bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Edo
/
Edo ((E Baibol Ẹdo) Version 1996)
/
2 Chronicles 35
2 Chronicles 35
Edo ((E Baibol Ẹdo) Version 1996)
← Chapter 34
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 36 →
1
E Josaia keghi ru emwiukpo Alagberra ne ọ ya ya ọghọ ne Nọyaẹnmwa; ikpẹdẹ ne ogiwenẹ ọghe uki ne okaro, ọ re iran na gbele emwi ne a ya ru nene emwiukpo.
2
Ọ keghi ghae iwinna ne dọmwadẹ ọghe ọe gha winna ne avbe ohẹn, ọ keghi vbe rhẹrhẹ iran ne iran ru ẹe ẹse.
3
Ọ kevbe gu avbe e Livai ni re emamwaemwi Izrẹl guan, iran na ni re emwa ni ye egbe fi ohan ne Nọyaẹnmwa, ọ keghi tama iran wẹẹ, “Wa mu Ẹkpẹti Ile ye uwu Ọgua Osa ne Solomọn ne ovbi e Devid bọe. Wa ghẹ ghi dada ẹe yo dada ẹe rre ọvbehe, sokpan wa ghi gha ga e Nọyaẹnmwa kevbe ivbi Izrẹl ne emwa rẹn.
4
Wa ghi gha ye dọmwadẹ ẹwae rhie ihẹ uwa vbe uwu Ọgua Osa zẹ vbe iwinna ne Devid ne Ọba kevbe ovbi ẹre ighẹ e Solomọn ne Ọba wa ne uwa.
5
Wa ghi vbe mwamwa egbe uwa vbene a gha na miẹn wẹ eso vbe uwu uwa gha miẹn ẹghẹ ya gha ru iyobọ ne dọmwadẹ ẹgbẹe ivbi Izrẹl.
6
Wa ghi họnmwẹ egbe uwa nian, ne uwa vbe mwamwa emwi izọ ese nii, ne ivbi Izrẹl ne ihua uwa miẹn ehe na gha ru zẹ vbene Nọyaẹnmwa gie Mosis tama iran.”
7
E Josaia keghi viọ aranmwẹ ke uwu emwi irri ẹre ne emwa nii miẹn ya ru emwiukpo Alagberra, emwi ne ọ viọ rre kegha re ohuan arriaisẹn ọgban (30,000) kevbe avbe oteghe ohuan kevbe ivbi ẹwe, deba ẹkhuia ẹmila arriaisẹn eha (3,000).
8
Avbe irriegie ẹre keghi vbe viọ emwi gie emwa nii, kevbe ne avbe ohẹn kevbe avbe Livai ne iran miẹn lo. Avbe irriegie ni gbearoghe Ọgua Osa ighẹ Hilkaia ne Ogie ohẹn, e Zẹkaraia kevbe Jẹhiẹl keghi vbe viọ oteghe ohuan arriaeha yan arriaisẹn eva (2,600) kevbe ivbi ẹwe ne avbe ohẹn, deba ẹkhuia ẹmila iyisẹn eha (300) ne iran ya zọ ese vbe uwu emwiukpo ni.
9
Avbe ekaolotu avbe Livai, e Konanaia, e Siemaia kevbe Netanẹl ne ọtiọnrẹn, e Hesiabaia, Jeiẹl kevbe Jozabad keghi vbe viọ oteghe ohuan kevbe ivbi ẹwe arriaisẹn isẹn (5,000) rre kevbe ẹkhuia iyisẹn yan arriaeva (500) ne avbe Livai ya zọ ese.
10
A ghi mwamwa emwi Alagberra hia ye otọ nẹ, avbe ohẹn kevbe avbe Livai keghi mudia ye ihẹ iran zẹ vbene ọba khare.
11
A ghi gbele avbe oteghe ohuan kevbe ẹwe nẹ, avbe Livai keghi zẹlẹ ehia ohian, avbe ohẹn keghi ya sanmwẹ esagiẹn ọnrẹn ye Ogiukpo.
12
Iran keghi do ghae avbe aranmwẹ nii ne emwa nii, zẹ vbe dọmwadẹ ẹgbẹe, avbe aranmwẹ ne a ra ya zọ ese ne a giẹn uan, ne iran miẹn ehe na ru ẹe zẹ vbene Uhi e Mosis mwamwa ẹn ye otọ.
13
Avbe Livai keghi ya erhẹn tọn emwi izọ ese Alagberra, zẹ vbene a wẹ ne a gha ru ẹe, iran keghi le avbe emwi izọ ese ne ọ huanrẹn vbe akhe ra ovbi ẹgere kevbe ọkpan ne a ya ranmwẹ emwi, iran keghi zẹgiẹgiẹ ghae emiowo nii ne avbe emwa nii.
14
A ghi ru ọna nẹ, avbe Livai keghi zẹ emiowo ọghe iran kevbe ọghe avbe ohẹn ni re ivbi uniẹn Errọn, rhunmwuda, te avbe ohẹn wa gha winna ya sẹ asọn, iran na gha giẹn avbe aranmwẹ ne a wẹ ne a giẹn ikun ẹnrẹn, deba ẹvbi avbe aranmwẹ ne a ya zọ ese.
15
Avbe iran ni kpe emaba na ni re avbe Livai ne ivbi uniẹn Asaf, kegha rre ehe ne Devid ne Ọba we ne a viọ iran yi, iran na ọrọre Asaf, e Himan kevbe Jedutun ne akhasẹ ọba. Avbe iran ni khẹ onurho Ọgua Osa ma ghi vbe zẹdẹ kpao hin ihẹ iran rre, rhunmwuda, avbe Livai nekpa mwamwa emwi Alagberra ọghe iran ne iran.
16
Ọ re a na miẹn wẹ zẹ vbene Josaia ne ọba wẹ ne a ru ẹe, erriọ ọ re a wa ru emwi hia ẹdẹrriọ ya ru ugamwẹ e Nọyaẹnmwa, emwiukpo Alagberra ne a ru, deba ese ne a giẹn uan nẹ vbe Ogiukpo.
17
Ivbi Izrẹl ni rre evba hia keghi ya ikpẹdẹ ihinrọn ru emwiukpo Alagberra kevbe ọghe Ebrẹd Ne ọma hue.
18
A ma ghi ru egbe emwiukpo Alagberra ne ọ ye vberriọ ke ẹghẹ e Samuẹl ne Akhasẹ gha dee. A ma vbe miẹn ọkpa vbe uwu avbe ọba nikaro ni he ru Alagberra ne ọ yevbe ne Josaia ne ọba ru na, deba avbe ohẹn, avbe Livai, ivbi e Juda, ivbi Izrẹl kevbe ivbi e Jerusalẹm
19
vbe ọ rre ukpo evairrọvbugie ne Josaia la ẹkete.
20
Ugbẹn vbe Josaia ne ọba ghi ru avbe emwi na hia ne Ọgua Osa fo nẹ, e Nẹko ne ọba Igipt keghi viọ ivbiyokuo gha rrie Kakẹmis ne ọ ya gbinna vbe Ẹzẹ Yufretes. E Josaia keghi hia ne ọ gbe ẹre odẹ.
21
Sokpan, e Nẹko keghi gie uhunmwu na wẹ ne a tama e Josaia; Ọ wẹẹ, “E Josaia ne ọba e Juda, okuọ ne I khọn na ma kan ruẹn, ẹ i re uwẹ ọ re I ra do gu gbinna, sokpan, avbe eghian mwẹ ọ re I do gu gbinna, Osanobua vbe tama mwẹ nẹ wẹ ne I zẹgiẹgiẹ ru ẹe, Osanobua yaba mwẹ nẹ, rhunmwuda ọnii, ghẹ mu idobo yọ mwẹ egbe ne ọ ghẹ fuẹn ruẹn uan.”
22
Sokpan, e Josaia wa mu egbe nẹ ne ọ ya gbinna, ọ ma danmwehọ ẹmwẹ ne Osanobua gha la unu e Nẹko, tama rẹn, rhunmwuda ọnii, ọ keghi mu egbe ọmwa kẹkan, ọ na gha rrie otọe ne ọ rri ẹe vbe Mẹgido ne ọ ya gbinna.
23
Vbe ẹghẹ igbinna, ifẹnmwẹ ivbi Igipt keghi vba Josaia, ọ keghi tama avbe eguọmwadia ẹre wẹẹ, “Wa mu mwẹ kpao, obọ emwi ne ọ vba mwẹ wa da mwẹ ẹsẹse.”
24
Iran keghi tọn ẹn mu hin uwu ikẹkẹ okuọ ọghọe rre, iran na mu ẹẹn ye ikẹkẹ okuọ ọvbehe ne ọ rre evba, iran na mu ẹẹn gha rrie Jerusalẹm. Evba ọ re ọ ghi na wu, a na re ẹre ye idin avbe ọba. Ivbi e Juda kevbe Jerusalẹm hia keghi khiẹ uwu ẹre.
25
E Jerimaia ne akhasẹ vbe gbẹn ihuan ya viẹ e Josaia ne ọba. Ihuan na ọ re iran ni so ihuan, ikpia kevbe ikhuo ghi ya khiẹ ọre vbe iran a gha khiẹ ọre. Te ọ ghi do khian iyi otọ ne iran gha ru ẹe vberriọ. Ihuan na rre usun avbe ihuan akhiẹ ne a si koko.
26
Emwi hia ne Josaia ru, vbene ọ ya ekhọe ga e Nọyaẹnmwa hẹ, vbene ọ lele uhi ru emwi hẹ.
27
Kevbe okha ẹdẹ agbọn rẹn ke omuhẹn ya sẹ ufomwẹ, a gbẹnnẹ ehia ye Ebe Okha Ọba Izrẹl kevbe Juda.
← Chapter 34
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 36 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36