bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
Judges 4
Judges 4
Gussi (EBIBILIA ENCHENU) 2020
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 5 →
1
Ekero Ehudi akure, Abaisraeli bagakora ebibe ase obosio bw’Omonene naende.
2
Ase igo Omonene akabatiga bakabugwa na Yabini, omoruoti o Kanani, oyorenge kogambera omochie o Hasori. Omotang’ani bw’emeganda yaye y’esegi nigo are korokwa Sisera. Ere nigo amenyete Haroseti, omochie bw’Ebisaku.
3
Yabini nigo abwate chigari chi’ebioma amagana kianda. Ere agachanda Abaisraeli mono ase obotindi obonene ase engaki y’emiaka emerongo ebere, na Abaisraeli bakarera ase Omonene abakonye.
4
Ase engaki eria omobani Debora, moka Lapidoti, nigo arenge omogambi bw’Abaisraeli.
5
Ere nigo anarete goikaransa inse y’omote orenge korokwa Omokendo o Debora, egati ya Rama na Beteli, ase ense y’ebitunwa y’Efraimu, na Abaisraeli nigo banarete gocha asare abagayane.
6
Rituko erimo akarangeria Baraki, mosinto bw’Abinoamu, korwa ase omochie o Kedesi bw’ense ya Nafutali, akamotebia, “Aya naro Omonene, Nyasae bw’Abaisraeli, agochikire: Genda ochore abanto chilifu ikomi korwa ase egesaku kia Nafutali na egia Sabuloni, obaire gochia ase egetunwa gia Tabori.
7
Inche ning’use Sisera, omotang’ani bw’emeganda y’esegi, amo ne chigari chiaye na emeganda yaye, gocha asore, ase orooche rwa Kisoni, na aroro nimobeke ase amaboko ao.”
8
Baraki akairaneria Debora, “Aye koragende amo nainche, rirorio ningende, korende otagendeti amo nainche, tinkogenda.”
9
Debora akamoiraneria, “Goika ngende amo naye, korende orogendo oro tirogokorentera ogotogigwa, ekiagera Omonene nigo agochia gotiga Sisera agwe ase amaboko ’omokungu.” Erio Debora akaimoka akagenda amo na Baraki, bagaika Kedesi.
10
Na Baraki akarangeria abanto ba Nafutali na aba Saluboni bache Kedesi, na abanto chilifu ikomi bagatiira amo na Baraki, na Debora akagenda nere.
11
Bono Heberi Omokeni agatenenia eema yaye ang’e nomote oria onga buna omotontera ase Sananimu, ang’e na Kedesi. Ere konya bweatananire korwa ase Abakeni bande. Abakeni nigo barenge ab’ororeria rwa Hobabu, mokoyoye Musa.
12
Sisera agatebigwa ng’a Baraki, mosinto bw’Abinoamu, otiirire gochia ase egetunwa gia Tabori.
13
Erio agasangereria chigari chiaye amagana kianda, amo nabarwani baye bonsi, korwa ase Haroseti, omochie bw’Ebisaku, gochia ase orooche rwa Kisoni.
14
Erio Debora agatebia Baraki, “Imoka, ogende! Rituko ria rero nario Omonene abekire Sisera ase amaboko ao. Omonene ogotang’aneire gochia korwana esegi.” Baraki agatirimboka korwa ase egetunwa gia Tabori amo nabanto chilifu ikomi baare komotunyana.
15
Omonene akaondokia na gotantania Sisera amo ne chigari chiaye na omoganda bwonsi bw’abarwani. Erio abarwani abwo bagatama korwa ase omoro o Baraki, na Sisera omonyene agaika korwa ase egari yaye, agatama namagoro.
16
Baraki akabwatia chigari na omoganda bw’abarwani goika Haroseti, omochie bw’ebisaku, na omoganda bwonsi bw’abarwani o Sisera ogaitwa. Monto onde tatigarete ore moyo, nonya noyomo.
17
Sisera akaminyoka, agatamera eema ya Yaeli, moka Heberi Omokeni, ekiagera ase engaki eria Yabini, omoruoti o Hasori, na eamate ya Heberi Omokeni nigo barenge abasani.
18
Yaeli agasoka korotota Sisera, akamotebia, “Omonene one, gobera gocha aa, soa ime aa, toba nobwoba!” Erio Sisera agasoa ase eema ya Yaeli, na Yaeli akamobisia egetambaa.
19
Sisera agatebia Yaeli, “Ing’a amache inywe! Igo inde nerang’o.” Omokungu oria agakunora ekerandi gekorire korwa ase amasankwa, kiare namabeere, akamoa, na ere akanywa. Nyuma y’ayio Yaeli akamobisia naende.
20
Sisera agatebia Yaeli, “Tenena ase egesoero ki’eema, na omonto onde bwensi orache akoborie: Onde nare ime aa? Aye okane, otebe: Yaya, onde taiyo.”
21
Sisera konya orosire mono, akarara chitoro chindito. Erio Yaeli, moka Heberi, akaimokia ekerochi ki’eema na ekegogi agachoba ng’ora ng’ora gochia ase Sisera, akamoaka ekerochi keria korwa chintakunero goetera ase omotwe gochia inse ase riroba, na ere agakwa.
22
Engaki eria Baraki agacha, okobwatia Sisera, na Yaeli agasoka komorotota, akamotebia, “Inchuo, nkworokie omonto oria okorigia.” Agasoa amo na Yaeli, akanyora Sisera orambereretie inse, okwete, na ekerochi kere ase chintakunero chiaye ime.
23
Ase rituko riria Nyasae akaa Abaisraeli chinguru bakabua Yabini, omoruoti o Kanani.
24
Na Abaisraeli bakaengera Yabini, omoruoti o Kanani goika bakamosiria kegima.
← Chapter 3
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 5 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21