1 Chronicles 3

Chin TBR17 (Tedim Bible Revision 2017)

← Chapter 2 Jump to: Chapter 4 →

1David sung panin Hebron ah a piang tapate: Jezreel mi Ahinoam tawh a neih a tacil Amnon, Karmel numei Abigail tawh a neih a nihna Daniel,

2Geshur kumpipa Talmaiʼ tanu, a nu Maakah ahi a thumna Absalom, a nu Haggith ahi a lina Adonijah,

3Abital tawh a neih a ngana Shefatiah, a zi Eglah tawh a neih a gukna Ithream hi a,

4amah in kum sagih le kha guk sung a ukna Hebron ah ama sung panin guk suak hi. Tua ciangin amah in Jerusalem ah kum sawm thum le thum sung uk hi.

5Ama sung panin Jerusalem ah a suakte: Shimea, Shobab, Nathan le Solomon hi a, Ammielʼ tanu Bathsheba tawh a neih li pha hi.

6Tua ciangin Ibhar, Elishua, Elpelet,

7Nogah, Nefeg, Jafia,

8Elishama, Eliada le Elifelet, kua pha uh hi.

9Hihte pen a zineuteʼ tapate sim loin, Davidʼ tapate ahi hi. Tamar a kici tanu khat zong amah in nei lai hi.

10Solomonʼ suanlekhakte: Rehoboam, a tapa Abijah, a tapa Asa, a tapa Jehoshafat,

11a tapa Joram, a tapa Ahaziah, a tapa Joash,

12a tapa Amaziah, a tapa Azariah, a tapa Jotham,

13a tapa Ahaz, a tapa Hezekiah, a tapa Manasseh,

14a tapa Amon, a tapa Josiah ahi uh hi.

15Josiahʼ tapate: A tacil Johanan, a nihna Jehoiakim, a thumna Zedekiah, a lina Shallum ahi uh hi.

16Jehoiakimʼ suanlekhakte: A tapa Jehoiakhin le Zedekiah ahi uh hi.

17Babylon ah sal a suak Jehoiakhinʼ tapate: A tapa Shealtiel,

18Makhiram, Pedaiah, Shenazzar, Jekamiah, Hoshama le Nedabiah ahi uh hi.

19Pedaiahʼ tapate: Zerubbabel le Shimei ahi uh hi. Zerubbabelʼ tapate: Meshullam le Hananiah hi a, Shelomith kici tanu khat zong nei hi.

20Tua ciangin tapa dang Hashubah, Ohel, Berekhiah, Hasadiah le Jushab-hesed, nga nei lai hi.

21Hananiahʼ tapate: Pelatiah le Jeshaiah hi a, Jeshaiahʼ ta Refaiah, a tapa Arnan, a tapa Obadiah, a tapa Shekaniah ahi uh hi.

22Shekaniah in tapa khat le tupa nga nei a, a tapa Shemaiah ahi hi. Shemaiah tapate: Hattush, Igal, Bariah, Neariah le Shafat ahi uh hi.

23Neariahʼ tapate: Elioenai, Hizkiah le Azrikam, thum pha uh hi.

24Elioenaiʼ tapate: Hodaviah, Eliashib, Pelaiah, Akkub, Johanan, Delaiah le Anani, sagih pha uh hi.

← Chapter 2 Jump to: Chapter 4 →