bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Edo
/
Edo ((E Baibol Ẹdo) Version 1996)
/
2 Samuel 22
2 Samuel 22
Edo ((E Baibol Ẹdo) Version 1996)
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 23 →
1
Ọnọna ọrọre ihuan ne Devid so ghe e Nọyaẹnmwa, vbe Nọyaẹnmwa miẹn rẹn fan vbe obọ e Sọl kevbe eghian rẹn nekpa:
2
E Nọyaẹnmwa ọ re ọ re ne ọ degue mwẹ, rẹn ọ re owa ọkhẹ mwẹ nọ wegbe.
3
Osanobua mwẹ ọrọre ugue mwẹ, I gha rre ehe ne ọ ye, ẹbe fo. Ọ degue mwẹ zẹ vbe asa. Ọ gbinna mẹ rhie mwẹ mwẹ, vbe a i mwẹ ẹbe. Rẹn ọrọre Ọmiọnmwafan mwẹ; ọ degue mwẹ, ọ fan mwẹ hin epiankhanrhan rre.
4
I datie Nọyaẹnmwa. Ọ keghi fan mwẹ vbe obọ avbe eghian mwẹ. Wa rho e Nọyaẹnmwa!
5
Ogbigbi amẹ uwu te lẹga mwẹ, ogbigbi amẹ ọfuan lẹ rhu mwẹ;
6
uwu si irri ẹre tua khinkhian mwẹ, idin keghi rhuẹ ifi ẹre khẹ mwẹ.
7
I datie Nọyaẹnmwa vbe ẹghẹ ọlọghọmwa mwẹ, I datie Nọyaẹnmwa wẹ ne ọ yọmwẹ obọ ọ họn urhu mwẹ vbe uwu ọgua Osa ẹre ọ họẹn vbe I kpe tie ẹre ne ọ yọ mwẹ obọ.
8
Agbọn mu rueghe, ọ guọ ọe zẹzẹzẹ, ẹyotọ iso vbọ uhe, ọ kegha guẹ, rhunmwuda ohu mu Osanobua.
9
Ighogho kpe ke uvun ihue ẹre ladian, erhẹn ne ọ baa kevbe erhẹn ẹyin nọ giẹn, ke unu ẹnrẹn ladian.
10
Ọ guọghọ iso, ọ kevbe tuorre okuku nekhui kegha rre ototọ owẹ ọre.
11
Ọ hin yan iyeke avbe kerubu, ọ tin tuorre, ọ keghi la ifuẹn ẹhoho khian okhian ne ọ kẹre.
12
Ọ ya ebiebi hin egbe. Okuku ne ọ mwẹ imi, ne ọ vuọn ne amẹ, keghi lẹga ẹre.
13
Ogiọnmwẹ erhẹn keghi mu vẹn ke uwu ayan rre, vbe odaro ẹre.
14
Ẹkpo nii ọ re Nọyaẹnmwa na davan ke iso rre a keghi họn urhu e Ne ọ yo sẹẹ Ehia.
15
Ọ fi ifẹnmwẹ, ọ keghi zagha eghian rẹn kua, ọ na ye awanwan ayan zẹ ulẹ ye iran egbe.
16
Ọ gie a miotọ emwi ni rre ototọ okun, a keghi we ẹyotọ agbọn rua ne emwa miẹn, ẹghẹ ne Nọyaẹnmwa na gu eghian rẹn gui, ọ keghi vannọ okan mu iran vbe ohu ẹre.
17
E Nọyaẹnmwa niẹn obọ ke ẹrinmwi rre, ọ na da mwẹ yi, ọ keghi si mwẹ ladian hin uwu odin amẹ rre.
18
Ọ wọlọ mwẹ hin obọ enikhuiwu mwẹ rre, hin obọ avbe eghian mwẹ, ni wegbe sẹ mwẹ gbe.
19
Ẹghẹ vbe I rre uwu ọlọghọmwa, iran kegha gun mwẹ khọn, sokpan, e Nọyaẹnmwa keghi degue mwẹ.
20
Ọ yọ mwẹ obọ hin uwu ẹbe rre. Ọ miẹn mwẹ fan rhunmwuda, ẹko ẹre rhiẹnrhiẹn ghe mwẹ.
21
E Nọyaẹnmwa san mwẹ ẹse, rhunmwuda, I ru emwi nọ kere ọ fiangbe mwẹ, rhunmwuda, I ma rria abe.
22
Mẹ mu uhi e Nọyaẹnmwa sẹ, I ma sọtẹ Osanobua mwẹ.
23
I mu uhi ẹre hia sẹ, I ma he uhunmwu ye ọre obọ.
24
Rẹn rẹnrẹn wẹ, I i mwẹ ozan, rhunmwuda, I bi egbe hin emwi dan rre.
25
Rhunmwuda ọnii, ọ san mwẹ ẹse, rhunmwuda emwi nọ kere ọre I ru rhunmwuda rẹn, rẹnrẹn wẹ, I ma rri abe.
26
E Nọyaẹnmwa, ọmwa ne a mu ẹtin yan wẹ khin vbe obọ emwa ni gia mu ẹtin yan. Ne ọ maa fo vbe obọ iran ne ọ gba na.
27
Ne ọ huanrẹn wẹ khin vbobọ, iran ni huanrẹn, sokpan u ghi gha khọ mu avbe emwa dan.
28
Wẹ miẹn iran ni mu egbe rriotọ fan, u keghi si iran ni tọn egbe mu kẹ otọ.
29
Nọyaẹnmwa, wẹ ọrọre uwanmwẹ mwẹ, u zagha ebiebi mwẹ kua.
30
U rhie ẹtin mẹ ya gu eghian mwẹ gbinna, kevbe ẹtin ne I ya deyan emwi ikhẹgbe iran.
31
U miẹn vbe emwi ne Osanobua na ru gba ẹe hẹ. U miẹn vbe ẹmwẹ ọnrẹn gia mu ẹtin yan hẹ! Te irẹn yevbe asa, ne iran ne ọ wẹ ne ọ degue iran.
32
E Nọyaẹnmwa ọkpa ọrọre Osanobua, Osanobua ọkpa ọrọre ugue mwa.
33
Osanobua na ọrọre ugue mwẹ ne ọ wegbe, ọ ye odẹ mwẹ khian ne ẹbe i ye.
34
Ọ ru owẹ mwẹ ne ọ wo yọ zẹ vbe ọghe ẹrhuẹ, ọ keghi rhie mwẹ ye uhunmwu oke vbe a i mwẹ ẹbe!
35
Ọ ma mwẹ okuo ne a khọn, vbene I gha na sẹtin lo uhanbọ ne ọ wegbe sẹe.
36
Nọyaẹnmwa, wẹ ọ re ọ rhie mwẹ lẹre, miẹn mwẹ fan. Iyobọ ruẹ ọ re ọ ya mwẹ khian enọkpọlọ.
37
Wẹ ọ re ọ ma gia mu mwẹ oghunmwu. I ma he vbe de ẹdẹ.
38
I zẹ avbe eghian mwẹ khu, i keghi fuẹn iran an. I ma dobọyi I te do khọn miẹn iran otọ.
39
I gbele iran fio otọe, iran i ghi sẹtin kpao, iran lovbiẹ yọ mwẹ akharha zẹ vbe oghunmwu.
40
Wẹ rhie ẹtin mẹ ne I ya khọn okuo nii, kevbe akhọnmiotọ vbe uhunmwu eghian mwẹ.
41
U ya iran ne eghian mwẹ lẹ mẹ, I fuẹn iran ni khuiwu mwẹ uan.
42
Iran gualọ iyobọ, ne ọ gha miẹn iran fan i rrọọ, iran tu tie Nọyaẹnmwa, sokpan ọ ma khuẹn niẹn iran.
43
I dunmwu iran an, iran keghi yevbe ebubẹ, I ya owẹ rrilo iran muotọ, zẹ vbe ekẹn vbe orere.
44
U miẹn mwẹ fan vbe obọ emwa mwẹ ni sọtẹ, u keghi ya mwẹ ru enọkhaemwisẹ yan avbe agbọn ẹvbo. Avbe emwa ne I ma rẹn khian ni ga gun mwẹ.
45
Avbe orhunmwuyẹn hia gha ghughẹrre mẹ, iran gha họn vbe I guan, iran ghi ru emwi ne i ta ẹe,
46
iran ghi gha guọ ke ogba ikhẹ igbinna iran dee.
47
E Nọyaẹnmwa rrọọ, wa rho nọ gbinna mẹ, Osanobua ọ re ọmiọnmwafan mwẹ nọ wegbe. Wa mu ukpọlọmwẹ ọnrẹn goo.
48
Ọ rhie akhọnmiotọ mẹ vbe uhunmwu eghian mwẹ, ọ hie emwa ni uhunmwu rre vbe ototọ mwẹ.
49
Ọ keghi fan mwẹ vbe obọ avbe eghian mwẹ. Nọyaẹnmwa, u gun mwẹ khọn avbe eghian mwẹ muotọ, u keghi degue mwẹ hin obọ emwa ọkpankpan.
50
Rhunmwuda ọnii, I gha rho ruẹ vbe uwu agbọn ẹvbo, I gha so ihuan urhomwẹ ghe ruẹ.
51
Osanobua, rhie akhọnmiotọ nọkhua ne ọba ẹre, ọ rhie ahoẹmwọmwa ne ọ gbae maa, ghe ọmwa ne ọ zẹe, ghe Devid kevbe uniẹn ọnrẹn ẹdẹdẹmwẹdẹ.
← Chapter 21
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 23 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24