bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
Judges 14
Judges 14
Gussi (EBIBILIA ENCHENU) 2020
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 15 →
1
Samison agatirimboka gochia Timuna, na aroro agwo akarora omoiseke oyomo bw’Abafilisti.
2
Erio akairana nka, akamotebia ise na ng’ina, “Narora omoiseke oyomo Omofilisti agwo Timuna bono monyorere oria, imonyuome abe mokane.”
3
Korende ise na ng’ina bakamoboria, “Inee! Moiseke tari, nonya noyomo, ase abanto b’egesaku giaito, gose ase eamate yaito yonsi? Nase ki okogenda konyuoma omokungu korwa ase Abafilisti abwo batarogeti?” Korende Samison akairaneria ise, “Monyorere ere oyio, ekiagera ere ongweneire.”
4
Abaibori baye tibamanyete ng’a omoroberio oyio igo orure ase Omonene. Ere nigo are korigia enchera yare kogera arwanie Abafilisti. Ase engaki eria Abafilisti nigo barenge kogambera Abaisraeli.
5
Erio Samison agatirimboka amo na ise na ng’ina gochia Timuna. Ekero baigete ase emegondo y’emesabibu agwo Timuna, endo ensae ekamochera ekoruma.
6
Omoika bw’Omonene ogacha igoro ya Samison, okamobeka chinguru goika agatandora endo eria buna nemanwa y’embori yarenge, nonya tarenge nekerwanero kende gionsi maboko aye. Korende tatebetie abaibori eki akorete.
7
Samison akagenda agakwana nomoiseke oria, nere akamogokia mono.
8
Nyuma y’engaki enke akairana gochia komwoyia, akagobera enchera ensemo gochia korora ribego ri’endo eria, akanyora omwereri bwe chinchoke chibwate obooke ime ye ribego riria.
9
Akarusia obooke boria, akaboimokia, akaba okoboria ekero are kogenda. Akagenda ase ise na ng’ina akabaa obooke, nabarabwo bakaria. Korende Samison tabatebetie ng’a nigo aborusetie ase ribego ri’endo.
10
Ise Samison akagenda gochia korora omoiseke oria, na Samison agakora omoyega aroro aaria. Nabo yarenge engencho y’abamura gokora.
11
Ekero abanto bamoroche, bakarangeria abagisangio emerongo etato koba amo nere.
12
Samison akabatebia, “Tiga mbatebie omobayeno, na inwe montebie engencho yaye. Moise gontebia engencho yaye ase engaki y’amatuko atano na abere ay’omoyega oyo, nigo ndabae chianga chi’egatani, ne chianga chinde chi’omoyega emerongo etato.
13
Korende onye timogontebia engencho yaye, erio inwe namong’e chianga chi’egatani emerongo etato, ne chianga chinde chi’omoyega emerongo etato.” Barabwo bakamotebia, “Kwana omobayeno oo, toyoigwe!”
14
Samison akabatebia, “Korwa ase eyekoria, endagera y’okoria ekarwao, na korwa ase eyere ne chinguru, egento egiansu gekarwao.” Na ase amatuko atato tibanyara komotebia engencho y’omobayeno oria.
15
Ase rituko ria kane bagatebia moga Samison, “Ebereria omosacha oo atotebie engencho y’omobayeno oyo. Onye taibo, rirorio nigo tokogosamba nomorero, tosambe nenyomba ya iso boigo. Inee! Inwe nigo mwatorangeretie gocha aa, erinde motourererie ebinto biaito, tobe abataka?”
16
Moga Samison akagenda asare, akarera akamotebia, “Aye nigo ongechete, tonyancheti, ogatebia abanto baminto omobayeno, korende tontebeti inche engencho y’omobayeno oria.” Samison akamotebia, “Rora, tindatebia tata, gose baba, engencho y’omobayeno oria, naki ndakore ngotebie aye?”
17
Omokungu oria akana‐kogenderera korera asare ase amatuko aria atano na abere omoyega ogendererete. Ase rituko ria gatano na kabere Samison akamotebia engencho y’omobayeno oria, ekiagera omokungu oria amobetereretie bokong’u. Erio omokungu oria agatebia abanto baria ba sobo engencho yaye.
18
Ase rituko ria gatano na kabere, ritang’ani erioba ritaragwa, abanto b’omochie oria bagatebia Samison, “Ninki kere egiansu kobua obooke? Ninki kere ne chinguru kobua endo?” Samison akabairaneria, “Onye motaremete ne ritororo riane, timware konyara komanya engencho y’omobayeno one.”
19
Na omoika bw’Omonene ogacha igoro ya Samison, okamobeka chinguru, na ere agatirimboka gochia Asikeloni, agaita abasacha b’omochie emerongo etato, agasakora ebinto biabo, akaira ne chianga chiabo chi’omoyega, akaa abanto baria batebete engencho y’omobayeno oria. Nyuma y’ayio akairana gochia ase ise ore nekeririanda ekenene.
20
Erio moga Samison akaegwa omonto oria orenge omong’wansi o Samison, akaba mokaye.
← Chapter 13
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 15 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21