bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Edo
/
Edo ((E Baibol Ẹdo) Version 1996)
/
2 Samuel 12
2 Samuel 12
Edo ((E Baibol Ẹdo) Version 1996)
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 13 →
1
E Nọyaẹnmwa keghi gie Natan ne akhasẹ gie Devid. E Natan keghi bu ẹre gha khian, ọ tama rẹn wẹẹ, “Ikpia eva keghi gha rre ẹvbo ọkpa, ọkpa vbọ fe, sokpan, nọkpa kegha re ovbiogue.
2
Enọfe ne ọ rrọọ kegha mwẹ ẹmila kevbe ohuan ni bun ẹsẹse.
3
Vbene ovbiogue ne ọ rrọọ na gha mwẹ oteghe ohuan ọkpa kẹkan ne ọ dẹe. Ọ kegha koko ẹe, uwowa ẹre ọ re ọ na wan rre deba avbe ivbi ẹre. Evbare ne irẹn re ọ re ọ na vbe ya koko ẹe, ọ ghi vbe gie ẹe gha wọn amẹ vbe uwu ukpu ẹre, ọ ghi vbe gha mu ẹẹn yan ekuawẹ ọre. Oteghe ohuan nii keghi ye vbe ọmọ okhuo ne ẹẹn.
4
Ọ ghi sẹ ẹdẹ ọkpa, orhunmwuyẹn keghi do tuẹ ọmwa nọ fe nii, ọmwa nọ fe na ma ho ne ọ gbe vbe emwirri ẹre ya le evbare ne orhunmwuyẹn nii, sokpan ọ keghi mu oteghe ohuan ovbiogue nii ya le evbare ne orhunmwuyẹn ọnrẹn.”
5
Ohu ọmwa nọ fe nii keghi kakabọ mu e Devid, ọ na kha wẹẹ, “I ya Osanobua ne ọ rrọọ vẹn ihẹn wẹ ọmwa ne ọ ru emwi na, te ọ kere ne ọ wu!
6
Ọ ghi vbe ha ẹre werriegbe igba enẹ ighẹ emwi ne ọ rhiere rhunmwuda emwi dan ne ọ ru na.”
7
E Natan keghi tama e Devid wẹẹ, “Wẹ ọ re nene ọmwa. Vbene e Nọyaẹnmwa Osanobua ọghe Izrẹl khare ọ re ọna khin: ‘Mẹ ọ re ọ maa ọba Izrẹl, I keghi miẹn ruẹn fan hin obọ e Sọl rre.
8
I rhie arriọba ẹre nuẹn kevbe avbe amwẹ ọnrẹn. I ya a ma ọba Izrẹl kevbe Juda. Akpawẹ ọ na ma vbe sẹ, I gha vbe viọ ukhukhu eva ba ruẹ re.
9
Vbọzẹ ne u na rra uhi mwẹ? Vbọzẹ ne u na ru emwi dan na. U wẹ ne iran gbe Uraia rua vbe okuo, u gie iran ne ivbi Amọn gbe ẹe rua. Iyeke ọnii, u keghi rhie amwẹ ọnrẹn.
10
Banbanna nian, te a gha miẹn ivbi uẹ eso ne ọ gha wu uwu ikpanikpan vbe orre hia, rhunmwuda, u rra uhi mwẹ, u keghi rhie amwẹ Uraia.
11
I vbe yan ma ruẹn nian wẹ I gha ru ẹe ne ovbi uwowa ruẹ gha si ọlọghọmwa ye uẹ egbe. U gha ye aro miẹn uẹn vbe I gha viọ avbe amwẹ ọẹn ne okpia ọvbehe, ọ ghi gha gu iran ru emwi ọdọ vbe amwẹ vbe ogiavan ogioghogho.
12
Ẹkhokho wẹ na rukhọ sokpan, ogiavan ogioghogho mẹ re ya gie ọna sunu, ne Izrẹl hia bẹghe ẹre.’ ”
13
E Devid keghi kha wẹẹ, “I ru orukhọ ghe Nọyaẹnmwa nẹ.” E Natan keghi wanniẹn wẹẹ, “E Nọyaẹnmwa ya bọọ, u i ghi ra wu.
14
Sokpan rhunmwuda otilua ne u mwẹ ghe Nọyaẹnmwa, ọmọ na gha wu.”
15
Ẹre Natan na gha rrie. E Nọyaẹnmwa keghi gie ọmọ ne Uraia biẹ ne Devid kakabọ gha khuọnmwi.
16
E Devid keghi na erhunmwu ghe Nọyaẹnmwa wẹ ne egbe rran ọmọ nii. E Devid ma ghi rri evbare. Asọn hia, ọ ghi la ughugha ẹre, ọ ghi ya lovbiẹ ye otọ owa.
17
Avbe ekhaẹmwẹ ọnrẹn ghi bu ẹre ya gha tama rẹn wẹ ne ọ kpao vbe otọ, sokpan, ọ hee, ọ ma vbe rri emwi rhọkpa.
18
Ọ ghi rre uzọla ọkpa, ọmọ nii keghi wu, ohan ma gie ekhaẹmwẹ e Devid na iyẹn na ma rẹn. Iran wẹẹ, “Ẹghẹ ne ọmọ na rre agbọn, e Devid ma zẹ mwẹ wanniẹn mwa vbe ima gu ẹe guan. Vbe ima ghi ra tama rẹn hẹ wẹ ovbi ẹre wu? Ọ sẹtin ru egbe ẹre emwi nọ wegbe!”
19
E Devid ghi miẹn wẹ iran gha mu unu ye egbe ehọ guan, ọ keghi rẹn wẹ ọmọ nii wu nẹ. Rhunmwuda ọnii, ọ keghi nọ iran wẹẹ, “Te ọmọ nii ghi wu nẹ ra?” Iran wanniẹn wẹẹ, “Ọ wu nẹ.”
20
E Devid keghi kpaegbe vbe otọ, ọ keghi ya khuẹ, ọ salọ eto, ọ na fi ukpọn werriẹ. Ọ kegha rrie uwu owa e Nọyaẹnmwa, ọ na ya ga ẹe. Ọ ghi dọlegbe sẹ ẹguae, ọ keghi nọ evbare, ọ na wa rri ọe ọwarọkpa vbe a mu ne ẹẹn nẹ.
21
Avbe ekhaẹmwẹ ọnrẹn keghi tama rẹn wẹẹ, “Ma ma rẹn otọ ọna. Ẹghẹ ne ọmọ nii na gha rre agbọn, u kegha viẹ, u ma rri evbare, sokpan, ọ ghi wu nẹ nian, u guakpaọ, u keghi rri evbare!”
22
E Devid keghi wanniẹn wẹẹ, “Erriọ nọ, ẹghẹ ne ọmọ nii na rre agbọn, I viẹe, I ma vbe rrie evbare. I te gha ro wẹ e Nọyaẹnmwa gha tohan mwẹ, ẹ i ra vbe gie ọmọ nii wu.
23
Sokpan, ugbẹn vbe a ghi miẹn wẹ ọ wu nian, de emwi ne I gha he evbare ba? I gha sẹtin rhie ọmọ nii ke ẹrinmwi rre ra? Ẹdẹ ọkpa, mẹ gha bu ẹre gha rrie ehe ne irẹn ye, sokpan rẹn i ghi sẹtin dọlegbe bu imẹ gha de ọvbehe.”
24
E Devid keghi fu e Batsiẹba ne amwẹ ọnrẹn ẹko rre. Iran kevbe miẹn egbe, rẹn keghi biẹ ọmọ okpia ọkpa, e Devid na he ẹre Solomọn. E Nọyaẹnmwa keghi ho ẹmwẹ ọmọ nii.
25
Ọ na wẹ ne Natan he ẹre Jedidaia rhunmwuda, e Nọyaẹnmwa ho ẹmwẹ ọnrẹn.
26
Vbe uwu ẹghẹ ne a kha na, e Joab keghi ye gha khọn e Raba ne igiogbẹ Amọn khian, te ọ ghi ra khọn mu ẹẹn fo.
27
Ọ keghi gie emwa ya tama e Devid wẹẹ, “I dekun e Raba nẹ, I vbe khọn mu ehe ne iran na sa amẹ wọn nẹ.
28
Banbanna nian, si emwa ruẹn ni dekẹe koko ne u tobọ ruẹ ya khọn rẹn fo. I ma ho ne a gha tian mwẹ wẹ mẹ ọ re ọ khọn rẹn miotọ.”
29
Ẹre Devid na gele si emwa rẹn koko, ọ na gha rrie Raba, ọ na dekun ẹnrẹn, ọ na khọn rẹn miotọ.
30
Ẹbọ ne iran gho ne a tie ẹre Molẹk keghi mwẹ ẹde igoru ne ukhuamwẹ ọnrẹn re uwan isẹn irrọ vbe iyenẹ, ikpẹrọnmwọ ighobioye keghi vbe rre uwu ẹre. E Devid keghi mu ẹde nii hin ẹre uhunmwu rre, ọ na mu ye ọghe irẹn. Ọ keghi fu emwi ni bun vbe ẹvbo nii viọ gha rrie
31
ọ viọ emwa ni rrọ, ọ na viọ ọsara ye iran obọ ne iran ya gha winna, ẹguẹ ematọn, kevbe ughanmwa, ọ na ya iran gha mannọ ibiriki. Erriọ ọ re ọ wa vbe ru emwa ẹvbo ni rre Amọn hia. Iyeke ọnii, rẹn kevbe emwa rẹn kegha die Jerusalẹm.
← Chapter 11
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 13 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24