bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Edo
/
Edo ((E Baibol Ẹdo) Version 1996)
/
2 Chronicles 33
2 Chronicles 33
Edo ((E Baibol Ẹdo) Version 1996)
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 34 →
1
Ukpo iweva ọre Manasẹ gha ye vbe ọ rriọba e Juda, ọ keghi ya ukpo isẹn yan ekigbesiyeha (55) vbe ẹkete vbe Jerusalẹm.
2
Uyimwẹ ẹwia ne avbe emwa ne Nọyaẹnmwa khulo hin otọe ni rre vbe ivbi Izrẹl dee, ọ re ọ wa lele, e Manasẹ keghi sẹmwẹ e Nọyaẹnmwa.
3
Ọ keghi dọlegbe bọlọ avbe aro ẹbọ hia ne Hẹzekaia ne erha ẹe guọghuọ ua. Ọ keghi so avbe Ogiukpo ne a na gho e Baal, ọ na mannọ amazẹ ọghe Asiẹrra ne ọba ne okhuo, ọ na vbe gha gho avbe orhọnmwẹ.
4
Ọ keghi mannọ aro ẹbọ lele uwu Ọgua Osa, ehe ne e Nọyaẹnmwa khare ighẹ a gha na gha ga irẹn ẹdẹdẹmwẹdẹ.
5
Ọ keghi bọlọ ehe ne a na gho avbe orhọnmwẹ lele ọgua ore eva na ọ rre Ọgua Osa.
6
Ọ ye avbe ivbi ẹre ni ikpia zọ ẹse vbe Iya e Hinọm zẹ vbe emwi imuohan. Ọ wa fi iha, ọ kevbe gha ru ẹbọ edunna, ọ kevbe gha tie avbe ọbo kevbe iran ni mianro sẹ owa. Ọ keghi kakabọ rukhọ ghe Nọyaẹnmwa.
7
Ọ keghi mu amazẹ ye uwu Ọgua Osa, ehe ne Nọyaẹnmwa ta ẹmwẹ ọnrẹn ma e Devid kevbe Solomọn ne ovbi ẹre wẹẹ: “Emwa na vbe Jerusalẹm, vbe Ọgua Osa na, ọ re ehe ne I zẹe vbe otọe ẹwae iweva ni rre Izrẹl, wẹ, a gha na gha ga mwẹ.
8
A dẹghe ivbi Izrẹl họn ẹmwẹ mẹ, iran na gha lele Uhi hia ne ọguọmwadia mwẹ ighẹ Mosis mu ye iran otọ, ẹghẹ nii, mẹ i ra gie ọmwa rhọkpa khulo iran hin otọe nii ne I mu ne avbe erha iran odede rre.”
9
E Manasẹ keghi wa ziẹn ivbi e Juda ye orukhọ sẹ ne avbe emwa ne Nọyaẹnmwa khulo hin otọe nii rre vbe emwa rẹn dee.
10
Vbene Nọyaẹnmwa ya obọ sekhae ne Manasẹ kevbe emwa rẹn sẹ iran ma zẹ yọ.
11
Rhunmwuda ọnii, e Nọyaẹnmwa keghi fan obọ ẹre ne ivbiyokuo Asiria ne iran mu okuọ la e Juda. Iran keghi khọn mu e Manasẹ, iran na halọ ẹghọ ye ọre egbe, iran na ya ọgiọrọ rrọ ẹre, iran na muẹn gha rrie Babilọn.
12
Oya ghi rrio ẹ nẹ, aro ẹre keghi rriotọ, ọ na werriegbe bu e Nọyaẹnmwa ne Osanobua ẹre gha dee, ọ na rinmwian ẹn wẹ ne ọ yi irẹn obọ.
13
E Nọyaẹnmwa keghi rhan obọ miẹn erhunmwu e Manasẹ, ọ keghi rhie ewanniẹn ne ẹẹn, ọ keghi gie ẹe werriegbe gha rrie Jerusalẹm ne ọ vbe ya gha re ọba. Ọ na ọ ghi ya e Manasẹ rẹn wẹ e Nọyaẹnmwa ọrọre Osanobua.
14
Vbe iyeke ọnọna, e Manasẹ keghi do mu yan ekẹn ne a gbe lẹga ẹvbo e Devid vbe odẹ ore vbọ vbe obọ ne ọ mu ghe ahọ, ọ na suẹn ọnrẹn vbe ihọkpa vbe iya vbe ọkpẹn ovbi ẹzẹ e Gihọn vbe ẹvbo nii.
15
Ọ keghi vbe rhie ọkaokuo ne ọ mwẹ otu iyokuo ọkpa vbe ototọ ẹre ye ọkpọkpa vbe avbe ẹvbo ne a gba odin ga vbe Juda. Ọ keghi viọ avbe ẹbọ ẹrrẹe kevbe amazẹ ne ọ ta mu ye uwu Ọgua Osa hin rre, avbe aro ẹbọ ni gha rre uhunmwu oke ne a bọ Ọgua Osa yi, kevbe ihẹ ọvbehe hia vbe Jerusalẹm, ọ keghi viọ ehia lahin ore ẹvbo rre, ọ na ya hẹ kua.
16
Ọ keghi vbe dọlọ Ogiukpo ne a na ga e Nọyaẹnmwa yi, ọ na sisara ọ keghi vbe ru ekpọnmwẹ vbe evba. Ọ keghi tama ivbi e Juda hia wẹ ne iran gha ga e Nọyaẹnmwa ne Osanobua Izrẹl.
17
A rhe miẹn wẹ emwa ni yevbe gha zọ ese vbe ehe ọvbehe, e Nọyaẹnmwa ọkpa ọre iran gha zọ ese ghe.
18
Emwi ọvbehe hia ne Manasẹ ru, erhunmwu ne ọ na ghe Osanobua ẹre, kevbe ẹmwẹ ne iran tama rẹn ighẹ avbe akhasẹ ni ya eni e Nọyaẹnmwa ne Osanobua Izrẹl gu ẹe guan, a gbẹnnẹ ehia ye ebe Okha Avbe Ọba Izrẹl.
19
Erhunmwu ne ọba naẹn, kevbe ewanniẹn ne Osanobua rhie yọ, okha ọghe avbe orukhọ ne ọ ru ọ ke fiwerriẹ — avbe emwi dan ne ọ ru, avbe aro ẹbọ kevbe amazẹ ọghe Asiẹrra ne ẹbọ ne okhuo ne ọ mannọẹn, kevbe avbe amazẹ ne ọ gha ye uhunmwu rhanmwẹ otọ na, a gbẹnnẹ ehia ye Okha Avbe Akhasẹ.
20
E Manasẹ keghi wu, a na re ẹre ye ẹguae. Amọn ne ovbi ẹre keghi rriọba lele ẹe.
21
Ukpo ugie ọre Amọn gha ye vbe ọ rriọba vbe Juda, ọ keghi ya ukpo eva vbe ẹkete vbe Jerusalẹm.
22
Vbene erha ẹe ighẹ Manasẹ vbe ru, rẹn kevbe sẹmwẹ e Nọyaẹnmwa, ọ kegha gho avbe ẹbọ hia ne erha ẹe vbe gho,
23
sokpan, aro irẹn ma rriotọ vbe ẹghẹikẹghẹ ne ọ vbe fiwerriẹ bu e Nọyaẹnmwa gha dee vbene erha ẹe ru, ọ keghi kakabọ ru orukhọ erha ẹe ẹsẹse.
24
Avbe irriegie ni rre ivbi Amọn keghi khuan khẹ ọre iran na gbe ẹe rua vbe uwu ẹguae.
25
Ivbi e Juda keghi gbele iran ni gbe Amọn, iran na ye Josaia ne ovbi ẹre rriọba.
← Chapter 32
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 34 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36