John 15

Bodo BDVNT (ବ୍‌ଡ଼୍ ହ୍‌ର୍‌ଜା ବାଇବଲ)

← Chapter 14 Jump to: Chapter 16 →

1“ମୁଇ ସ୍‌ତ୍‌କ୍‌ରି ଗଟେକ୍ ଅଙ୍ଗୁର୍ ଗ୍‌ଚ୍ ଆର୍ ମର୍ ଉବା ଗଟେକ୍ ଚାଷି।

2ଜୁଇ କ୍‌ନ୍ଦା ହ୍‍ଡ୍ ନ୍‍ଦେରେ ସେତାକ୍ ସେ କାଟି ହ୍‌କାଇଦ୍। ଆର୍ ଜୁଇ କ୍‌ନ୍ଦା ହ୍‍ଡ୍ ଦ୍‍ରେଦ୍ ସେ ତାକେ ସେ ଅଦିକ୍ ହ୍‍ଡ୍ ଦ୍‌ରୁକେ ସାଇଜ କ୍‍ରେଦ୍।

3ମୁଇ ତୁମୁକ୍‌ମ୍‌ନ୍ ଜୁଇକ୍‍ତା ଦିଲେଆଚି, ସେତାର୍‍ଗିନେ ତୁମିମ୍‍ନ୍ ଆଗ୍‍ତୁ ହ୍‌କା ହ୍‍ର୍‍ଚାଳ୍ ଅଇଆଚାସ୍।

4ମର୍‌ସ୍‍ଙ୍ଗ୍‌ ଗଟେକ୍ ଅଇକ୍‍ରି ରିଆ, ତ୍‍ବେ ମୁଇ ହେଁ ତୁମାର୍ ସ୍‍ଙ୍ଗ୍‍ ଗଟେକ୍ ଅଇକ୍‍ରି ରେଇନ୍। କ୍‌ନ୍ଦା ଯଦି ଗ୍‌ଚେ ଲାଗିକ୍‍ରି ନ୍‌ରେଇ ତ୍‍ବେ ନିଜେ ହ୍‍ଡ୍ ହ୍‌ଳୁ ନାହାରେ, ସେନ୍‍କ୍‌ରି ତୁମିମ୍‍ନ୍ ମର୍‌ସ୍‍ଙ୍ଗ୍‌ ଗଟେକ୍ ଅଇ ନ୍‌ରିଲେକ୍ ହ୍‍ଡ୍ ହ୍‌ଳୁ ନାହାରାସ୍।

5ମୁଇ ଅଙ୍ଗୁର୍ ଗ୍‌ଚ୍, ତୁମିମ୍‍ନ୍ କ୍‌ନ୍ଦା, ଯେ ମର୍‍ଲ୍‌ଗେ ଆଚେ ଆର୍ ମୁଇ ଜାର୍‍ଲ୍‌ଗେ ଆଚି ସେ ବେସି ହ୍‍ଡ୍ ହ୍‌ଡେଦ୍, କାଇତାକ୍ ମର୍ ଚାଡି ଦିଲେକ୍ ତୁମିମ୍‍ନ୍ କାଇରି କ୍‌ରୁ ନାହାରାସ୍।

6ଯେ ମର୍‍ଲ୍‌ଗେ ନ୍‌ରେଇ, ତାକେ କାଟିରିଲା କ୍‌ନ୍ଦା ହର୍ କ୍‍ରି ହ୍‍ଦାଇ ହିଙ୍ଗ୍‌ତି, ଆର୍ ସେରି ଶୁକି ଜାଇଦ୍, ତ୍‍ବେ ଅନ୍‌କ୍‌ରି କ୍‌ନ୍ଦାମ୍‍ନ୍‍କେ ଲକ୍‍ମ୍‍ନ୍ ରୁଣ୍ଡାଇ କ୍‍ରି ଜୟେ ହ୍‍ଡାଉତି।

7ତୁମିମ୍‍ନ୍ ଯଦି ମର୍‍ଲ୍‌ଗେ ରିଆସ୍‌ ଆର୍ ମର୍ ବାକ୍ୟ ତୁମାର୍ ହୁର୍‍ଦୟ୍ ଲ୍‌ଗେ ରେଇଦ୍, ତ୍‍ବେ ତୁମିମ୍‍ନ୍ ଜୁଇରି ମ୍‍ନ୍‍କ୍‍ରି ମାଗାସ୍, ସେରି ସେ ତୁମୁକ୍‌ମ୍‌ନ୍ ଦେଇଦ୍।

8ତୁମିମ୍‍ନ୍ ବେସି ହ୍‍ଡ୍ ହ୍‍ଡ୍‍ଲେକ୍ ମର୍ ଉବା ମଇମା ହାଇଦ୍, ଆର୍ ତୁମିମ୍‍ନ୍ ମର୍ ସ୍‌ତ୍ ଚେଲାମ୍‌ନ୍ ଅମ୍‌ହାରାସ୍।

9ମକେ ଉବା ଜ୍‌ନ୍‌କ୍‌ରି ଲାଡ୍ କ୍‌ରୁଲା, ମୁଇ ହେଁ ତୁମୁକ୍ ସେନ୍‍କ୍‌ରି ଲାଡ୍ କ୍‌ରୁଲେ, ତୁମି ସ୍‌ବୁବ୍‌ଳ୍ ମର୍ ଲାଡ୍ ଲ୍‌ଗେ ରିଆ।

10ମୁଇ ମର୍ ଉବା ଇଶ୍ଵରାର୍ ଆଦେଶ୍ ମାନିକ୍‌ରି ମୁଇ ତାର୍ ଲାଡେ ଆଚି, ସେନ୍‍କ୍‌ରି ତୁମିମ୍‍ନ୍ ହେଁ ମର୍ ଆଦେଶ୍‌କେ ମାନିକ୍‌ରି ମର୍ ଲାଡେ ରିଆ।

11ମୁଇ ଜ୍‌ନ୍‌କ୍‌ରି ସ୍‍ର୍‍ଦା ଅମ୍‌ଲେ ତୁମିମ୍‍ନ୍ ହେଁ ସେନ୍‍କ୍‌ରି ସ୍‍ର୍‍ଦା ଅଉଆ ବ୍‍ଲି ମୁଇ ଇ ସ୍‌ବୁ କଇଲେଆଚି।

12ମୁଇ ତୁମୁକ୍‌ମ୍‌ନ୍ ଜ୍‌ନ୍‌କ୍‌ରି ଲାଡ୍ କ୍‌ରୁଲେ, ତୁମିମ୍‍ନ୍ ହେଁ ତୁମାର୍ ତୁମାର୍ ବିତ୍‌ରେ ସେନ୍‍କ୍‌ରି ଲାଡ୍ କ୍‌ରାକ୍‌ରି ଅଉଆ ଇରି ତୁମୁକ୍ ମର୍ ଆଦେଶ୍।

13ନିଜାର୍ ସାଙ୍ଗ୍‍ମ୍‍ନ୍‍କାର୍ ଗିନେ ନିଜାର୍ ଜୀବନ୍ ଦାନ୍ ଦିଲେକ୍ ସେରି ହ୍‌କା ସ୍‌ତ୍ ଲାଡ୍ ବ୍‍ଲି ଜାଣା ହ୍‌ଡେଦ୍।

14ମୁଇ ତୁମୁକ୍ ଜୁଇ ଆଦେଶ୍ ଦେଇଆଚି, ସେରି ଯଦି ମାନାସ୍, ତ୍‍ବେ ତୁମିମ୍‍ନ୍ ହ୍‌କା ମର୍ ସ୍‌ତ୍ ସାଙ୍ଗ।

15ମୁଇ ତୁମୁକ୍ ଆରେକ୍‌ ଦାସ୍ ବ୍‍ଲି ନ୍‌କଇ, କାଇତାକ୍ ସାଉକାର୍ କାଇରି କ୍‌ରୁଲା ଦାସ୍ ନ୍‍ଜାଣେ, ମୁଇ ତୁମୁକ୍ ସ୍‍ଙ୍ଗ୍‍ ବ୍‍ଲି କ୍‌ମ୍‌ଲେ, କାଇତାକ୍ ମୁଇ ମର୍ ଉବାର୍ ଲ୍‌ଗେ ହ୍‍ଣି ଜୁଇରି ସ୍‍ବୁ ଶୁଣ୍‍ଲେ ଆଚି, ସେସ୍‍ବୁ ମୁଇ ତୁମୁକ୍‍ମ୍‌ନ୍‍କେ ଜାଣାମ୍‌ଲେ।

16ତୁମିମ୍‍ନ୍ ମକେ ନ୍‍ବାଚାସ୍ ମ୍‍ତର୍ ମୁଇ ତୁମୁକ୍‌ମ୍‌ନ୍ ବାଚିଆଚି, ତୁମିମ୍‍ନ୍ ଜ୍‌ନ୍‌କ୍‌ରି ବେସି ହ୍‍ଡ୍ ହ୍‍ଡା ଆର୍ ସେରି ସ୍‌ବୁଦିନ୍ ରେଇଦ୍, ସେତାର୍‍ଗିନେ ମୁଇ ତୁମୁକ୍‍ମ୍‌ନ୍‍କେ ବାଚିଆଚି, ସେତାର୍‍ଗିନେ ତୁମିମ୍‍ନ୍ ମର୍ ନାଉଁଏ ଜୁଇସ୍‌ବୁ ମାଗାସ୍ ସେରି ସେ ତୁମୁକ୍‌ମ୍‌ନ୍ ଦେଇଦ୍।

17ସେତାର୍‍ଗିନେ ତୁମୁକ୍‌ମ୍‌ନ୍ ଇରି ମର୍ ବ୍‍ଡ୍ ଆଦେଶ୍ ତୁମାର୍ ବିତ୍‌ରେ ଲାଡ୍ କ୍‌ରାକ୍‌ରି ଅଉଆ।”

18“ଯଦି ଜ୍‍ଗତ୍‍ ତୁମୁକ୍‌ମ୍‌ନ୍ ଗିଣ୍ କ୍‍ରେଦ୍, ତ୍‍ବେ ମ୍‌ନେର୍‌କା ସେ ଆଗେ ମକେ ଗିଣ୍ କ୍‍ରେଦ୍।

19ତୁମିମ୍‍ନ୍ ଯଦି ଜ୍‍ଗତାର୍ ଲକ୍ ଅଇଲାସ୍ ହ୍‍ଣି, ତ୍‍ବେ ସେ ତୁମୁକ୍‌ମ୍‌ନ୍ ତାର୍ ନିଜାର୍ ଲକ୍ ହର୍ ଲାଡ୍ କ୍‍ଲିହ୍‍ଣି, ମ୍‍ତର୍ ମୁଇ ତୁମୁକ୍‌ମ୍‌ନ୍ ବାଚିକ୍‌ରି ଜ୍‍ଗତେ ହ୍‍ଣି ଅଲ୍‍ଗା କ୍‌ଲେଆଚି, ସେତାର୍‍ଗିନେ ଜ୍‍ଗତ୍‍ ତୁମୁକ୍‌ମ୍‌ନ୍ ଗିଣ୍ କ୍‍ରେଦ୍।

20ମୁଇ ଜୁଇକ୍‍ତା କଇରିଲେ ସେରି ମ୍‌ନେ ହ୍‍କାଉଆ, ଦାସ୍ ତାର୍ ସାଉକାର୍ ତ୍ଇହ୍‍ଣି ବ୍‌ଡ୍‍ଅଇ ନ୍‌କେରେ, ମକେ ଯଦି ସେମ୍‍ନ୍ ମର୍ କ୍‌ତାକେ ମାନ୍‍ତି ତ୍‍ବେ ସେମ୍‍ନ୍ ତୁମାର୍ କ୍‌ତାକେ ମାନ୍‍ତି।

21ମ୍‍ତର୍ ମର୍‌ଗିନେ ସେମ୍‍ନ୍ ତୁମୁକ୍‌ମ୍‌ନ୍ ଇ ସ୍‌ବୁ ଲିନ୍ଦା ତାଳ୍‌ନା କ୍‌ର୍‌ତି କାଇତାକ୍ ମକେ କେ ହ୍‍ଟାଇ ଆଚେ ସେରି ସେମ୍‍ନ୍ ନ୍‍ଜାଣ୍‍ତି।

22ଯଦି ମୁଇ ଆସିକ୍‍ରି ଇ ସ୍‌ବୁ ବିଷଇ ନ୍‍ବୁଜାଇଲେ ହ୍‍ଣି, ବ୍‍ଲେକ୍ ସେମ୍‍ନ୍ ଦସି ନଇଲାଇ ହ୍‍ଣି। ମ୍‍ତର୍ ଅବେ ସେମ୍‍ନ୍ ତାକାର୍ ପାପାର୍ ଗିନେ କେମା ହାମ୍ ନାହାର୍‌ତି।

23ଯେ ମକେ ଗିଣ୍ କ୍‌ରୁଲା, ସେ ଉବା ଇଶ୍ଵର୍‍କେ ହେଁ ଗିଣ୍ କ୍‌ରୁଲା।

24ମୁଇ ସେମ୍‍ନ୍‍କାର୍ ଲ୍‌ଗେ କାବାକାମ୍ କ୍‍ରି ନ୍‌ରିଲେକ୍ ସେମ୍‍ନ୍ ପାପି ବ୍‍ଲି ଜାଣା ହ୍‍ଡ୍‍ଲାଇ ହ୍‍ଣି, ମ୍‍ତର୍ ମର୍ ସ୍‌ବୁକାମ୍ ଦ୍‍କିକ୍‍ରି ହେଁ ସେମ୍‍ନ୍ ମକେ ଆର୍ ମର୍ ଉବାକେ ଗିଣ୍ କ୍‌ରୁଲାଇ।

25ଇ ସ୍‌ବୁ ଗ୍‍ଟ୍‍ତାର୍ ରିଲି ଲାଗି ମୋଶାର୍ ଦ୍‌ର୍‌ମ୍ ଶାସ୍‌ତରାର୍ ବିଦିବିଦାନ୍‌ ଲ୍‌ଗେ ଜୁଇରି ଲେକା ଅଇଲିଆଚେ ସେରି ହୁରା ଅଇଲି, ତ୍‌ନେ ତ୍‌ନେ ସେମ୍‍ନ୍ ମକେ ଗିଣ୍ କ୍‌ଲାଇ।

26ସାଇଜ କ୍‌ର୍‌ତା ପବିତର୍ ଆତ୍ମା ସ୍‌ତ୍‌କ୍‌ରି ଆସେଦ୍, ସେ ଉବାର୍ ଲ୍‌ଗେ ହ୍‍ଣି ଆସିକ୍‍ରି ମର୍ ବିଷୟେ କଇଦ୍, ମୁଇ ତାକେ ଉବାର୍ ଲ୍‌ଗେ ହ୍‍ଣି ତୁମାର୍ ଲ୍‌ଗେ ହ୍‍ଟାଇନ୍।

27ତୁମିମ୍‍ନ୍ ହେଁ ମର୍ ବିଷୟେ କ୍ଉଆସ୍, କାଇତାକ୍ ତୁମିମ୍‍ନ୍ ଆଗେହ୍‍ଣି ମର୍ ସ୍‌ଙ୍ଗେ ରେଇ ଆସିଆଚାସ୍।”

← Chapter 14 Jump to: Chapter 16 →