1 Chronicles 7

Chin TBR17 (Tedim Bible Revision 2017)

← Chapter 6 Jump to: Chapter 8 →

1Issakharʼ tapate: Tola, Puah, Jashub le Shimron, li pha uh hi.

2Tolaʼ tapate: Uzzi, Refaiah, Jeriel, Jahmai, Ibsam le Shemuel-te hi a, amauʼ beh sung panin innkuan lutangte hi a, Tola-te beh pen amauʼ khangin a galhangte ahi uh hi. Davidʼ hun laitakin mihing tul sawm nih le tul nih le za guk pha uh hi.

3Uzzi in tapa Izrahiah nei hi. Izrahiah le a tapate Mikhael, Obadiah, Joel le Isshiah, mi nga hi a, a vekpi-in ukpite ahi uh hi.

4Amauteʼ banah a pate uh a inn kuankuanin khangsimna ah a kiciaptehna tawh kizui-in galsim dingin galkap honte mi tul sawm thum le tul guk om hi; bang hang hiam cih leh amaute in zi tampi nei-in ta tampi nei uh hi.

5Issakhar minam sungah a om, khangsimna ah a kiciamteh, a galhang a thahat amau beh mi a vekpi-in tul sawm giat le tul sagih ahi hi.

6Benjaminʼ tapate: Bela, Bekher le Jediael, thum pha uh hi.

7Belaʼ tapate: Ezbon, Uzzi, Uzziel, Jerimoth le Iri, nga pha uh a, amauʼ beh sungah innkuan lutang, a thahat galhangte ahi uh hi. Amauʼ khangsimna a kiciaptehna ah tul sawm nih le tul nih le sawm thum le li pha uh hi.

8Bekherʼ tapate: Zemirah, Joash, Eliezer, Elioenai, Omri, Jeremoth, Abijah, Anathoth le Alemeth ahi uh hi.

9Hihte khempeuh Bekherʼ tapate ahi uh hi. Amauʼ khang tawh kizui-in a khangsimna a kiciaptehna ah, amauʼ beh sungah innkuan lutang, a thahat a galhang mihing tul sawm nih le za nih ahi hi.

10Jediaelʼ tapa pen Bilhan ahi hi. Bilhanʼ tapate: Jeush, Benjamin, Ehud, Khenaanah, Zethan, Tarshish le Ahishar ahi uh hi.

11Hihte khempeuh amauʼ beh sungah innkuan lutang hi uh a, a thahat, a galhang, Jediaelʼ suante galsimna ah nasem dingin a baih sa-in a om mihing tul sawm le tul sagih le za nih pha uh hi.

12Tua ciangin Shuppim le Huppim zong hih minamte sung mah hi a, Dan in Hushim kici tapa khat a nei hi.

13Naftaliʼ tapate: Jahziel, Guni, Jezer le Shallum hi a, Bilhah sung pan a piangte ahi uh hi.

14Manassehʼ tapate: A zineu Aram numei tawh a neih Asriel le Makhir ahi hi. Makhir pen Gileadʼ pa ahi hi.

15Tua ciangin Makhir in Huppim le Shuppim ading zi a la hi. Ama sanggamnuʼ min Maakah ahi hi. Makhirʼ tapa a nihnaʼ min Zelofehad hi a, Zelofehad in tanu bek a nei hi.

16Tua ciangin Makhirʼ zi Maakah in tapa nih nei a, a min Peresh le Sheresh ahi hi. Pereshʼ tapate Ulam le Rakem ahi hi.

17Ulamʼ tapa Bedan ahi hi. Hihte pen Manassehʼ tapa Makhirʼ tapa Gileadʼ suante ahi hi.

18Tua ciangin Gileadʼ sanggamnu Hammolekheth in Ishhod, Abiezer le Mahlah nei hi.

19Shemidaʼ tapate Ahian, Shekhem, Likhi le Aniam ahi uh hi.

20Efraimʼ suante: A tapa Shuthelah, a tapa Bered, a tapa Tahath, a tapa Eleadah, a tapa Tahath,

21a tapa Zabad, a tapa Shuthelah ahi hi. Efraim in tapa dang nih nei a, tuate Ezer le Elead ahi uh hi. Gath khua miteʼ bawng a sut dingin a kuan lai-in Gath mite in amau tegel na that uh hi.

22Tua ciangin a pa uh Efraim ni tampi sung kap a, amah a hehnem dingin a sanggamte hong pai uh hi.

23Tua ciangin Efraim in a zi luppih a, amah gai-in tapa khat nei hi. Ama inn sungah siatna tung ahih manin amah in a min Beriah a phuak hi.

24Ama tanu Sheerah hi a, Beth-horon nuainung le a tungnung le Uzzen-sheerah khua a lam nu ahi hi.

25Tua ciangin Refah kici tapa khat nei a, ama suante: Resef, a tapa Telah, a tapa Tahan,

26a tapa Ladan, a tapa Ammihud, a tapa Elishama,

27a tapa Nun, a tapa Joshua ahi hi.

28Amauʼ neihsa gam le a teenna uh Bethel le a khuapite le nisuahna lamah Naaran le nitumna lamah Gezer le a khuapite, Shekhem le a khuapite le Azzah le a khuapite ahi hi.

29Manassehʼ suante in Beth-shean le a khuapite, Taanak le a khuapite, Megiddo le a khuapite, Dor le a khuapite a uk uh hi. Hihte sungah Israelʼ tapa Josefʼ suante a teeng uh hi.

30Asherʼ tapate: Imnah, Ishvah, Ishvi, Beriah le a sanggamnu uh Serah ahi hi.

31Beriahʼ tapate: Heber le Malkhiel hi a, Malkhiel pen Birzaith khuapi a sat pa ahi hi.

32Heber pen Jaflet, Shomer, Hotham le a sanggamnu uh Shua-teʼ pa ahi hi.

33Jafletʼ tapate: Pasak, Bimhal le Ashvath ahi uh hi. Hihte pen Jafletʼ tapate ahi uh hi.

34A sanggampa Shomerʼ tapate: Rohgah, Jehubbah le Aram ahi uh hi.

35A sanggampa Hothamʼ tapate: Zofah, Imna, Shelesh le Amal ahi uh hi.

36Zofahʼ suante: Suah, Harnefer, Shual, Beri, Imrah,

37Bezer, Hod, Shamma, Shilshah, Ithran le Beera ahi uh hi.

38Jetherʼ suante: Jefunneh, Pispa le Ara ahi uh hi.

39Ullaʼ suante: Arah, Hanniel le Rizia ahi uh hi.

40Hihte khempeuh Asherʼ beh lutangte, a kipakta, a thahat galhangte, ulian a ukte ahi uh hi. Gal sungah nasem dingin khangsimna ah a kiciamteh amaute a phazah mihing tul sawm nih le tul guk ahi hi.

← Chapter 6 Jump to: Chapter 8 →