Ephesians 5

Zande

← Chapter 4 Jump to: Chapter 6 →

1Si du ka oni wíriki Mbori ti ni, wa du oni ni awiri manguse.

2Oni ki nita rogo nyemuse yo, a wa Kristo akpi nyemu roni a, ki fu tiko tipa rani, niru he ni motumo fu Mbori ni gu fuõhe nga guzuguzu fuõhe.

3Ono bari, na pa meteka dũ, na kpihe, ka oni yámbu nga rimoho dagba roni wa sa ya, ni sino ga Mbori aboro;

4na wasiro, na mumungo fugo, na reogbo du na zee, are nga ya; kina tambuahe.

5Bambiko oni ini gere ni rengo ya, a nga irabari sa, na boro meteka, na irakpihe du ni irisi kpiahe, ka di ũkumbo rogo gu ngbi yo nga ga Kristo na ga Mbori te.

6Ka boro nángi nga roni ni kungba pai wa sa ya, bambiko mbiko agi apai re ga Mbori zinga naye ti ni ku ri awiri basapai.

7Si du ka oni angbé nga ti ni na yo ya;

8bambiko oni adu mbata ni bitimo, ono awere oni nga imarago rogo Gbia. Oni niráki wa awiri imarago

9(bambiko zuzu imarago du rogo wenepai yo dunduko na rurupai na rengo).

10Oni nikpária pa gu he ngba ti Gbia;

11ka oni ngbá nga na gu mangaapai zanga zu nga ga bitimo ya, kina ruga ha.

12Bambiko agu apai i nimangi ni gbuko zee nga gumba pa ha.

13Ono agu apai dunduko i nirugu yo ti ni ni gu rago imarago niyugu he, bambiko gu pai dunduko du ni yuguyugu he si nga imarago.

14Si du ya ko ti ni, “Mo nara, mo zingi, ki zingi be kpio dagba kangba aboro, Kristo ki hasi rago ri ro.”

15Si du ka oni angéra angera wenengaĩ ti ni wa oni nata, wa zanga tatamana te, wa kina iratatamana.

16Oni ki banda gaoni saa tipa manga apai, bambiko rago gbegberẽ.

17Si du ka oni adú nga ti ni mumungo ya, kina ruga tironi na gu he Gbia akpi nyemu he.

18Ka oni kpí nga imekakue ya, si du bau rogo, ono oni hí be kina Toro.

19Oni ki nifu na akuaroni rogo abia tambuahe yo na abia wasa na agu abia Toro nayugo, nibí he dodoroma kpotoroni yo fu Gbia.

20Oni ki nitambua Mbori nga Ba waragoagira tipa ahe dunduko ni rimo gaani Gbia Yesu Kristo.

21Oni rá ara fu akuaroni ni gunde Kristo.

22Dere akumba, oni nirá ara fu akumbaroni, wa fu Gbia.

23Bambiko kumbani nga rini, a wa du Kristo ni ri kánisa, du ni tiko ni batasi kanisa nga boroko.

24Ono wa ra kanisa fu Kristo, dere akumba rá a wo fu akumbayo ti apai dunduko.

25Akumba, oni kpí nyemu adiaroni, a wa Kristo akpi nyemu kanisa a, ki fu tiko tipa ha.

26Ko naziasi he, ko nagirisi he ni gu zundahe nga ga ime na pai,

27ko fu kanisa fu tiko ni taataa kanisa, ka wiri he adu nga ti ni na ngbandua na ngbatunga gu he wa sa ya; kina du he adu ziazia ki zanga sirõ.

28Kina wo ka akumba kpi nyemu adiayo a wa boroyo. Gu ni nakpi nyemu diani ni nakpi nyemu tini.

29Bambiko a nga boro sa nasoga boroni te, kina mbu ti ni na banda ha, wa kina Kristo na kanisa a;

30bambiko ani nga apa boroko.

31Bambiko gere boro nihe abani ti ni na nani, ki ka kuti diani; i ue ki du adu ni borose sa.

32Gi nga bagasigasi pai re; ono mi nagumba ha tipa Kristo na tipa kanisa.

33Gu ni nikpí nyemu diani wa du oni ni ba sa sa, wa kina tini; dia boro nigunde agunde ti kumbani.

← Chapter 4 Jump to: Chapter 6 →