Ephesians 4

Zande

← Chapter 3 Jump to: Chapter 5 →

1Si du mi akpara ti ni fu roni, nga ga Gbia kisikisi boro, oni tá ata si ki re are na gu yambahe i ayambu roni ni,

2ni umbasiti na zera, na gbanga hipai, oni hi pai fu akuaroni ni nyemuse;

3nike na ka kuti gu du sa nga ga Toro zikazika, ni gu ũkpamiatise nga zereda.

4Borose sa, Toro a sa, a wa du oni sa i ayambu roni a kuti kina gu maabangirise sa nga ga yamba roni

5Gbia sa, idapase sa, bapatiza sa,

6Mbori sa nga Ba aboro dunduko, ko du ri yo dunduko, nimangi pai rogo yo yo dunduko, ki du rogo yo yo dunduko.

7Ono i afu undahe fu rani dunduko ku sangba gu ringbisa gamahe yo nga ga Kristo.

8Si du ya ko ti ni, “Ho ko aga ni ku ari yo; ko angbe ku mbata yo fu rimbasa zizi aboro, ki gamu ahe fu aboro.”

9(Were, gi nga “Ko aga ku ari yo” re, gine nga ha, nga ko azorõ azorã ku tii sende yo te?

10Gu ko nazorõ kina ko naga a ku ri ngbangbaturũ yo, ko hisi ahe ahisa dunduko.)

11Ko afu agu yo i du ni amokedi; agu yo ni anebi; agu yo ni abatungusipai; na agu yo ni amoyambu na abayugupai;

12sa du ga Mbori aboro nzunzu, sa gu sunge nga mangaapai, sa sonosa boro Kristo;

13dati kina da ani ti gu du sa nga ga idapase, na ga ina Wiri Mbori, sa du ni bakumba, sa rengba na sona gu hibepai nga ga Kristo.

14Ka ani adú nga berewe ni agude, niwo ku bani niya ni yuge yugopai dunduko, be ga aboro biriki, ni nangahe, ku sangba bin ingapai yo ya;

15kina gumba rengo ni nyemuse, ki nisono na apai dũ ku rogo ko yo, nga rihe, nga kina Kristo.

16Ko borose azunguda tihe dunduko nzunzu ki du ngungungu ti ko be gu pai ngbazungaha afu ku sangba gu mangapai yo nga ga rikaha dũ, ni ringbisi he aríngbisa, si nakiisa borose sa sonosa tihe rogo nyemuse yo.

17Si du mi agumba gi pai ti ni re, ki du ni dezire rogo Gbia yo, ya oni atá nga berewe wa aGendiria nata, na gu enda nga ga gayo berã ya,

18du na bitimo ti gayo rugatise na pai, i kpara yo ti ga Mbori unga mbiko gu mungo du rogo yo yo, mbiko nyakasa kpotoyo yo.

19I susi ina pa he ki fu tiyo fu wasiro ka manga birikobiriko apai dunduko ni gbangbati

20Ono oni awirika nga Kristo wo te;

21ka si adu wa oni agi pa ko, i ki yugu pai fu roni rogo ko yo wa du rengo rogo Yesu yo.

22Tipa gu sino ungaroni nadu mbata, oni moi gu kuru boro ku sa yo, nazirã ku sangba gu nyemuahe yo nga nangahe.

23Oni dú ni vovo roni rogo gu toro yo nga ga gaoni berã,

24ki ukadi gu vovo boro, fu yo ni ku sangba Mbori yo na rurupai na ziaziapai nga ga rengo.

25Bambiko gere, wa du oni dunduko oni gúmba rengo fu akuaroni, nimbu zire; bambiko ani nga apa akuarani.

26Oni zíngi, ka oni íngi nga pai ya; ka uru tí nga gaoni zinga ya.

27Ka oni mbákadi nga gene fu bakitingbanga ya.

28Gu ni nanidĩ he ka ni dĩ nga he berewe ya. Ni nimángi sunge amanga, ni mángi sunge gu he ni beni ngba angba, he du be ni ni fu he fu gu ni zingo he amanga ni.

29Ka gbegberẽpai kúru nga ngbaroni yo wa sa ya, kina ngbatunga gu pai ngba angba sa nyakasa ho zingoho nidu ni, si fu undahe fu agu yo nagia ha.

30Ka oni rúngosi nga ga Mbori Ziazia Toro, nga gu ko i adu ni dezireroni rogo ko yo sa rago tumori ya.

31Iimi fugo dunduko, na zinga, na erá, na paa, gbegberẽ fugo, oni bá ha ku sa yo ti roni na sogote dunduko.

32Ringironi ngbá angba fu akuaroni, yee kpotoroni yo, oni nivú akuaroni avu, a wa Mbori avu roni rogo Kristo yo a.

← Chapter 3 Jump to: Chapter 5 →