bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
Judges 18
Judges 18
Gussi (EBIBILIA ENCHENU) 2020
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 19 →
1
Ase amatuko aria omoruoti tarenge ase Abaisraeli; na ase engaki eria abanto b’egesaku kia Dani nigo barenge kwerigeria orogongo ase baranyare komenya, ekiagera goika ase engaki eria konya tibaranyora omwando ase egati y’ebisaku binde bi’Abaisraeli.
2
Ase ayio abanto ba Dani bagachora korwa ase chiamate chiabo abarwani batano, korwa ase omochie o Sora, na obw’Esitaoli, bakabatoma bagende koroota ense, na koyerata. Ekero abanto baria chirooti baigete ase ense y’ebitunwa y’Efraimu bakagenda ase enyomba ya Mika, bakarara aroro.
3
Ekero barenge nyomba mwa Mika, bakaigwa na komanya eriogi ri’omosae oria Omolawi, bakamoira ensemo, bakamoboria, “Ning’o okorenta aiga? Ngento ki ogokora aa? Emeremo yao nereri?”
4
Ere akabairaneria, “Aya naro Mika ankoreire: Nigo andigete, akong’a eng’eria, na inche nigo inde omokuani oye.”
5
Abanto baria bakamotebia, “Koranche, oborie Nyasae, erinde tomanye orogendo oro rwaito twachakire gose noruya rorabe!”
6
Omokuani oria akabairaneria, “Genda nomorembe! Orogendo rwaino nigo rore ase oborendi bw’Omonene.”
7
Erio abanto baria batano bakarua aroro, bakagenda goika omochie o Laisi. Na agwo bakarora buna abanto bamenyete bare nobogima botari nobwoba, buna abanto ba Sidoni. Nigo barenge abanto abatoereru na ab’omorembe, bataremeiri gento korwa ase riroba. Nigo bamenyete are korwa ase Abasidoni, naende tibarenge gosanga nabanto bande.
8
Ekero abanto baria batano bairanete ase abamwabo agwo Sora na Esitaoli, barabwo bakababoria, “Mang’ana ki mwanyora?”
9
Bakairaneria, “Imoka, togende korwania abanto baria, ekiagera ntwarora ense eria, ng’a nengiya mono. Inaki mogoikaransa aa bosa? Timobaisa gotebana kogenda aroro na koira ense eria.
10
Ekero moragende aroro nigo moranyore abanto tibebegeti ang’e korwana, na ense eria nengare. Ee, Nyasae obekire ense eria ase amaboko aino. Ense eria teremeiri gento kende gionsi gekorwa ase riroba.”
11
Abanto amagana atano na rimo b’egesaku kia Dani, babogoretie ebirwanero, bakaimoka korwa Sora na Esitaoli, bagatiira,
12
bagatoora bosongo ya Kiriati‐Yearimu, ase ense ya Yuda. Ase engencho eyio aase aria akarokwa Egetwori kia Dani, naboigo akorokwa nonya ngoika rero iga.
13
Korwa aroro bakagenda gochia ase ense y’ebitunwa y’Efraimu, bagaika ase enyomba ya Mika.
14
Erio abanto baria batano bagendete koroota ense yaetanaine Laisi, bakaboria abanto barenge komo, “Inee! Momanyete ng’a ase enyomba eyemo ase echio nkereo egesibao ki’obokuani? Naende ebinyasae bi’ogosasimwa mbireo, amo nomogwekano obaachire, na oyo onyititoire na kobombwa. Ase ayio rengereria aya mogochia gokora.”
15
Barabwo bakagenda ase enyomba eria omosae oria Omolawi amenyete ase enka ya Mika, bakamoboria amang’ana aye buna agendererete.
16
Abanto baria amagana atano na rimo, Abadani, babogoretie ebirwanero bi’esegi, bebegete ang’e, bagatenena ase egeita.
17
Abanto baria batano, abarootete ense eria ritang’ani, bagasoa enyomba eria, bakaimokia omogwekano oria obaachire, na egesibao keria ki’obokuani, na ebinyasae biria, na omogwekano oria onyititoire na kobombwa, na omokuani oria agatenena ase egeita amo nabanto baria amagana atano na rimo babogoretie ebirwanero bi’esegi.
18
Ekero abanto baria batano basoete nyomba mwa Mika na korusia omogwekano oria obaachire, na egesibao keria ki’obokuani, na ebinyasae biria, na omogwekano oria onyititoire na kobombwa, omokuani oria akababoria, “Inki eke mogokora?”
19
Barabwo bakamotebia, “Kirakiri! Tokwana nonya ne ring’ana erimo! Inchuo amo naintwe, obe asetore buna tata, obe omokuani oito! Inee! Inki kere buya kobua asore, koba omokuani ase enyomba y’omonto oyomo, gose ase egesaku ekegima ki’Abaisraeli?”
20
Amang’ana aya akagokia omokuani oria mono; ere akaimoka akabogoria egesibao keria ki’obokuani, na ebinyasae biria, na omogwekano oria obaachire, akagenda amo nabanto baria.
21
Abadani bakeonchora, bagachaka kogenda, bagatang’ania abana, ne chitugo, amo ne chinibo chiabo.
22
Ekero bagendire egeka getari geke korwa ase enka ya Mika, bagaikeerwa nabagisangio ba Mika abarangeretigwe kobabwatia.
23
Abanto ba Mika bagaaka amariogi na gokuura. Abadani bakeonchora, bakaboria Mika, “Ninki gekogochanda goika ogotobwatia nomoganda ogokuura buna iga?”
24
Mika akabairaneria, “Mwairire ebinyasae biane neroiseretie, na omokuani one mwamoirire. Ngento ki natigaire nakio? Naki rende moranyare komboria: Ninki gekogochanda?”
25
Abadani bakamoiraneria “Tobaisa gokwana nonya ne ring’ana erimo naintwe. Abanto aba mbabaise koba nendamwamu na kogoita, aye amo nabanto bao bonsi mosire, mokwe.”
26
Erio Abadani bakagenderera orogendo rwabo, na ekero Mika aroche ng’a abanto baria nigo barenge ne chinguru komobua, akeonchora akairana nka bwoye.
27
Ekero Abadani bairete ebinyasae biria Mika aroisetie, amo nomokuani oye, bakagenda koumokera abanto ba Laisi, abanto baria bamenyete ase obotoereru batare na bwoba bonde, bakabaita nemioro, na omochie obo bakayosamba nomorero.
28
Onde tachete kobatooria, ekiagera Laisi orenge aare korwa Sidoni, naende abanto ba Laisi tibarenge gosanga nabanto bande. Omochie oria nigo orenge ase rikura riare ang’e na Beti‐Rehobu. Abanto ba Dani bakaagacha omochie o Laisi naende, bakamenyao.
29
Bakaroka omochie oyio Dani, erieta ria Dani sokoro yabo, mosinto o Israeli.
30
Aroro Abadani bageteneneria omogwekano oria bw’ogosasimwa. Yonathani, mosinto o Gerisomu o Musa, nere orenge omokuani ase Abadani, na abana baye abamura bakaba abakuani babo goika engaki y’ogwoswa kwabo.
31
Barabwo bagatenenia omogwekano oria bw’ogosasimwa obaachire, oria Mika aroisetie, na omogwekano oria okabeera aroro ase engaki yonsi obomenyo bwa Nyasae bwatenenete agwo Silo.
← Chapter 17
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 19 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21