bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Edo
/
Edo ((E Baibol Ẹdo) Version 1996)
/
2 Samuel 23
2 Samuel 23
Edo ((E Baibol Ẹdo) Version 1996)
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 24 →
1
E Devid ne ovbi e Jese kegha re ọmwa ne Osanobua ya khian enọkhua, rẹn ọ re Osanobua hannọ zẹ, rẹn ọ re ọ vbe re ọmwa ne ọ gbẹnnẹ ihuan ọghe Izrẹl. Avbe ẹmwẹ ne Devid ghi ta kiekie ọre ena khin:
2
Orhiọn e Nọyaẹnmwa guan la unu mwẹ rre, uhunmwu ne ọ gie rre akhuarhamwunu mwẹ.
3
Osanobua Izrẹl guan nẹ, ne ọ de gue Izrẹl keghi tama mwẹ wẹẹ: “Ọba ne ọ ye ẹmwata khaemwisẹ, ne ọ khaemwisẹ vbe a mu ohan Osanobua,
4
te ọ yevbe ovẹn ne ọ yunmwu vbe ẹdẹ ne amẹ ma bi ovẹn ne ọ ye ebe fi wainwain vbe amẹ a rhọ nẹ.”
5
Erriọ ọ re Osanobua ra fiangbe uniẹn mwẹ, rhunmwuda, ọ gu imẹ ta ile ẹdẹdẹmwẹdẹ nẹ, vbene ehia na la uro, ọ vbe deziẹn. Ọnii ọ re emwi ne I ho. Ọnii ọ re ọ khian gha re akhọnmiotọ mwẹ, ẹ i mwẹ Nọyaẹnmwa ma gie ẹe sẹ.
6
Sokpan, emwa dan yevbe igban ne a hẹ kua, ọmwa rhọkpa i sẹtin ya obọ kan rẹn,
7
u ma ghi rhie ematọn, u ghi rhie asoro, te a khian giẹn ehia fẹẹrẹ.
8
Eni avbe ivbiyokuo e Devid ni hin ukhuaẹn ọ re ena khin: e Josiẹb Basiẹbet, ovbi ẹvbo ne a tie ẹre Takimon, rẹn ọ gha re ọkaolotu, “Iran ne Eha.” Ọ keghi ya asoro ẹre gu arhunmwu uri enẹ (800) gbinna, ọ na gbele ehia a vbe okuo ọkpa kẹkan.
9
Ne ọ ghi vbe lele ẹe ọvbehe ọkpa vbe rrọọ vbe uwu “Iran ne eha” ni hin usi nii, ọnii ọ re Eliaza ne ovbi e Dodo kevbe eyẹ Ahoo. Vbe ẹghẹ ọkpa, rẹn kevbe Devid ke duẹ iran an ighẹ ivbi e Filistin ni te si koko khẹ okuo. Ivbi Izrẹl keghi te lẹ kua.
10
Sokpan, rẹn ma vbọ owẹ, ọ gu ivbi e Filistin gbinna sẹ vberriọ wẹ te obọ ẹre ghi sigba vbene umozo ẹre ma na ghi gie ẹe rhie hin obọ rre. E Nọyaẹnmwa keghi khọnmiotọ ẹsẹse ẹdẹ nẹdẹrriọ. Okuo fo nẹ, ivbi Izrẹl keghi werriegbe gha die ehe ne Eliaza ye, ne iran do kie ẹwu igbinna vbe egbe emwa ni wulo.
11
Ne ogieha vbe “Iran eha ni hin usi” kegha re Siama ne ovbi Agii ne ọ ke Hara rre. Avbe ivbi e Filistin keghi si koko vbe Lẹhi, ehe ne ugbo ikpakpalọ ye, Ivbi Izrẹl keghi lẹ ne ivbi e Filistin.
12
Sokpan Siama ma vbọ owẹ vbe ugbo nii, ọ keghi degbe odẹ ugbo nii, ọ na gbele ivbi e Filistin. E Nọyaẹnmwa keghi khọnmiotọ ẹsẹse, ẹdẹ nẹdẹrriọ.
13
Ọ ghi bu ẹghẹ ne a ya rhọ emwiorhọ, eha vbe uwu “Iran ne ọgban” keghi bu e Devid gha rrie uvun okuta Adulam, vbe oka ivbi e Filistin eso gha rre ọkhẹ vbe Iya Rẹfem.
14
Vbe ẹghẹ ne a kha na, e Devid keghi rre uwu ako ikhẹgbe, ivbi e Filistin eso kegha rre Bẹtlẹhẹm.
15
Owa keghi wa gha khọn e Devid ẹsẹse, rhunmwuda ọnii, rẹn keghi kha wẹẹ, “Akpawẹ a miẹn ọmwa ne ọ gha ya sa amẹ gun mwẹ nian vbe uhae ne ọ rre ọkpẹn onurho e Bẹtlẹhẹm.”
16
Ivbiyokuo ni hin usi eha nii na wa ya uhunmwu zẹ odẹ la uwu agọ ivbi e Filistin gberra, iran na ya sa amẹ vbe uhae nii, iran na mu gie Devid sokpan, ọ ma wọn ẹẹn, ọ keghi hi hiẹ ọe kua zẹ vbe emwi ne a ya zọ ese ghe Nọyaẹnmwa.
17
Ọ keghi kha wẹẹ, “E Nọyaẹnmwa, mẹ i wọn ọna! Te ọ khian yevbe ne a wọn esagiẹn emwa na, ni rhie uhunmwu iran mwẹ atataobọ.” Rhunmwuda ọnii, ọ ma wọn ẹẹn. Enena ọrọre emwi udinmwẹ ne iran ne ivbiyokuo eha ni hin usi na ru.
18
Ọtẹn e Joab ighẹ Abisiai (ne ovbi Zeruaia) kegha re ọkaolotu iran ọgban ni hin usi nii. Ọ keghi ye asoro ẹre gu arhin iyisẹn yan uri (300) gbinna, ọ keghi gbele iran an, ọ keghi do khian ne ọ hin usi vbe uwu avbe iran ọgban nii.
19
Rẹn ọ gha re ne ọ hin usi sẹẹ vbe uwu iran ne ọgban nii, ọ kegha re ọkaolotu iran, sokpan ọ ma hin usi vba “Iran ne Eha” nii.
20
E Benaia, ne ovbi e Jehoaida ne ọ ke Kabzil rre kegha re ovbiyokuo ne ọ hin usi, ọ winna iwinna ni hin okhuaẹn eva ne ivbi e Moab. Ọ kevbe la uwu uvun vbe ẹdẹ ne esia wa de, ọ na ya gbe oduma.
21
Ọ kevbe gbe ovbi Igipt ọkpa ọmwa ne ọ ye higboo, ne ọ ye asoro ya khẹ egbe. E Benaia keghi ya orhokhua guẹe gbinna, ọ na gua asoro rhie vbe obọ ovbi Igipt nii, ọ na ya ẹe gbe ẹe rua.
22
Enena ọrọre emwi udinmwẹ ne Benaia ru.
23
Te irẹn wa lughaẹn hin usi vbe uwu “Iran Ọgban” nii. Sokpan, ọ ma hin usi vba “Iran ne Eha.” E Devid keghi ya ẹe ru ọkaolotu avbe ọkpọmwa rẹn.
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24