bible
ra
🌐 Language
English
Español
Français
Deutsch
Português
Italiano
Nederlands
Русский
中文
日本語
한국어
العربية
Türkçe
Tiếng Việt
ไทย
Indonesia
All Languages
Home
/
Gussi
/
Gussi (EBIBILIA ENCHENU) 2020
/
Judges 8
Judges 8
Gussi (EBIBILIA ENCHENU) 2020
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 9 →
1
Abanto b’Efraimu bakaboria Gidioni, “Nase ki otatorangeretie ekero kwagendete korwania Abamidiani? Inki eke gwatokoreire?” Naende bakamwomania, bare nobotindi obonge mono.
2
Ere akabairaneria, “Ngento ki nakorire inche kegwekaine eki mwakorire inwe? Inee! Ogochora kw’amasabibu amatigari kw’Abaefraimu tikori okuya kobua rigesa ri’emesabibu nabanto b’Abieseri?
3
Nyasae obekire Orebu na Seebu, abagambi b’Abamidiani, ase amaboko aino. Inche ngento ki nakorire kegwekaine eki mwakorire inwe?” Ekero baigwete aya Gidioni akwanete, endamwamu yabo y’okomobea egakenda.
4
Bono Gidioni amo nabanto baye amagana atato bagacha Yorodan, bakaamboka. Nonya konya bagoyire, bakagenderera kobwatia ababisa babo.
5
Gidioni agatebia abanto ba Sukoti, “Komoranche moe abanto aba bagontunyana emegati. Barabwo bagoyire, nainche nkobwatia inde Seba na Salimuna, abaruoti b’Abamidiani, mbarwanie.”
6
Korende abatang’ani ba Sukoti bagateba, “Naki rende torakore tobae abarwani bao emegati? Naye torabua Seba na Salimuna.”
7
Gidioni akairaneria, “Ekero Omonene arabeke Seba na Salimuna ase amaboko aane, ning’arie chinyama chi’emebere yaino namagwa ’orosana na amageri.”
8
Erio Gidioni agatiga Sukoti, akagenda gochia Penueli na agwo akaboria abanto amang’ana aria aria, korende abanto ba Penueli bakamoiraneria buna abanto ba Sukoti bamoiraneretie.
9
Ase igo akabatebia, “Ekero ndachiche naende inde nobobui, nintagore omorobiri oyo.”
10
Bono Seba na Salimuna nigo barenge agwo Karikori amo nabarwani babo chilifu ikomi na isano. Ase abarwani ba moocha nabwo boka batigarete. Abarwani chilifu rigana erimo, na emerongo ebere, abarwanete nemioro, konya baitirwe.
11
Gidioni agatiirera enchera abagendi banarete goeta, moocha ya Noba na Yogibea, akaumokera omoganda bw’abarwani ekero orenge nobotoereru.
12
Seba na Salimuna, abaruoti baria babere b’Abamidiani, bagatama, korende Gidioni akababwatia akababwata. Erio akagosa abarwani bonsi na kobaserebania.
13
Ekero Gidioni, mosinto o Yoashi, airanete korwa ase esegi agaetera ebitirimboko bia Heresi,
14
akabwata omomura omosae oyomo o Sukoti, akamobora‐boria amang’ana, akamotebia amorikere amarieta ’abanto abanene, na abagaaka ba Sukoti, emerongo etano na ebere, na batano na babere.
15
Erio Gidioni akagenda ase abanto ba Sukoti, akabatebia, “Rora aiga Seba na Salimuna, baria inwe mwanyomaneretie mogoteba iga: Torabua Seba na Salimuna. Naki rende torakore toe abarwani bao, abwo bagoyire, emegati!”
16
Akaimokia amagwa ’orosana na amageri akabaaria abagaaka b’omochie oria.
17
Erio agatagora omorobiri agwo Penueli, na agaita abasacha b’omochie oria.
18
Erio Gidioni akaboria Seba na Salimuna, “Inee! Abanto baria mwaitete agwo Tabori, nkieni ki barenge?” Bakamoiraneria, “Kera oyomo obo nigo akogwekaine. Nigo barorekanete buna bare abana b’omoruoti.”
19
Gidioni akabatebia, “Baria nigo barenge bamura baminto, abamura ba baba. Amaene, buna Omonene are moyo, onye mwabatigete babe moyo, inche nanga tinabaita inwe!”
20
Naende agatebia Yeteri, omwana oye omomura omotangi, “Imoka, obaite!” Korende omwana oyio tang’usa omoyio oye o birende, ekiagera nigo arenge omosae omoke.
21
Erio Seba na Salimuna bagatebia Gidioni, “Imoka aye omonyene, otoite, ekiagera buna omonto are, naboigo ne chinguru chiaye chire.” Ere akaimoka, agaita Seba na Salimuna; akarusia chisonoi chi’ogwechabera chiarenge ase amagoti e chingamia chiabo.
22
Nyuma y’ayio Abaisraeli bagatebia Gidioni, “Gwatotooririe korwa ase amaboko ’Abamidiani; ase ayio kabe omogambi oito; na nyuma yao omwana oo na omochokoro oo nabatogambere.”
23
Gidioni akabairaneria, “Inche tinkobagambera, gose omwana one takobagambera; Omonene nere orabagambere.”
24
Naende akabatebia, “Nkobasaba nde egento ekemo: Kera omonto asemore ang’e ebigera bire ase amato aye, biria asakorete.” (Abamidiani nigo babegete ebigera bie chitahabu, ekiagera n’Abaisumaeli barenge.)
25
Barabwo bakamoiraneria, “Twanchire gokobia.” Erio bakaara egetambaa inse, na ase egetambaa ekio kera oyomo akabeka ebigera biaye bi’amato ebisakorete.
26
Oborito bw’e bigera biria asabete aegwe nigo bwarenge koreng’ana chikiro emerongo ebere. Amo nebio akaira chisonoi, na ebigera, ne chianga chimonyinga, ebinto abaruoti b’Abamidiani barenge kobeka, amo ne chisonoi chiria chiarenge ase amagoti e chingamia chiabo.
27
Gidioni akaroisia egesibao ki’obokuani korwa ase chitahabu chiria, agakebeka ase omochie oye Ofura; na Abaisraeli bonsi bagatiga koba abegenwa ase Omonene, bagasasima egesibao keria. Kerokio gekaba kegotega Gidioni amo neamate yaye.
28
Nabo Abamidiani babuetwe n’Abaisraeli, na tibanyara koimoka gokora kende. Na bono ense eria ekaba nobotoereru ase engaki y’emiaka emerongo ene, goika Gidioni agakwa.
29
Yerubi‐Baali, mosinto o Yoashi, akairana nka, akamenya ase enyomba yaye omonyene.
30
Gidioni oyio nigo abwate abana abamura emerongo etano na ebere, ekiagera nigo abwate abakungu abange.
31
Naboigo nabwate omokungu o sere‐sere, oyomenyete Sekemu; nere akamoiborera omwana omomura, na Gidioni akamoroka Abimeleki.
32
Gidioni, mosinto o Yoashi, agakwa ore nobogotu obuya, agatindekwa ase embeera ya Yoashi ise yarenge agwo Ofura, omochie bw’egesaku ki’Abieseri.
33
Nyuma y’ogokwa kwa Gidioni, Abaisraeli bagatiga koba abegenwa ase Omonene, na bagasasima chinyasae chiria Baali. Bagachora Baali‐Beriti ekaba enyasae yabo,
34
bakeba Omonene, Nyasae obo, oyobatooretie korwa ase amaboko ’ababisa babo babaetanaine.
35
Tibakorerete abanto b’eamate ya Yerubi‐Baali (nere Gidioni) amaya, ase okoiraneria ng’a mbuya mono ase amaya onsi akorerete Abaisraeli.
← Chapter 7
Jump to:
Chapter 1
Chapter 2
Chapter 3
Chapter 4
Chapter 5
Chapter 6
Chapter 7
Chapter 8
Chapter 9
Chapter 10
Chapter 11
Chapter 12
Chapter 13
Chapter 14
Chapter 15
Chapter 16
Chapter 17
Chapter 18
Chapter 19
Chapter 20
Chapter 21
Chapter 9 →
All chapters:
1
2
3
4
5
6
7
8
9
10
11
12
13
14
15
16
17
18
19
20
21