bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
2 Chronicles 13
2 Chronicles 13
Gussi (EBIBILIA ENCHENU) 2020
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 14 →
1
Ase omwaka o ikomi na gatano na gatato bw’okogamba kw’omoruoti Yeroboamu, Abiya agachaka kogambera Abayuda.
2
Akagamba ase engaki y’emiaka etato agwo Yerusalemu. Ng’ina nigo arenge korokwa Mikaya, mosubati o Urieli, korwa Gibea. Esegi yarenge gati y’Abiya na Yeroboamu.
3
Abiya akagenda korwana esegi, akaira abarwani esegi chilifu amagana ane (400,000), abanto chituoni chi’esegi bachoretwe, korende Yeroboamu agacha komorwania, akaroberia abarwani baye b’esegi chilifu amagana atano na atato (800,000), abanto chituoni.
4
Na Abiya agatenena igoro ase egetunwa gia Semaraimu, agwo ase ense y’ebitunwa y’Efraimu, akabora, “Aye Yeroboamu, nainwe Abaisraeli mwensi, ntegerera moigwe!
5
Inee! Inwe timomanyeti ng’a Omonene, Nyasae bw’Abaisraeli, nigo aete Daudi, amo nororeria rwaye, oboruoti bw’Abaisraeli bobe asebare kare na kare, ase enchera y’okobwatana kw’ogotianania kw’omonyo?
6
Korende Yeroboamu, mosinto o Nebati, omosomba o Sulemani, mosinto o Daudi, akarega omonene oye omoruoti, akaanga komoigwera.
7
Abanto bande abachorochombu, abanto ababe, bagasangererekana ase Yeroboamu, bakaba abaengereria abakong’u ase Rehoboamu, mosinto o Sulemani, ekero Rehoboamu arenge omoyia ataranara emeremo yaye, na tarenge konyara kobabua.
8
Bono inwe igo morengereretie korwania oboruoti bw’Omonene bore ase amaboko ’abanto b’ororeria rwa Daudi, ekiagera more omoganda omonene, naende ekiagera mobwate emegwekano ye chimori ye chitahabu eria Yeroboamu abaroiseirie ekaba chinyasae chiaino.
9
Inee! Inwe timwaseria abakuani b’Omonene, abanto b’ororeria rwa Haroni, na Abalawi, na mwebekire abakuani baino, buna abanto be chinse chinde bagokora? Bono omonto onde bwensi okorenta eeri ensae, gose chimingichi isano na ibere, gwatananwa na gochenwa, oyio nigo akoba omokuani bwe chinyasae chitari Nyasae bori.
10
“Korende asetore intwe, Omonene nere Nyasae oito, na intwe titomotigeti. Intwe ntobwate abakuani bagokorera Omonene, baria bare b’ororeria rwa Haroni na Abalawi abare gokora emeremo yabo.
11
Kera emambia na omogoroba nigo baare koruera Omonene ebing’wanso bi’ogosambwa na gosambera ubani ere nogotioka okuya, naende babeka igoro y’emesa y’etahabu emegati ekoruegwa ase Nyasae. Naende nigo barendete ebibekerero bie chitaya biroisirie korwa ase chitahabu, erinde chitaya chiria chigenderere gwoka kera omogoroba. Intwe nigo torendete amang’ana Omonene, Nyasae oito, achigete, korende inwe mwamotigire.
12
Rora Nyasae nigo are amo naintwe, nere ototang’aine, na abakuani baye nigo babwate ebirombeta biabo bi’esegi bakobibugia, bagotorangeria tobarwanie inwe esegi. Inwe Abaisraeli, timobaisa korwana n’Omonene, Nyasae bwe chisokoro chiaino, ekiagera timokonyara kobua.”
13
Yeroboamu konya otomire abarwani baetanane na koumokera Abayuda korwa magega; igo abarwani baye b’esegi bakaba bosio bw’Abayuda na baria batometwe nigo barenge magega yabo.
14
Ekero Abayuda barigereretie bakarora ng’a esegi nigo yarenge bosio bwabo na magega abo, na igo bakarera ase Omonene, na abakuani bakabugia ebirombeta biria.
15
Abanto ba Yuda bagaaka amariogi amanene ay’esegi; na ekero Abayuda barenge kwoga, Nyasae akabua Yeroboamu na Abaisraeli bonsi, ase obosio bw’Abiya na ase Abayuda.
16
Erio Abaisraeli bagatama korwa ase Abayuda, na Nyasae akababeka ase amaboko ’Abayuda.
17
Abiya amo nabanto baye bagaita Abaisraeli ase ogoita okonene mono. Abanto baitetwe nigo barenge chilifu amagana atano (500,000), abanto abachore.
18
Igo Abaisraeli bakabugwa bakabekwa inse y’obogambi bw’Abayuda, na Abayuda nigo babuete ekiagera basemeretie Omonene, Nyasae bwe chisokoro chiabo.
19
Abiya akabwatia Yeroboamu, akamoura emechie eye: Beteli, na Yesana, na Efuroni, amo nebichie biabo.
20
Yeroboamu tanyorete chinguru chi’okoirania oboruoti bwaye ase amatuko Abiya arenge kogamba, korende Omonene akamoaka erinde agakwa.
21
Abiya akanyora chinguru chinyinge, akanyuoma abakungu ikomi na bane; akaiborerwa abana abamura emerongo ebere na babere, na abaiseke ikomi na batano nomo.
22
Amang’ana ande onsi igoro y’Abiya ne chinchera chiaye, ne chinkwana chiaye, nigo arikire ase omogano bw’omobani Ido.
← Chapter 12
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 14 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36