bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
2 Chronicles 24
2 Chronicles 24
Gussi (EBIBILIA ENCHENU) 2020
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 25 →
1
Yoashi agachaka kogamba ekero arenge nemiaka etano na ebere, na akagamba emiaka emerongo ene agwo Yerusalemu. Ng’ina nigo arenge korokwa Sibia korwa Beeri‐Seba.
2
Yoashi agakora ayare amaronge ase amaiso ’Omonene ase amatuko onsi Yehoyada omokuani arenge moyo.
3
Yehoyada akamonyuomeria abakungu babere, na barabwo bakamoiborera abana, abamura na abaiseke.
4
Nyuma y’ayio Yoashi akagania koroisia enyomba y’Omonene.
5
Agasangereria abakuani na Abalawi, akabatebia, “Kera omwaka, genda ase emechie y’Abayuda, mosangererie chibesa korwa ase Abaisraeli bonsi, chibe ase okoroiseria enyomba ya Nyasae oino; mokore ayio ase obwango.” Korende Abalawi tibakorete ring’ana erio ase obwango.
6
Omoruoti akarangeria Yehoyada, omokuani oria omonene, akamoboria, “Nase ki otaratebia Abalawi barente korwa ase Abayuda na abanto ba Yerusalemu ebango yachigetwe na Musa, omosomba bw’Omonene, eyio omosangererekano ogwenerete korenta ase Eema y’Oborori?”
7
Abana abamura b’Atalia, omokungu oria orenge gokora amabe amange, konya babochoire enyomba ya Nyasae basoire ime; boigo ebinto biatananeretwe ase enyomba y’Omonene, babibekire ase chinyasae chiria Baali.
8
Ase ayio buna omoruoti achigete, esanduku ekaroisigwa ekabekwa isiko ase egeita ki’enyomba y’Omonene.
9
Abayuda na abanto ba Yerusalemu bakararerigwa barente ase Omonene ebango eria Musa, omosomba o Nyasae, abekerete Abaisraeli agwo ase erooro.
10
Abatang’ani b’abanto, amo nabanto bonsi, bakabeka chibesa chiabo ime ase esanduku eria bare nomogoko, goika ebango yonsi ekarentwa.
11
Engaki ende yonsi esanduku eria yare korentwa n’Abalawi ase abanto baria omoruoti achorete, na ekero barabwo baare korora ng’a chibesa chiabeire chinyinge, omoriki bw’omoruoti na omosomba bw’omokuani omonene nigo baare gocha barusia chibesa echio. Nyuma y’ayio bairania esanduku eria aase aye. Bakaba bagokora igo rituko ase rituko bagasangereria chibesa chinyinge.
12
Omoruoti na Yehoyada bakaa abatenenerete emeremo y’enyomba y’Omonene chibesa chiria, na abwo bakarika abaagacheri amagena na abasenia be chibao baroiserie enyomba y’Omonene ase yatagogete; boigo bakarika abakori emeremo b’ebioma na ab’etaai baroisie enyomba eyio.
13
Baria babegetwe gokora emeremo, bagakora omokia, na emeremo ekagenderera buya goika enyomba eria ekaroisigwa, ekaba buna enyia, naende enkong’u.
14
Ekero emeremo eria yaerete chibesa chiria chiatigarete chikarentwa ase omoruoti na Yehoyada. Korwa ase chibesa echio chie chifeta na echie chitahabu ebikorero bi’enyomba y’Omonene bikaroisigwa, ebitaabo na ebinto binde bigokorerwa ase omosangererekano, na ebi’ebing’wanso bi’ogosambwa, na ebi’ogosambera ubani. Abanto bakaba bakorua ebing’wanso bi’ogosambwa ase enyomba y’Omonene kogenderera botambe ase obogima bwonsi bwa Yehoyada.
15
Yehoyada akaba omogotu mono, agakwa ekero akoorire emiaka rigana erimo, na emerongo etato.
16
Abanto bakamotindeka agwo ase Omochie o Daudi, aase abaruoti barenge gotindekwa, ekiagera nigo akorete ayare amaya ase Abaisraeli, na ase Nyasae, na ase enyomba ya Nyasae.
17
Nyuma Yehoyada gakure, abanene b’Abayuda bakagenda ase omoruoti bakoorokia amasikani asare, na omoruoti akabategerera.
18
Abanto bagatiga enyomba y’Omonene, na Nyasae bwe chisokoro chiabo, bagakorera emete y’Asera, enyasae yabo enkungu, na emegwekano ende y’ogosasimwa. Ase ayio endamwamu y’Omonene egacha igoro ase Abayuda na abanto ba Yerusalemu ase engencho y’okomocha kwabo.
19
Korende nonya naboigo, Omonene agatoma ababani ase egati yabo, erinde babairanie asare; aba bakaba bakobakurera korende abanto tibabaigwerete.
20
Omoika o Nyasae ogacha igoro ase Zakaria, mosinto o Yehoyada omokuani. Ere agatenena ase egati y’abanto, akabatebia, “Aya naro Nyasae agokwana: Nase ki mogosaria amachiko ’Omonene? Timokonyara gosesenigwa. Ekiagera inwe mwamotigire Omonene, nere obatigire inwe.”
21
Korende bagakora omoroberio bw’okomoita, na ase ogochika kw’omoruoti bakamoaka amagena ase eraaro y’enyomba y’Omonene goika agakwa.
22
Yoashi omoruoti tainyorete obuya obo Yehoyada, ise Zakaria, konya amokoreire, korende agaita omwana oye. Ekero Zakaria arenge gokwa agateba, “Tiga Omonene arore aya na arusie egesiomba.”
23
Ase omoerio bw’omwaka abarwani esegi b’Abasiiria bagacha korwania Yoashi. Bagacha ase Abayuda na ase abanto ba Yerusalemu, bagaita abanene bonsi b’abanto abwo. Na ebisakorwa bionsi basakorete bakairera omoruoti o Damesiki.
24
Abasiiria nigo bachete nabarwani abake mono, korende Omonene akabeka abarwani abange mono ase amaboko abo, ekiagera Abayuda konya batigire Omonene, Nyasae bwe chisokoro chiabo. Igo Yoashi akaegwa egesusuro.
25
Abasiiria bakagenda bagatiga Yoashi ore oakirwe chingoma chimbe. Korende abasomba baye bagakora omoroberio bw’okomoita, ekiagera aiterete amanyinga ’omwana o Yehoyada omokuani; bakagenda bakamoitera borere bwaye, agakwa; na abanto bakamotindeka ase Omochie o Daudi, korende tibamotindegete ase chimbeera chi’abaruoti.
26
Abamoitete nabwo aba: Sabadi, omomura o Simeati, omokungu bw’Abaamoni, na Yehosabadi, omomura o Simiriti, omokungu bw’Abamoabu.
27
Amang’ana igoro y’abamura ba Yoashi na amang’ana akwanetwe igoro yaye, na buna aroisetie enyomba ya Nyasae, nigo arikire ase Ogotebereria kw’Ebuku y’Abaruoti. Amasia, omomura oye, akaba okogamba ase ribaga riaye.
← Chapter 23
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 22
Chapter 23
Chapter 24
Chapter 25
Chapter 26
Chapter 27
Chapter 28
Chapter 29
Chapter 30
Chapter 31
Chapter 32
Chapter 33
Chapter 34
Chapter 35
Chapter 36
Chapter 25 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36