Ezra 1

Ewe 1913 (Biblia alo Ŋɔŋlɔ Kɔkɔe La Le Eʋegbe Me 1913)

Jump to: Chapter 2 →

1Le Persia-fia Kores ƒe ƒe gbãtɔ me la — ne Yehowa ƒe nya, si wògblɔ to Yeremya nu la, nava me — Yehowa nya Persia-fia Kores ƒe gbɔgbɔ, eye wòna woɖe gbe ƒã le eƒe fiaɖuƒe blibo la me, eye wòna woŋlɔ agbalẽ hã bena;

2Persia-fia Kores ƒe gbe enye si: Yehowa, dziƒo Mawu la, tsɔ anyigba dzi fiaɖuƒewo katã nam, eye wòde se nam be, matu xɔ na ye de Yerusalem le Yuda.

3Eyata mi eƒe dukɔ la dome amesiame neyi Yerusalem le Yuda, eye eƒe Mawu anɔ kplii, ne wòatu xɔ na Yehowa, Israel ƒe Mawu, si nye, Mawu le Yerusalem.

4Eye amesiwo tsi teƒe, siwo katã wole la, teƒe la nɔlawo natsɔ klosalo kple sika, kesinɔnu kple lãwo na wo akpe de nunana, siwo woana faa, ɖe Mawu ƒe aƒe, si le Yerusalem ŋu la ŋuti.

5Tete Yuda kple Benyamin ƒe aƒekɔwo, nunɔlawo kple Lewi-viwo, amesiame, si ƒe gbɔgbɔ Mawu nyɔ la, tso be, yewoayi aɖatu Yehowa ƒe xɔ le Yerusalem.

6Eye wo gbɔ nɔlawo katã tsɔ klosalonuwo kple sika, kesinɔnuwo kple lãwo kpakple nu xɔasiwo do alɔ na wo hekpe de nusiwo katã wona laa la ŋuti.

7Eye fia Kores tsɔ Yehowa ƒe aƒe ma nusiwo Nebukadnezar ɖafɔ tso Yerusalem heva da de eƒe mawuwo ƒe me la na.

8Persia-fia Kores na kesinɔnu dzikpɔla Mitredat de wo nu, eye wòxlẽ wo na Yuda ƒe amegã Sesbazar.

9Woƒe xexlẽme enye si, sikagba blaetɔ̃ kple klosalogba akpe ɖeka, hɛ blave vɔ asieke,

10sikakplu blaetɔ̃, klosalokplu ha evelia tɔwo alafa ene kple ewo kpakple nu bubuwo akpe ɖeka.

11Sikanuawo kple klosalonuawo kalã le akpe atɔ̃ alafa ene; Nusiawo katã Sesbazar tsɔ gbɔe, esime aboyomeawo tso Babel va Yerusalem.

Jump to: Chapter 2 →