo rogo arago dunduko.
15
Bambiko ani nga wene fuõ Kristo fu Mbori, rogo agu yo i nabatasa yo na rogo agu yo nakpika;
16
fu gu ni nakpi si nga fuõ he sa kpio; fu gu ni nabata si nga wene fuõ he sa unga. Da rengbe na agi apai re?
17
Bambiko a nga ani wa agu yo nairasi ga Mbori pai ni dungu yo te: ono wa du pa rengo, ono wa du pa Mbori, ani nagumba pai rogo Kristo yo ku bangiri Mbori.
← Chapter 1
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 3 →
All chapters:
1
2
3
4
5
6
7
8
9
10
11
12
13