bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
2 Chronicles 36
2 Chronicles 36
Gussi (EBIBILIA ENCHENU) 2020
← Chapter 35
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
1
Abanto b’ense eria bakabeka Yehoahasi, mosinto o Yosia, akaba omoruoti agwo Yerusalemu ase ribaga ria ise.
2
Yehoahasi nigo arenge nemiaka emerongo ebere na etato, ekero achagete kogamba, na akagamba emetienyi etato agwo Yerusalemu.
3
Omoruoti o Misiri agacha Yerusalemu akarusia Yehoahasi ase oboruoti, erio akabekera abanto b’ense eria ebango ye chitalanta rigana erimo chie chifeta, na etalanta eyemo y’etahabu.
4
Neko, omoruoti oyio o Misiri, akabeka Eliakimu, momura omwabo omoruoti oria arusetie, akaba omoruoti igoro ase Abayuda, na ase abanto ba Yerusalemu, na akaonchora erieta riaye, akamoroka Yehoyakimu. Neko akaira Yehoahasi, omomura omwabo Eliakimu, Misiri.
5
Yehoyakimu nigo arenge nemiaka emerongo ebere, na etano, ekero achagete kogamba, akagamba emiaka ikomi nomo, agwo Yerusalemu. Nere agakora ayare amabe ase obosio bw’Omonene, Nyasae oye.
6
Nebukadinesaro, omoruoti o Babeli, agacha akarwana nere, akamobwata akamosiba ne chingataare, akamoira Babeli.
7
Nebukadinesaro boigo akaira ebikorero binde bi’enyomba y’Omonene goika Babeli, akabibeka ase hekalu yaye agwo Babeli.
8
Bono amang’ana ande onsi Yehoyakimu akorete, na okogechia akorete, na okomocha kwanyorekanete asare, nigo arikire ase Ebuku y’Abaruoti b’Abaisraeli na ab’Abayuda, na Yehoyakini, omwana oye omomura, akaba okogamba ase ribaga riaye.
9
Yehoyakini nigo arenge nemiaka etano na etato ekero achagete kogamba; akagamba emetienyi etato na amatuko ikomi, agwo Yerusalemu. Nere agakora ayare amabe ase obosio bw’Omonene.
10
Ekero ki’ogoseboka kw’ebimeri, Nebukadinesaro omoruoti agatoma abanto bakamoira Babeli; akaira nebikorero bie rigori rinene bi’enyomba y’Omonene, erio akabeka Zedekia, omomura omwabo Yehoyakini, akaba omoruoti igoro ase Abayuda na ase abanto ba Yerusalemu.
11
Zedekia nigo arenge nemiaka emerongo ebere nomo, ekero achagete kogamba; akagamba emiaka ikomi nomo agwo Yerusalemu.
12
Nere agakora ayare amabe ase obosio bw’Omonene, Nyasae oye, ekiagera tekeetie abe omoitongo ase obosio bwa Yeremia omobani, oria okwanete aya Omonene atebete.
13
Zedekia akaanga koigwera Nebukadinesaro omoruoti, oria omoboretie gotiana ase erieta ria Nyasae. Agekora omonyabigoti bikong’u, na enkoro yaye ekaenena, tancha komoiranera Omonene, Nyasae bw’Abaisraeli.
14
Abakuani bonsi baria barenge abatang’ani babo, na abanto boigo bagasaria mono, tibaba abegenwa, bakabwatia okogechia gwonsi kw’abanto b’ebisaku, na enyomba y’Omonene eyio akorete ekaba enchenu agwo Yerusalemu, bakayekora ekaba eyetachenegeti.
15
Omonene, Nyasae bwe chisokoro chiabo, akagenderera kobatomera amang’ana ay’okobakurera goetera ase abatomwa baye, ekiagera arorerete abanto baye, na obomenyo bwaye, amabera.
16
Korende bakagenderera gochecheria abatomwa ba Nyasae, bagachaya amang’ana aye, na bagachecheria ababani baye. Ase igo endamwamu y’Omonene ekaba enene igoro ase abanto baye, na gotooreka tikwanyorekana asebare.
17
Ase ayio Omonene akarenta omoruoti bw’Abakalidayo oyobarwanetie, agaita abana babo abamura nomoro, agwo ase Hekalu yabo Enchenu, na tabete namabera ase onde bwensi, abamura gose abaiseke abekungi, ase abagotu gose abare ne chinguru. Bonsi bakabekwa ase amaboko ’omoruoti bw’Abakalidayo.
18
Ebikorero bionsi bi’enyomba ya Nyasae, ebinene na ebike, ne chinibo chionsi chiarenge ase enyomba y’Omonene na ase enyomba y’omoruoti, na ase echi’abagambi barenge amo nere, ebinto ebio bionsi akabiira Babeli.
19
Agasamba enyomba ya Nyasae na agatagora chindwaki chia Yerusalemu, agasamba ne chinyomba chionsi chi’oboruoti na agasaria ebikorero bionsi bie rigori rinene biarengeo.
20
Abanto baria batooregete bataitetwe nemioro akabang’anyia gochia Babeli, barabwo bakaba abasomba asare na ase abanto b’ororeria rwaye, goika ekero oboruoti bw’Abaayemi bwabete ne chinguru.
21
Igo ring’ana riria Omonene akwanete goetera ase Yeremia rigaikeranigwa, na ense eria nigo yatimogete. Ekero ense eria yatigarete ere amatongo, nigo yarendete Esabato, goika emiaka emerongo etano na ebere ekaera.
22
Ase omwaka bwe ritang’ani bw’okogamba gwa Koresi, omoruoti bw’Abaayemi, Omonene agaikerania ayakwanete goetera ase Yeremia. Agaseegeta na koberora omoika o Koresi, omoruoti oria, akamosukia arike ring’ana na koriraria ase chinsemo chionsi chi’oboruoti bwaye, ogoteba:
23
“Amang’ana aya naro inche Koresi, omoruoti bw’Abaayemi, ngoteba: Omonene, Nyasae o igoro, ong’eire amaruoti onsi are ase ense. Ere onchikire imoagachere enyomba aaria Yerusalemu, omochie ore ase ense y’Abayuda. Onde bwensi ore ase egati yaino, ore bw’abanto baye, tiga atiire agende aroro, na Omonene, Nyasae oye, abe amo nere.”
← Chapter 35
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36