Ephesians 2

Zande

← Chapter 1 Jump to: Chapter 3 →

1Oni ko aungasi roni ho oni akpiki ni mbiko gaoni tiandika na ingapai,

2gu oni anata rogo mbata ku sangba sino gi zegino yo re, ku sangba gu bakindo yo du na tandu yuge, nga gu toro namanga pai awere rogo agu awiri yo nakeretu.

3I ani adu ni ungarani dagba yo yo dunduko a mbata na gu nyemuhe nga ga bororani, nimangi agu apai ngba ti borose na berã. Ani ki du ni awiri zinga mbiko sino wa kina agu yo dunduko.

4Ono Mbori, nakumuko ni inapai, mbiko gu gako bakere nyemuse ko akpi nyemu rani ni,

5zavura ho ani akpi ni mbiko gaani tiandika, ko amongo ungasi rani na Kristo (bati oni mbiko undahe),

6ki zingisi rani na ko, ki ya ani sungu na ko rogo agu arago du ngbangbaturũ yo, rogo Kristo Yesu yo,

7ya ko yugu gu babakere kumuko du ti gako undahe ni weneringise fu rani rogo Kristo Yesu ni agu arago nikaye.

8Bambiko oni abati mbiko undahe mbiko idapase; mbiko roni tigaoni te, ga Mbori gamunihe du;

9mbiko mangaapai te, gu boro ka abia tini.

10Bambiko ani nga ũ beko, ko afu rani ku rogo Kristo Yesu yo sa gu wene mangaapai Mbori aima mbakada mbata ani ta rogo ho.

11Si du oni tingidi gu pai nga, mbata oni, nga aGendiria ti pa borose, agu yo i niya ti yo Ayeretise niya ti roni Azangayeratise, nga gu du ti borose, i namanga ha ni be;

12oni akpara akpara na Kristo ni gu rago re, ki du wa auro ti gu ngbanya nga ga ngbatunga aYisaraere ki du wa auro ti agu andika nga ga kidohe. Oni adu nga na maabangirise te, ki zanga Mbori zegino.

13Ono awere rogo Kristo Yesu yo agu roni naturũ aturã mbata i mbedisi roni ni kure Kristo.

14Bambiko ko nga gaani zereda, ko namongo kodi yo akoda sa, ki kiti ndugu bangbanda.

15Ko nagbarasi vura ni boroko, nga gu rundika nga ga pa rugute du rogo andika yo; ko fu vovo boro sa ti aboro ue rogo ko yo, ki fu zereda.

16Ko ki zeresi yo ue ni boro sa fu Mbori mbiko wagiwagi ngua, imi ko vura mbiko ho.

17Ko ki ye a ki nitungusi pa zereda fu agu roni nadu tuturu, na fu agu yo nadu mbembedi.

18Bambiko ani mongo du na gaani gene rogo kina gu Toro yo sa koyo du Ba ni mbiko ko.

19Si du adu nga oni ti ni ni aboro kura aringara ni nungunungu aboro berewe ya, ono oni nga aboro bakporo sa na ga Mbori aboro, ki du ni aboro ku Mbori.

20I dua roni ri gu mburuhe nga gu amokedi amoi he na anebi, Kristo Yesu nga bakumba mbia tukpu he ni tiko.

21Duadua ha dunduko si kpamia tihe nzunzu kina rogo ko yo, ki nisono sa ziazia yekaru rogo Gbia yo.

22I dua roni wa sa rogo ko yo a ni banye fu Mbori rogo Toro yo.

← Chapter 1 Jump to: Chapter 3 →