1 Chronicles 1

Chin TBR17 (Tedim Bible Revision 2017)

Jump to: Chapter 2 →

1Adamʼ ta Seth, Sethʼ ta Enosh,

2Enoshʼ ta Kenan, Kenanʼ ta Mahalalel, Mahalalelʼ ta Jared,

3Jaredʼ ta Enok, Enokʼ ta Methuselah, Methuselahʼ ta Lamek,

4Lamekʼ ta Noah ahi hi. Noah in tapa thum nei a, tuate pen Shem, Ham le Jafeth ahi uh hi.

5Jafethʼ tapate: Gomer, Magog, Madai, Javan, Tubal, Meshek le Tiras hi a, amauʼ min ciat pua-in minam tuamtuam a piang hi.

6Gomerʼ suante: Ashkenaz mite, Rifath mite le Togarmah mite ahi uh hi.

7Javanʼ suante: Elishah mite, Tarshish mite, Kittim mite le Rodanim mite ahi uh hi.

8Hamʼ tapate: Kush, Egypt, Put le Kanaan hi a, amauʼ min ciat pua-in minam a piang hi.

9Kushʼ suante: Seba mite, Havilah mite, Sabta mite, Raamah mite le Sabteka mite ahi uh hi. Raamahʼ suante: Sheba mite le Dedan mite ahi uh hi.

10Kush in Nimrod kici tapa khat nei a, leitungah amah a vanglian masa pen ahi hi.

11Egypt pen Lud mite, Anam mite, Lehab mite, Naftuh mite,

12Pathrus mite, Kasluh mite (Filistia miteʼ hong pianna) le Kaftor miteʼ pianna pupi ahi hi.

13Kanaan pen a tacil Sidon le Heth,

14le Jebus mite, Amor mite, Girgash mite,

15Hiv mite, Arka mite, Sin mite,

16Arvad mite, Zemari mite le Hamath miteʼ pianna pa ahi hi.

17Shemʼ tapate: Elam, Asshur, Arpakshad, Lud, Aram, Uz, Hul, Gether le Meshek hi a, amauʼ min ciat pua-in minam a piang hi.

18Arpakshad pen Shelahʼ pa hi a, Shelah pen Eberʼ pa ahi hi.

19Eberʼ sung pan a piang tapa nihte: A khat paʼ min Peleg ahi hi (bang hang hiam cih leh ama hunin gam kikhen hi). A sanggampaʼ min Joktan ahi hi.

20Joktan pen Almodad mite, Shelef mite, Hazarmaveth mite, Jerah mite,

21Hadoram mite, Uzal mite, Diklah mite,

22Ebal mite, Abimael mite, Sheba mite,

23Ofir mite, Havilah mite le Jobab miteʼ pianna pa ahi hi. Hihte khempeuh, Joktanʼ suante ahi uh hi.

24Shem, Arpakshad, Shelah,

25Eber, Peleg, Reu,

26Serug, Nahor le Terah hi a,

27tua ciangin Abraham a kici Abram ahi suk uh hi.

28Abrahamʼ tapate: Isaac le Ishmael ahi uh hi.

29Amauʼ khangsimna hih bang ahi hi: Ishmaelʼ tacil Nebaioth ahi hi. Tua ciangin Kedar, Adbeel, Mibsam,

30Mishma, Dumah, Massa, Hadad, Tema,

31Jetur, Nafish le Kedemah ahi uh hi. Hihte pen Ishmaelʼ tapate ahi uh hi.

32Abrahamʼ zineu Keturahʼ tapate: Zimran, Jokshan, Medan, Midian, Ishbak le Shuah ahi uh hi. Jokshanʼ tapate: Sheba le Dedan ahi uh hi.

33Midianʼ tapate: Efah, Efer, Hanok, Abida le Eldaah ahi uh hi. Hihte khempeuh pen Keturahʼ suanlekhakte ahi uh hi.

34Abraham pen Isaacʼ pa ahi hi. Isaacʼ tapate Esau le Israel ahi uh hi.

35Esauʼ tapate: Elifaz, Reuel, Jeush, Jalam le Korah ahi uh hi.

36Elifazʼ tapate: Teman, Omar, Gatam, Kenaz, Timna le Amalek ahi uh hi.

37Reuelʼ tapate: Nahath, Zerah, Shammah le Mizzah ahi uh hi.

38Seirʼ tapate: Lotan, Shobal, Zibeon, Anah, Dishon, Ezer le Dishan ahi uh hi.

39Lotanʼ tapate Hori le Homam hi uh a, Lotanʼ sanggamnu pen Timna ahi hi.

40Shobalʼ tapate: Alian, Manahath, Ebal, Shefi le Onam ahi uh hi. Zibeonʼ tapate: Aiah le Anah ahi uh hi.

41Anahʼ tapa Dishon ahi hi. Dishonʼ tapate: Hamran, Eshban, Ithran le Kheran ahi uh hi.

42Ezerʼ tapate: Bilhan, Zaavan le Jaakan ahi uh hi. Dishanʼ tapate: Uz le Aran ahi uh hi.

43Israel-te tungah kumpi khat peuhpeuh in a uk ma-in Edom gam sungah a uk kumpite: Beorʼ tapa Bela hi a, ama khuapi min Dinhabah ahi hi.

44Bela a sih ciangin ama tangin Bozrah khuami Zerahʼ tapa Jobab in uk hi.

45Jobab a sih ciangin ama tangin Teman miteʼ gam mi Husham in uk hi.

46Husham a sih ciangin Moab gam sungah Midian mite a zopa, Bedadʼ tapa Hadad in ama tangin uk a, ama khuapi min Avith ahi hi.

47Hadad a sih ciangin ama tangin Masrekah khuami Samlah in uk hi.

48Samlah a sih ciangin ama tangin Eufratis gun gei-a om Rehoboth khuami Shaul in uk hi.

49Shaul a sih ciangin ama tangin Akborʼ tapa Baal-hanan in uk hi.

50Baal-hanan a sih ciangin ama tangin Hadad in uk hi. Ama khuapi min Pai hi a, ama ziʼ min Mehetabel hi a, Mezahabʼ tunu hi a, Matredʼ tanu ahi hi.

51Tua ciangin Hadad si hi. Edom ukpite: Ukpi Timna, Aliah, Jetheth,

52Oholibamah, Elah, Pinon,

53Kenaz, Teman, Mibzar,

54Magdiel le Iram hi uh a, hihte pen Edom ukpite ahi uh hi.

Jump to: Chapter 2 →