bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
2 Chronicles 34
2 Chronicles 34
Gussi (EBIBILIA ENCHENU) 2020
← Chapter 33
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 35 →
1
Yosia nigo arenge nemiaka etano na etato, ekero achagete kogamba, na akagamba emiaka emerongo etato nomo, agwo Yerusalemu.
2
Agakora ayare amaronge ase amaiso ’Omonene; akabwatia chinchera chionsi chia Daudi, sokoro yaye; taonchogete gochia aande onsi, ensemo y’okorio gose ey’okobee.
3
Ase omwaka o gatano na gatato bw’okogamba kwaye, ekero arenge omomura omoke, agachaka komorigia Nyasae o Daudi, sokoro yaye. Ase omwaka o ikomi na kabere bw’okogamba kwaye agachaka gosaria aase aimokererete igoro agosasimerwa na agachena ense y’Abayuda na Yerusalemu. Akanachana emete y’Asera amo nemegwekano yabaachire, na eyanyititoire na kobombwa.
4
Abanto bagatagora ebisasimero bie chinyasae chiria Baali agwo ase obosio bwaye; na Yosia agatagora na koiyeria inse ebisasimero bi’ogosambera ubani ase erioba, ebiatenenirie igoro y’ebio bia Baali. Akanachana emete y’Asera; boigo agasaria emegwekano yabaachire na kobombwa, akabisia bikaba orotu, akarosiara igoro ase chimbeera chi’abanto baria barenge korua ebing’wanso ase emegwekano eyio.
5
Agasambera amauga ’abakuani babo igoro ase ebisasimero biabo, agachena ense y’Abayuda na Yerusalemu.
6
Na ase emechie y’orogongo rwa Manase, na orw’Efraimu, na orwa Simeoni, na goika ase orogongo rwa Nafutali ase amatongo abo aande onsi,
7
agatagora ebisasimero, akanachana emete y’Asera, na emegwekano y’ogosasimwa akabisia bikaba orotu. Ase ense yonsi y’Abaisraeli agatagora na koiyeria inse ebisasimero bi’ogosambera ubani ase erioba. Erio akairana gochia Yerusalemu.
8
Ase omwaka o ikomi na gatano na gatato bw’okogamba kwaye, ekero konya achenire ense eria na enyomba y’Omonene, Yosia agatoma Safani, mosinto bw’Asalia, na Maaseya, omogambi bw’omochie, na Yoa, mosinto o Yoahasi, omoriki bw’amang’ana are gokoreka, koroisia enyomba y’Omonene, Nyasae oye, ebe enyia.
9
Bakairera Hilikia, omokuani omonene, chibesa echi konya chiarentirwe ase enyomba ya Nyasae, na chiria Abalawi na abarendi b’ebisieri basangereretie korwa ase Abamanase na Abaefraimu, na korwa ase abanto abatigari b’Abaisraeli, na korwa ase Abayuda na Ababenjamin bonsi, na korwa ase abanto ba Yerusalemu.
10
Chibesa chiria chikaegwa abateneneri b’emeremo yare gokorerwa ase enyomba y’Omonene; na barabwo bagachia abanto barenge koroisia enyomba y’Omonene na koyeagacha naende.
11
Bagachia abasenia be chibao, na abaagachi bagore amagena abaachire, amo nemete y’okoroiseria emeriibo, na emiamba, ase okoagacha amaagacho aria abaruoti b’Abayuda batigete agatagoka.
12
Abanto abwo bagakora emeremo ase obwegenwa. Aba nabwo abateneneri babegetwe igoro asebare: Yahati na Obadia, Abalawi b’ororeria rwa Merari, na Zakaria, na Mesulamu b’ororeria rwa Kohati, na Abalawi bonsi bamanyete kobugia ebinto bi’amatera.
13
Barabwo bagatenenera ababogoretie chigurube, naende bakaba abatebereria b’abakori emeremo ao ao. Abande b’Abalawi bakaba abariki, na abande abateneneri ao ao, na abande abarendi b’ebiita.
14
Ekero barenge korenta chibesa chiria konya chiarentirwe ase enyomba y’Omonene, Hilikia omokuani akanyora Ebuku y’Amachiko ’Omonene yarwetwe goetera ase Musa.
15
Erio Hilikia agatebia Safani omoriki, “Nanyorire Ebuku y’Amachiko ime ase enyomba y’Omonene,” akaa Safani ebuku eria.
16
Safani akaira ebuku eria ase omoruoti, naende akamotebia, “Emeremo yonsi kwaete abasomba bao nkoyekora bare.
17
Bairire chibesa chionsi chianyorekanete ase enyomba y’Omonene, na bachibekire ase amaboko ’abateneneri b’emeremo amo nabakori emeremo.”
18
Erio Safani omoriki agatebia omoruoti, “Hilikia omokuani ong’eire ebuku eye.” Erio akayesoma agwo ase obosio bw’omoruoti.
19
Ekero omoruoti aigwete amang’ana ’amachiko aria, agatandora chianga chiaye.
20
Agachika Hilikia, na Ahikamu, mosinto o Safani, na Abidoni, mosinto o Mika, na Safani omoriki, na Asaia, omosomba bw’omoruoti, akabatebia,
21
“Genda, moborie momanye korwa ase Omonene igoro yane na igoro y’abatigari b’Abaisraeli na ab’Abayuda, tomanye amang’ana are ase ebuku eye yanyorekanire. Endamwamu y’Omonene nentindi mono asetore, ekiagera chisokoro chiaito tichiaigwerete ring’ana ri’Omonene, naende tichiakorete onsi aya arikire ase ebuku eye.”
22
Hilikia amo nabanto omoruoti atomete bakagenda ase Hulda, omokungu omobani moka Salumu, mosinto o Tokihati o Hasira. Salumu nere orenge omorendi bwe rigachero rie chianga agwo Hekalu. (Ase ekero ekio Hulda nigo amenyete agwo Yerusalemu ase ensemo enyia.) Abanto abwo bagatebia omokungu oria amang’ana aria aria.
23
Omokungu oria akabatebia, “Aya naro Omonene, Nyasae bw’Abaisraeli, agoteba: Mogende ase omonto oria obatomete gocha asende, momotebie:
24
Aya naro Omonene agoteba: Rora, nindete igoro y’aase aiga, na igoro y’abanto b’aiga okoragererigwa gwonsi korikire ase ebuku eye yasomwa ase omoruoti bw’Abayuda.
25
Barabwo bantigire inche, na basambire ubani ase chinyasae ching’ao, na bangechirie nabeire nendamwamu ase engencho y’emeremo yonsi bakorire namaboko abo. Ase ayio endamwamu yane neiterwe igoro y’aase aiga, tegokendigwa.
26
Korende ase omoruoti bw’Abayuda, oria obatoma, erinde amanye korwa asende inche Omonene, aya naro moramotebie: Aya naro Omonene, Nyasae bw’Abaisraeli agoteba: Ekero kwaigwa amang’ana aria,
27
aye ogekanya okaba omoitongo ase obosio bwane inche Nyasae, naende ekero kwaigwa amang’ana igoro y’aase aiga, na igoro y’abanto bareo, ogatandora chianga chiao, naende okarera ase obosio bwane. Naboigo inche Omonene nkogotebia, ng’a nakoigure.
28
Rora, ningosangererie ase chisokoro chiao chiachiete; aye nobekwe ase embeera yao kore nomorembe, na amaiso ao takorora obobe boria bwonsi ndarete igoro y’aase aiga, na igoro y’abanto bareo.” Ase igo barabwo bakairera omoruoti amang’ana ayio.
29
Erio omoruoti agatoma amang’ana, agasangereria amo abagaaka b’Abayuda na aba Yerusalemu,
30
na agatiira gochia ase enyomba y’Omonene, amo n’Abayuda bonsi na bonsi abamenyete Yerusalemu, na abakuani, na Abalawi, ee, abanto bonsi, abanene na abake. Na aroro omoruoti akabasomera amang’ana onsi arikire ase Ebuku eria y’Okobwatana kw’Ogotianania, yanyorekanete ime ase enyomba y’Omonene.
31
Omoruoti agatenena aase aye, agakora okobwatana kw’ogotianania ase obosio bw’Omonene ng’a nabwatie Omonene, na abwate amachiko aye, na oborori bwaye, na emeroberio yaye echikire, nayakore nenkoro yaye yonsi na omoyo oye bwonsi, nakore amang’ana onsi aganeirie nokobwatana okwo kw’ogotianania, ayarikire ase ebuku eye.
32
Agachika abanto bonsi abarenge agwo Yerusalemu na aba ase orogongo rwa Benjamin babwatane nokobwatana okwo kw’ogotianania, na abanto ba Yerusalemu bagakora koreng’ana nokobwatana koria kwa Nyasae ore Nyasae bwe chisokoro chiabo.
33
Yosia akarusia okogechia gwonsi korwa ase orogongo rw’Abaisraeli, agachika Abaisraeli bonsi bakorere Omonene, Nyasae obo. Abanto tibaonchogete korwa ase Omonene bwe chisokoro chiabo ase obogima bwonsi bwa Yosia.
← Chapter 33
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 35 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36