bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Bodo
/
Bodo BDVNT (ବ୍ଡ଼୍ ହ୍ର୍ଜା ବାଇବଲ)
/
John 16
John 16
Bodo BDVNT (ବ୍ଡ଼୍ ହ୍ର୍ଜା ବାଇବଲ)
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 17 →
1
“ତୁମିମ୍ନ୍ ଜ୍ନ୍କ୍ରି ତୁମାର୍ ହାଇରିଲା ବିଶ୍ବାସ୍କେ ନ୍ଚାଡାସ୍ ସେତାର୍ଗିନେ ମୁଇ ଇ ବ୍ସୁ ତୁମୁକ୍ କ୍ମ୍ଲେ।
2
ଅନ୍କ୍ରି ଦିନ୍ ଆସେଦ୍, ଜ୍ଡେବ୍ଳ୍ ଲକ୍ମ୍ନ୍ ତୁମୁକ୍ ପାର୍ତେନା ଗ୍ରେହ୍ଣି ବାର୍ କ୍ର୍ତି, ଆର୍ ତୁମୁକ୍ ମ୍ର୍ନେ ମାରିକ୍ରି ସେମ୍ନ୍ ଇଶ୍ଵରାର୍ ଆରାଦନା କ୍ରୁଲୁ ବ୍ଲି ତାକାର୍ ମ୍ନେ ବାବ୍ତି।
3
ଲକ୍ମ୍ନ୍ ଇ ସ୍ବୁ ତୁମୁକ୍ କ୍ର୍ତି କାଇତାକ୍ ସେମ୍ନ୍ ମକେ କି ମର୍ ଉବାକେ ନ୍ଜାଣ୍ତି।
4
ମ୍ତର୍ ଇ ସ୍ବୁ ଗଟ୍ତା ସମୟ୍ ଆଇଲେକ୍, ମୁଇ ଯେ ତୁମୁକ୍ମ୍ନ୍ କଇରିଲେ ଇରି ଜ୍ନ୍କ୍ରି ତୁମିମ୍ନ୍ ମ୍ନେ ହ୍କାଉଆସ୍, ଇତାର୍ଗିନେ ମୁଇ ଇ ସ୍ବୁକ୍ତା ତୁମୁକ୍ମ୍ନ୍ କଇଲେଆଚି। ମୁଇ ତୁମାର୍ ଲ୍ଗେରିଲେ ଲାଗି ଆରାମ୍ ଲ୍ଗେ ହ୍ଣି ଇ ସ୍ବୁକ୍ତା ତୁମୁକ୍ମ୍ନ୍ ନ୍କଇଲେ।”
5
“ମ୍ତର୍ ଅବେ ମୁଇ ମର୍ ହ୍ଟାଇରିଲା ଉବାର୍ ଲ୍ଗେ ଲେଉଟିକ୍ରି ଜ୍ମ୍ଲେ, ମ୍ତର୍ ମୁଇ କ୍ଇ ଜ୍ମ୍ଲେ ବ୍ଲି ତୁମାର୍ ବିତ୍ରେ କେ ହେଁ ମକେ ହ୍ଚାରି ନ୍କେରୁଲାସ୍?
6
ମ୍ତର୍ ତୁମିମ୍ନ୍ ମର୍ ଇ ସ୍ବୁକ୍ତା ଶୁଣିକ୍ରି ବେସି ଦୁକ୍ ଅମ୍ଲାସ୍।
7
ମ୍ତର୍ ମୁଇ ସ୍ତ୍ କ୍ମ୍ଲେ, ମୁଇ ଜାତାର୍ ତୁମାର୍ ଗିନେ ବ୍ଲ୍ ଅଇଦ୍, କାଇତାକ୍ ମୁଇ ନ୍ଗେଲେକ୍ ସେ ସାଇଜ କ୍ର୍ତା ଆତ୍ମା ତୁମାର୍ ଲ୍ଗେ ନାସେ, ମ୍ତର୍ ମୁଇ ଗ୍ଲେକ୍ ତାକେ ତୁମାର୍ ଲ୍ଗେ ହ୍ଟାଇନ୍।
8
ସେ ଆସିକ୍ରି ପାପ୍ ବିଷୟେ, ଦ୍ର୍ମ୍ ବିଷୟେ, ଆର୍ ଇଶ୍ଵରାର୍ ନିଆଇ ବିଚାର୍ ବିଷୟେ ଇ ହୁର୍ତିବିର୍ ଲକ୍ମ୍ନ୍କେ ଜାଣାଇଦ୍।
9
ଯେ ମର୍ଲ୍ଗେ ବିଶ୍ବାସ୍ ନ୍କେରେ ସେ ପାପ୍ କ୍ରେଦ୍।
10
ମୁଇ ଦ୍ର୍ମ୍ ବିଷୟେ ଉବାର୍ ଲ୍ଗେ ଜ୍ମ୍ଲେ, ତୁମିମ୍ନ୍ ମକେ ଆରେକ୍ ଦ୍କୁ ନାହାରାସ୍, କାଇତାକ୍ ଇରି ମର୍ ଦ୍ର୍ମ୍ କାମ୍କେ ଜାଣାମ୍ଲି।
11
ଇ ହୁର୍ତିବିର୍ ଦସି ବ୍ଲି ଇଶ୍ଵରାର୍ ବିଚାରେ ଅବେ ଜାଣା ହ୍ଡୁଲି।
12
ମୁଇ ତୁମୁକ୍ମ୍ନ୍ ଆରେକ୍ ବେସି କ୍ତା କ୍ଉତାର୍ ଆଚେ, ମ୍ତର୍ ତୁମିମ୍ନ୍ ସେ ସ୍ବୁ ଶୁଣିକ୍ରି ସ୍ମ୍ବାଳୁ ନାହାରାସ୍।
13
ମ୍ତର୍ ସ୍ତ୍ ପବିତର୍ ଆତ୍ମା ଆଇଲେକ୍ ସେ ତୁମୁକ୍ମ୍ନ୍ ସ୍ତ୍ ବିଷୟେ ଶ୍କ୍ତି ଦେଇଦ୍, ସେ ନିଜାର୍ ଅଦିକାରେ କାଇରି ନ୍କଇ, ମ୍ତର୍ ଇଶ୍ଵରାର୍ ତ୍ଇହ୍ଣି ଜୁଇରି ଶୁଣେଦ୍ ସେରି ହ୍କା କଇଦ୍, ଜୁଇରି ସ୍ବୁ ଗଟୁକ୍ ଜ୍ମ୍ଲି ସେସ୍ବୁ ସେ ତୁମୁକ୍ମ୍ନ୍ ଜାଣାଇଦ୍।
14
ସେ ମକେ ମଇମା ଆଣି ଦେଇଦ୍, କାଇତାକ୍ ସେ ମର୍ତ୍ଇହ୍ଣି ସ୍ବୁକ୍ତା ଜାଣେଦ୍ ଆର୍ ସେ ତୁମୁକ୍ମ୍ନ୍ ଜାଣାଇଦ୍।
15
ଜୁଇସ୍ବୁ ମର୍ ଉବାର୍ ଲ୍ଗେ ଆଚେ ସେସ୍ବୁ ମର୍ ଅଇଦ୍। ସେତାର୍ଗିନେ ମୁଇ କ୍ମ୍ଲେ ଯେ ସେ ମର୍ତ୍ଇହ୍ଣି ସ୍ବୁକ୍ତା ଶୁଣିକ୍ରି ତୁମୁକ୍ମ୍ନ୍ ଜାଣାଇଦ୍।”
16
“ଅଳ୍କ୍ ସମୟ୍ ହ୍ଚେ ତୁମିମ୍ନ୍ ମକେ ଆରେକ୍ ଦ୍କୁ ନାହାରାସ୍, ଆର୍ ଗଟେତର୍ ଅଳ୍କ୍ ସମୟ୍ ହ୍ଚେ ତୁମିମ୍ନ୍ ମକେ ଦ୍କୁହାରାସ୍।”
17
ଚେଲାମ୍ନ୍କାର୍ ବିତ୍ରେ ହ୍ଚାରା ହ୍ଚାରି ଅଇଲାଇ, “ଇତାର୍ ଅର୍ତ କାଇରି? ସେ କ୍ମ୍ଲା ଅଳକ୍ ସମୟ୍ ହ୍ଚେ ଅମିମ୍ନ୍ ତାକେ ଦ୍କୁ ନାହାରୁ ଆର୍ ଆରେକ୍ ସମୟ୍ ହ୍ଚେ ଆରେକ୍ ଦ୍କୁହାରୁ, ସେ ଆରେକ୍ କ୍ମ୍ଲା ତାର୍ ଉବାର୍ ଲ୍ଗେ ଜ୍ମ୍ଲା ବ୍ଲି।
18
ଅଳକ୍ ସମୟ୍ ବ୍ଲେକ୍ ତାର୍ ଅର୍ତ କାଇରି ବୁଜି ନ୍ଇଲି, ସେ କାଇ ବିଷୟେ କ୍ମ୍ଲା? ସେ କାରି କ୍ମ୍ଲା, ଅମିମ୍ନ୍ ବୁଜୁ ନାହାରୁ।”
19
ଚେଲାମ୍ନ୍ ତାକେ ଇ ବିଷୟେ ହ୍ଚାରୁକେ ମ୍ନ୍ କ୍ରୁଲାଇ ବ୍ଲି ଯୀଶୁ ଜାନ୍ଲା ଆର୍ ସେମ୍ନ୍କେ କଇଲା, “ଅଳକ୍ ସମୟ୍ ହ୍ଚେ ତୁମିମ୍ନ୍ ମକେ ଦ୍କୁ ନାହାରାସ୍ ଆର୍ ସମୟ୍ ହ୍ଚେ ହ୍ଚେ ଦ୍କୁହାରାସ୍ ବ୍ଲି କଇଲା କ୍ତାକ୍ ତୁମିମ୍ନ୍ ତୁମାର୍ ତୁମାର୍ ବିତ୍ରେ ତାର୍ ଅର୍ତ କାଇରି ବ୍ଲି ଦ୍ନ୍ଦା ନ୍ମ୍ଲାସ୍ କି?
20
ମୁଇ ସ୍ତ୍ କ୍ମ୍ଲେ ତୁମିମ୍ନ୍ କାନ୍ଦାସ୍ ଆର୍ ଏତାଇ ଏତାଇ ଦ୍କୁ ଅଉଆସ୍ ମ୍ତର୍ ଜ୍ଗତ୍ ସ୍ର୍ଦା କ୍ରେଦ୍। ତୁମିମ୍ନ୍ ଦୁକ୍ ଅଉଆସ୍ ମ୍ତର୍ ତୁମାର୍ ଦୁକ୍ ବାଦ୍ଲି କ୍ରି ଶୁକ୍ ଦେଇଦ୍।
21
ଗଟେକ୍ ଟକିହିଲା ଜ୍ର୍ନ୍ କ୍ର୍ତାବ୍ଳ୍ ବେସି ଡ୍ଣ୍ତ୍ ହାଇଦ୍, ମ୍ତର୍ ଜ୍ଡେବ୍ଳ୍ ସେ ହିଲାକେ ଦ୍କେଦ୍ ସେଡେବ୍ଳ୍ ସେ ତାର୍ ଦୁକା ହାସ୍ରି ଜାଇଦ୍, କାଇତାକ୍ ସେ ଗଟେକ୍ ହିଲାକେ ଜ୍ର୍ନ୍ ଦିଲେଆଚି ବ୍ଲି ସ୍ର୍ଦା ଅଇଦ୍।
22
ତୁମିମ୍ନ୍ ହେଁ ସେନ୍କ୍ରି ଦୁକ୍ ଅଉଆସ୍, ମ୍ତର୍ ବେଗି ମୁଇ ତୁମୁକ୍ମ୍ନ୍ ଆରେକ୍ ଦ୍କାଇ ଅଇନ୍, ଆର୍ ସେଡେବ୍ଳ୍ ତୁମାର୍ ହୁର୍ଦୟେ ସ୍ର୍ଦା ଅଉଆସ୍ ଆର୍ ସେ ସ୍ର୍ଦା ତୁମାର୍ ତ୍ଇହ୍ଣି କେ ଚାଡାଇକ୍ରି ନେମ୍ ନାହାରେ।
23
ସେଦିନ୍ ଆଇଲେକ୍ ତୁମିମ୍ନ୍ ମକେ ଆରେକ୍ କାଇରି ମାଗୁକ୍ ନ୍ହେଳେ। ମୁଇ ସ୍ତ୍ କ୍ମ୍ଲେ, ମର୍ ନାଉଁଏ ଉବା ଇଶ୍ଵର୍କେ ତୁମିମ୍ନ୍ ଜୁଇରି ମାଗାସ୍ ସେ ସେରି ଦେଇଦ୍।
24
ଅବେହ୍ତେକ୍ ତୁମିମ୍ନ୍ ମର୍ ନାଉଁଏ କାଇରି ମାଗି ନ୍କେରାସ୍। ତ୍ବେ ଉବା ଇଶ୍ଵର୍କେ ମାଗା, ସେରି ସେ ତୁମୁକ୍ମ୍ନ୍ ଦେଇଦ୍ ଆର୍ ତୁମିମ୍ନ୍ ବେସି ସ୍ର୍ଦା ଅଉଆସ୍।”
25
“ମୁଇ ତୁମୁକ୍ମ୍ନ୍ ଇ ସ୍ବୁକ୍ତା ଦ୍କାଇକ୍ରି କ୍ମ୍ଲେ, ମ୍ତର୍ ସମୟ୍ ଆସୁଲି ସେଡେବ୍ଳ୍ ମୁଇ ଆରେକ୍ ଦ୍କାଇକ୍ରି ନ୍କଇ ସ୍ବୁ ବିଷୟ୍ ତୁମିମ୍ନ୍ ବୁଜ୍ଲାହର୍ କଇନ୍ଦ୍।
26
ସେଦିନ୍ ଆଇଲେକ୍ ତୁମିମ୍ନ୍ ମର୍ ନାଉଁଏ ଇଶ୍ଵର୍କେ ପାର୍ତେନା କ୍ରି ମାଗାସ୍, ସେଡେବ୍ଳ୍ ମୁଇ ଆରେକ୍ ତୁମାର୍ ବାଟ୍ ଅଇନ୍, ଉବାକେ କ୍ଉଆନାଇ।
27
କାଇତାକ୍ ଇଶ୍ୱର୍ ନିଜେ ତୁମୁକ୍ ଲାଡ୍ କ୍ରୁଲା, କାଇତାକ୍ ତୁମିମ୍ନ୍ ମକେ ଲାଡ୍ କ୍ରୁଲାସ୍, ଆର୍ ମୁଇ ଇଶ୍ଵରାର୍ ଲ୍ଗେ ହ୍ଣି ଆସିଆଚି, ସେରି ତୁମିମ୍ନ୍ ବିଶ୍ବାସ୍ କ୍ରୁଲାସ୍।
28
ସ୍ତ୍କ୍ରି ମୁଇ ଉବା ଇଶ୍ଵରାର୍ ଲ୍ଗେ ହ୍ଣି ହୁର୍ତିବିକେ ଆଇଲେଆଚି। ଆର୍ ବେଗି ମୁଇ ହୁର୍ତିବିକେ ଚାଡିକ୍ରି ଉବା ଇଶ୍ଵରାର୍ ଲ୍ଗେ ଲେଉଟି ଜାଇନ୍।”
29
ଇକ୍ତା ଶୁଣି ଚେଲାମ୍ନ୍ କଇଲାଇ, “ଅବେ ତୁଇ କାଇରି ହେଁ ଦ୍କାଇକ୍ରି ନ୍କଇକ୍ରି ବୁଜ୍ଲାହର୍ କ୍ମ୍ଲିସ୍।
30
ତୁଇ ସ୍ବୁକ୍ତା ଜାଣୁଲିସ୍, ସେତାର୍ଗିନେ କେ ତାକେ କାଇରି ହ୍ଚାର୍ତା ଲଡାନାଇ, ଇତିହ୍ଣି ଅମିମ୍ନ୍ ଜାଣୁଲୁ। ଯେ ତୁଇ ଇଶ୍ଵରାର୍ ଲ୍ଗେ ହ୍ଣି ଆସି ଆଚ୍ସି ବ୍ଲି।”
31
ଯୀଶୁ ସେମ୍ନ୍କେ କଇଲା, “କାଇରି ଅବେ ତୁମିମ୍ନ୍ ବିଶ୍ବାସ୍ କ୍ରୁଲାସ୍?
32
ସମୟ୍ ଆସୁଲି ଆର୍ ଅବେ ସେ ସମୟ୍ ଆଇଲିବେ, ଜ୍ଡେବ୍ଳ୍ ତୁମି ସ୍ବୁ ଲକ୍ମ୍ନ୍ ଚିନ୍ବିନ୍ ଅଇଜାହାସ୍ ସେଡେବ୍ଳ୍ ତୁମିମ୍ନ୍ ନିଜାର୍ ନିଜାର୍ ଗ୍ରେ ହ୍ଳାଇ ଜାହାସ୍, ଆର୍ ମୁଇ ଏକ୍ଲା ଅଇନ୍, ମ୍ତର୍ ମୁଇ ଏକ୍ଲା ନଇ ମର୍ ଉବା ଇଶ୍ୱର୍ ମର୍ସ୍ଙ୍ଗ୍ ଆଚେ।
33
ମର୍ଗିନେ ତୁମିମ୍ନ୍ ଜ୍ନ୍କ୍ରି ସ୍ତ୍ ଶାନ୍ତିକେ ହାଉଆସ୍ ସେତାର୍ଗିନେ ମୁଇ ଇ ସ୍ବୁ କଇଲେଆଚି, ହୁର୍ତିବିର୍ ଲକ୍ମ୍ନ୍ ତୁମୁକ୍ କ୍ଷ୍ଟ ଦେତି, ମ୍ତର୍ ନିଜେ ନିଜ୍କେ ସାହାସ୍ ଦ୍ରା। କାଇତାକ୍ ମୁଇ ହୁର୍ତିବିକେ ଜିନ୍ଲେ ଆଚି ଲାଗି ତୁମିମ୍ନ୍ ହେଁ ଜିଣାସ୍।”
← Chapter 15
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 17 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21