1 Chronicles 24

Chin TBR17 (Tedim Bible Revision 2017)

← Chapter 23 Jump to: Chapter 25 →

1Aaronʼ suante a kisehkhennate hih bang ahi hi. Aaronʼ tapate: Nadab, Abihu, Eleazar le Ithamar ahi uh hi.

2Ahih hangin a pa uh a sih ma-in Nadab le Abihu si-in ta nei lo uh ahih manin Eleazar le Ithamar-te siampi suak uh hi.

3Eleazarʼ suan Zadok le Ithamarʼ suan Ahimelekʼ huhna tawh David in amauʼ nasepna ah a kiseh bangin Aaronʼ suante a koih hi.

4Ithamarʼ suante lak sangin Eleazarʼ suante lakah ukpi tam om zaw ahih manin, amaute in Eleazarʼ suante pawl sawm le guk suahin, Ithamarʼ suante pawl giat suah uh hi.

5Eleazarʼ suante le Ithamarʼ suante lakah biakinn uliante le Pasianʼ uliante om tuak uh ahih manin amaute in a kibangin aisanna tawh amaute koih uh hi.

6Tua ciangin Levi mi Nethanelʼ tapa ahi lai-at pa Shemaiah in kumpipa, uliante, siampi Zadok, Abiatharʼ tapa Ahimelek, siampite le Levi mi beh lutangteʼ omna ah amaute ciamteh hi. Eleazarʼ suante-aʼ dingin khat kiteelin, tua ciangin Ithamarʼ suante adingin khat kiteel a, kilaihsak niloh uh hi.

7Aisanna a masa pen Jehoiarib tung, a nihna Jedaiah tung,

8a thumna Harim tung, a lina Seorim tung,

9a ngana Malkhijah tung, a gukna Mijamin tung,

10a sagihna Hakkoz tung, a giatna Abijah tung,

11a kuana Jeshua tung, a sawmna Shekaniah tung,

12a sawm le khatna Eliashib tung, a sawm le nihna Jakim tung,

13a sawm le thumna Huppah tung, a sawm le lina Jeshebeab tung,

14a sawm le ngana Bilgah tung, a sawm le gukna Immer tung,

15a sawm le sagihna Hezir tung, a sawm le giatna Happizzez tung,

16a sawm le kuana Pethahiah tung, a sawm nihna Jehezkel tung,

17a sawm nih le khatna Jakhin tung, a sawm nih le nihna Gamul tung,

18a sawm nih le thumna Delaiah tung, a sawm nih le lina Maaziah tungah a tu hi.

19Hihte in Israel Topa Pasian in amah a thupiak bangin a pupi uh Aaron in amaute-aʼ dingin a kipsak sa ngeina bangin Topaʼ biakinn sungah a pai dingin amauʼ nasep uh ahi a kiseh nasep nei uh hi.

20Tua ciangin Levi suante a omlaite lakah: Aramʼ suante sung panin Shubaelʼ suante Jehdeiah ahi hi.

21Rehabiahʼ suante sung panin Isshiah a ukpi ahi hi.

22Izharʼ suante sung panin Shelomothʼ suante Jahath ahi hi.

23Hebronʼ suante lakah: Jeriah a ukpi, Amariah a nihna, Jahaziel a thumna, Jekameam a lina ahi hi.

24Uzzielʼ suante sung panin Mikahʼ suante Shamir ahi hi.

25Isshiahʼ suante sung panin Zekhariah ahi hi. Mikahʼ sanggampa pen Isshiah ahi hi.

26Merariʼ suante: Mahli, Mushi le Jaaziah ahi hi.

27Merariʼ suante Jaaziah sung panin Beno, Shoham, Zakkur le Ibri ahi hi.

28Mahli in tapa nih, Eleazar le Kish nei hi. Eleazar in tapa nei lo a, Kish in Jerahmeel a kici tapa khat nei hi.

30Mushiʼ tapate: Mahli, Eder le Jerimoth ahi uh hi. Hihte pen a beh tawh kizui-in Leviʼ suante ahi uh hi.

31Hihte in zong a behte uh ahi Aaronʼ suante mah bangin Kumpi David, Zadok, Ahimelek, siampite le Levi mi beh lutangteʼ muhna ah beh lutangte le a nau pasalte khat ciat in a kibangin aisanna tawh nasep tavuan a la uh hi.

← Chapter 23 Jump to: Chapter 25 →