bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Chin
/
Chin (Mara Bible RV (BSI))
/
Leviticus 27
Leviticus 27
Chin (Mara Bible RV (BSI))
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
1
Abeipa ta Mawsi chho ta, a hnohta,
2
“Izarei sawzy chho la, ama hnohta hetana heta reih teh: Chyhsa ta Abeipa lâta chyhsapa hlâ awpa ta bie a siapa ta a taih sala, chyhsapa vyuhpa ta â phuhpa ta sôh pie awpa a châ khiahta cha,
3
chapaw a châ khiahta cha, kô kihpa tawhta kô sycharupa taih cha, supathaihpa tâkâ reizie ta a mâ tâkâ sekel sypangawh a châ aw.
4
Chanô a châ khiahta cha, sekel sythôh a châ aw.
5
Kô pangawhpa tawhta kô kihpa taih a châ khiahta cha, chapaw mâ sekel tlaw kih, chanô mâ sekel tlaw hrawh a châ aw.
6
Thla khapa tawhta kô pangawhpa taih a châ khiahta cha, chapaw mâ tâkâ sekel tlaw pangawh, chanô mâ tâkâ sekel tlaw thôh a châ aw.
7
Kô sycharu tawhta chô lâ a châ khiahta cha, chapaw mâ sekel tlaw hrawh hlei pangawh, chanô mâ sekel tlaw hrawh a châ aw.
8
Dyhchhiepa châ sala a mâ na tupa zie a pie thei lei awpa a châ khiahta cha, theihthaipa lâ a chhi awpa châ ta, theihthaipa ta a mâ tu aw ta, bie a taihtuhpa tao theinazie hawhta theihthaipa ta a mâ a tu aw.
9
“ Abeipa lâ hlâ awpa ta bie â taihpa cha, sahroh a châ khiahta cha, Abeipa lâta a hlâpa zydua cha a pathaih haw.
10
A panano awpa châ khao vei. A chhiepa vyuhpa ta a phapa ta tlyma, a phapa vyuhpa ta a chhiepa ta tlyma a ri awpa châ hra vei. Sahroh lilaw ta a ri khiahta cha, a pô no ta, a ripa chhao, a rina chhao pathaihpa ama vaw châ ha aw.
11
Sahroh pathaih leipa Abeipa lâta hlâ lei awpa chi a châ khiahta cha, sahroh cha theihthaipa hmiakô liata a soh awpa a châ.
12
Theihthaipa ta a phana nata a pha leinazie hawhta, â phuhpa ta a mâ tu aw ta, a mâ cha theihthaipa ta a tunazie hawhta a châ aw.
13
A chatlai heih awpa khiahta deikua cha, a mâ tupa zie su pangawh su kha a baichha awpa a châ.
14
“Chyhsa ta hmohlâ pathaihpa châta Abeipa lâta a o a hlâ khiahta cha, a phana nata a pha leinazie hawhta, theihthaipa ta a mâ tu aw ta, theihthaipa ta a mâ a tupa hawhta a châ aw.
15
A hlâtuhpa ta a o cha a chatlai khoh khiahta cha, a mâ tupa zie su pangawh su kha baichha aw ta, chatanachata ano eih a châ heih aw.
16
“Chyhsa ta a lyu thokha Abeipa châta a hlâ khiahta cha, chi a tla thei awpa zie lymâ hawhta, a mâ tu awpa a châ. Bâli sâh bai kha tu theina lyu cha tâkâ sekel sypangawh a châ aw.
17
A lyu cha zubili kô ta hlâpa a châ khiahta cha, a mâ tupa hawhta a châ aw.
18
Zubili khai tawhta a hlâ khiahta deikua cha, zubili tlô heih nawpa kô a ypa zie hawhta theihthaipa ta a mâ tu aw ta, a pie awpa zie pachyh viapa a châ aw.
19
A hlâtuhpa ta a chatlai khoh khiahta cha, a mâ tupa zie su pangawh su kha baichha aw ta, ano eih a châ heih aw.
20
Lyu cha a chatlai khoh vei tlyma, mohropa hnohta a zuah hapa tlyma a châ khiahta cha, chatlai heih theipa châ khao aw vei.
21
Lyu cha Zubili kô liata papuapa a châ tita, hlâ hapa lyu hawhta Abeipa châta pathaihpa châ aw ta, theihthaipa eih a châ aw.
22
Chyhsa ta ano râh a châ leipa, a chaleipa lyu Abeipa lâta a hlâ khiahta cha,
23
theihthaipa ta zubili kô taihta a mâ awpa zie tu aw ta, a tupa hawhta, cha noh lia tlai ta Abeipa lâta hmo pathaihpa châta a hlâ awpa a châ.
24
Zubili kô liata, lyu cha a chaleina chyhsa, a râh hneituhpa hnohta a pakua aw.
25
A mâ tupa zydua cha supathaihpa tâkâ reizie ta châ khai aw ta, sekel tlaw kha cha kerâ miakih a châ aw.
26
“Sahroh a pataw tuapa deikua cha, Abeipa eih a châ chhielie hapa vâta, chyhsa ta a hlâ awpa châ vei. Viahchao tôhpa tlyma, mietaku tlyma, a pataw tuapa maih cha Abeipa eih a châ.
27
Sahroh pathaih leipa a châ khiahta cha, a mâ tupa zie ta a chatlai awpa châ ta, a mâ su pangawh su kha a baichha awpa a cha. Chatlaipa a châ vei khiahta cha, a mâ tupa zie ta zuah awpa a châ.
28
“Chyhsa ta a hmohneipa Abeipa lâta a hlâ hapa, chyhsapa tlyma, sahroh tlyma, râh tlyma cha zuah awpa châ leipa ta, chatlai awpa châ hra vei. Hlâ hapa hmo zydua cha, Abeipa châta pathaih ngaitapa a châ khai.
29
Pahleipadia awpa ta hlâ hapa chyhsa cha chatlai awpa châ vei. Thie thlyu awpa a châ.
30
“Râh tawhta a puapa su hrawh su kha zydua, alei tawhta sâh nata tho theilâpa zydua Abeipa eih châ khai ta, Abeipa châta pathaihpa a châ.
31
Chyhsa ta a su hrawh su kha hry liata a kheihawhpa rai a chatlai khiahta cha, a mâ su pangawh su kha a baichha awpa a châ.
32
Viahchao hri nata mietaku zaw hry liata su hrawh su kha, chôchahrei ry liata â ngiapa, a pô hrawhna lymâ cha Abeipa châta pathaihpa a châ aw.
33
A pha nata pha lei a pasia awpa châ leipa ta, a ri awpa châ hra vei. A ri raruah khiahta cha, a pô no ta, a ripa chhao, a rina chhao, pathaihpa châ aw ei ta, chatlai theipa châ aw vei,” tah ta.
34
Chazy cha Sinai Tlâh liata Izarei sawzy châta Abeipa ta Mawsi a piepa biepiepazy a châ.
← Chapter 26
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27