bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Chin
/
Chin (Mara Bible RV (BSI))
/
Numbers 23
Numbers 23
Chin (Mara Bible RV (BSI))
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 24 →
1
Bâlâma ta Bâlâka hnohta, “He liata maisâh miasari na taopa la, viahchao tôhpa pô sari nata mietaku tôhpa pô sari nâ chhuanohpa teh,” tah ta.
2
Bâlâka ta Bâlâma reipa hawhta tao ta. Bâlâka nata Bâlâma ta maisâh to liata viahchao tôhpa pô kha nata mietaku tôhpa pô kha lymâ hlâ ei ta.
3
Bâlâma ta Bâlâka hnohta, “Raopa hlâna na hlâpa kiapâh liata a vaw duah la, kei deikua cha ânano ta kei y na ta, Abeipa a vy aw ta, einâ vaw tyh ngyu aw. Eina pahmôsapa maih ei cha chho aw,” tah ta. Chatanachata tlâh laki lâ khy ta.
4
Khazohpa ta Bâlâma cha a vaw tyh ta. Bâlâma ta a hnohta, “Maisâh miasari tao na ta, maisâh to liata viahchao tôhpa pô kha nata mietaku tôhpa pô kha lymâ ei hlâ haw,” tah ta.
5
Abeipa ta Bâlâma pakah liata bie soh ta, “Bâlâka lâ a lie la, hetana heta kei reih teh,” tah ta.
6
Bâlâma cha Bâlâka lâ a lie ta. Bâlâka cha Môabâ beimachâ zydua chhaota raopa hlâna kiapâh liata a vaw duah thlâh ha ta.
7
Bâlâma ta a bie daopa cha reih ta: “Aramia tawhta Bâlâka ta nâ vaw chhi ta, Nochhi tlâhpizy tawhta Môabâ bei ta einâ vaw chhi; ‘A vy la, Zakaw chhie na sapa teh, A vy la, Izarei thailei pachâsa teh!’ eina tah.
8
Khazohpa ta chhie a sapa leipa cha, Kheihta chhiesapa thei aw na ta; Khazohpa ta thailei a pachâsa leipa cha, Kheihta thailei ei pachâsa thei aw?
9
Lôkâhpa khi tawhta Izarei cha hmô na ta, Tlâh laki tawhta ano cha ei sai; Moh tua, ano dei ta a ypa phopi châ ta, Phopi hropazy hawhta â pachâ leipa phopi a cha!
10
Ahy ma Zakaw dohlei reih thei aw ta, Ahy ma Izarei doh khuh a paki thei aw? Mosiapa thipa hawhta thi sah la, Ano chhâna hawhta ei chhâna châ mawh sy!” tah ta.
11
Bâlâka ta Bâlâma hnohta, “Ei chô liata khâpa na tao? Ei chariahzy chhiesapa awpa ta châ chhi na ta, châhrasala byhnâ tlao na awpa ei,” tah ta.
12
Bâlâma ta a chhy ta, “ Abeipa ta ei pakah liata a sopa cha ei rei awpa châ vei mâ?” tah ta.
13
Bâlâka ta a hnohta, “Ngiachhiepa ta su hro lâ na vaw zi heih teh. Cha su tawhta na hmô thei aw ei. A rakhapa ta hmô aw chi ta, ama zydua ta deikua hmô aw va chi. Cha su tawhta âmo cha chhie na sapa mah y,” tah ta.
14
Zôphi lyu liata Piskâ tlâh laki lâ a chhi ta, maisâh miasari tao ta, maisâh to liata viahchao tôhpa pô kha nata mietaku tôhpa pô kha lymâ hlâ ta.
15
Bâlâma ta Bâlâka hnohta, “Hao liata Abeipa bie ei kei chho chhôh ta, raopa hlâna kiapâh liana heta a vaw duah thlâh ha mah y,” tah ta.
16
Abeipa ta Bâlâma cha a vaw tyh ta, a pakah liata bie soh ta, “Bâlâka lâ a lie la, a hnohta hetana heta kei reih teh,” tah ta.
17
Bâlâma cha Bâlâka lâ vawh ta. Bâlâka cha raopa hlâna kiapâh liata a vaw duah thlâh ha ta. Môabâ beimachâzy a hnohta y ei ta. Bâlâka ta a hnohta, “ Abeipa ta khâpa ma a reih? tah ta.
18
Bâlâma ta a bie daopa cha thaoh ta, “Hy Bâlâka, thyu la, nathlie teh, Zipô sawchapawpa y, ei bie he nathlie mah y.
19
Khazohpa cha chyhsapa a châ leipa vâta, Haih beih leipa ta; Chyhsa sawchapawpa a châ leipa vâta, A palôh panano beih vei. A rei hapa tao leipa ta a y aw ma? A chho hapa patlô leipa ta a y aw ma?
20
Pachâ teh, Byhnâ aw awpa ta biepiepa ei dao; Byhnâ awpa ha ta, Panano thei khao va na.
21
Zakaw liata chhiena hmô leipa ta, Izarei liata tymâna hmô vei. Abeipa ama Khazohpa ama hnohta y ta, Ama Bei palyupalihna pyu ama hry liata a y.
22
Izi tawhta âmo a kaw chhi papuapa Khazohpa cha, Âmo châta chaoliah tôhpa ki hawhta a châ.
23
Dyuthaina ta Zakaw tiah leipa aw ta, Pachaona ta Izarei hria thei aw vei; Zakaw nata Izarei thâtih rei tita, Khazohpa hmotaopa kyh reih tyhpa a châ aw.
24
Moh tua, hao phopi huh! Chakeibarôhneipa panô hawhta thyu ta, Chakeibarôhneipa tôhpa hawhta â pathlua huh. A sa taipa a nie hlâlei a byu leipa aw ta, A thiepa thisaih a doh hlâlei a byu aw vei,” tah ta.
25
Bâlâka ta Bâlâma hnohta, “Âmo châta chhiesapa leipa la, byhnâ chhao awpa hra khah y,” tah ta.
26
Bâlâma ta Bâlâka a chhy ta, “‘ Abeipa ta a reipa zydua ei tao aw,’ tahpa cha chho va na ma?” tah ta.
27
Bâlâka ta Bâlâma hnohta, “A vy teh, su hro lâ ei châ chhi aw. Cha su chhâ ta cha Khazohpa palôh patlâh thei ngyu aw ta, cha tawhna chata âmo cha chhie eina sapa thei ngyu aw chi,” tah ta.
28
Chatanachata Bâlâka ta Bâlâma cha râhchawhpa lâ a heihpa Peô tlâh laki lâ a chhi ta.
29
Bâlâma ta Bâlâka hnohta, “He liata maisâh miasari na taopa la, viahchao tôhpa pô sari nata mietaku tôhpa pô sari nâ chhuanohpa teh,” tah ta.
30
Bâlâka ta Bâlâma reipa hawhta tao ta, maisâh to liata viahchao tôhpa pô kha nata mietaku tôhpa pô kha lymâ hlâ ta.
← Chapter 22
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 24 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36