1 Corinthians 1

Hausa Arabic 2020 (أَتَّوْرَتْ دَ أَنَّبَاوَا)

Jump to: Chapter 2 →

1دَغَ بُلُسْ، وَنْدَ عَكَ كِرَا يَذَمَ مَنْذُواْ نَ عِيسَىٰ أَلْمَسِيحُ بِسَغَ نُڢِنْ اللَّهْ دَ كُمَ طَنْعُوَنْمُ سَسْتَنِسْ،

2ذُوَاغَ جَمَعَرْ مَاسُبِنْ اللَّهْ وَدَّ تَكٜىٰ أَ كُواْرِنْتِ، ذُوَاغَ وَطَنْدَ عَكَ كٜىٰٻٜىٰسُ دَ ڟَرْكِے ثِكِنْ أَلْمَسِيحُ عِيسَىٰ ، ذُوَا كُمَ غَ وَطَنْدَ عَكَ كِرَا سُذَمَ ڟَرْكَكَا ثِكِنْ عِيسَىٰ أَلْمَسِيحُ ، تَرٜىٰدَ دُكَنْ وَطَنْدَ عَكُواْعِنَ سُكٜىٰ أَدُّعَ دَ سُونَنْ عِيسَىٰ أَلْمَسِيحُ عُبَنْ‌غِجِنْمُ ، عُبَنْ‌غِجِنْسُ دَ نَامُ دُكَ؞

3أَلْحٜىٰرِ دَ سَلَمَ دَغَ اللَّهْ عُبَنْمُ دَ عُبَنْ‌غِجِ عِيسَىٰ أَلْمَسِيحُ سُكَسَنْثٜىٰ تَرٜىٰدَكُو؞

4إِنَ غُواْدٜىٰ وَ اللَّهْ كُواْيَوْشٜىٰ دُواْمِنْكُ، سَبُواْدَ أَلْحٜىٰرِنْدَ يَبَاكُ تَوُرِنْ أَلْمَسِيحُ عِيسَىٰ ؞

5غَمَا تَكُواْوَثٜىٰ حَنْيَ عَكَيِ مُكُ أَرْزِڧِ عَثِكِنْسَ، وَجٜىٰنْ يِنْ مَغَنَ دَ عِلِمِ دُكَ،

6كَمَرْ يَدَّ عَكَ تَبَّتَرْ دَ شَيْدَرْمُ غَمٜىٰدَ أَلْمَسِيحُ عَثِكِنْكُ؞

7سَبُواْدَ حَكَ بَكُ كَاسَ سَامُنْ كُواْوَثٜىٰ إِرِنْ بَيْوَرْ رُوحَنِيَ بَ، يَايِنْ دَ كُكٜىٰ ظُبَ عِدُواْ كُنَ جِضَانْ دَاوُاْوَرْ عُبَنْ‌غِجِنْمُ عِيسَىٰ أَلْمَسِيحُ ؞

8عُبَنْ‌غِجِنْمُ ذَيْ كُمَ ڧَرْڢَڢَاكُ حَرْ ذُوَا ڧَرْشٜىٰ، دُواْمِنْ كُكَسَنْثٜىٰ مَرَسَ لَيْڢِے أَ رَانَرْ دَ عُبَنْ‌غِجِنْمُ عِيسَىٰ أَلْمَسِيحُ ذَيْ دَاوُاْ؞

9اللَّهْ مَيْ ثِكَ أَلْڧَوَرِ نٜىٰ، شِينٜىٰ كُمَ يَكِرَاكُ كُيِ زُمُنْثِ تَرٜىٰدَ طَنْسَ عِيسَىٰ أَلْمَسِيحُ عُبَنْ‌غِجِنْمُ ؞

10إِنَ ضُواْڧُوانْكُ، یَنْعُوَ، سَبُواْدَ سُونَنْ عُبَنْ‌غِجِنْمُ عِيسَىٰ أَلْمَسِيحُ ثٜىٰوَ بَرِ بَاكِنْكُ يَذَمَ طَيَ؞ كَدَ كُذَوْنَ أَرَبٜىٰ، سَيْدَيْ كُهَطَكَيْ، كُذَوْنَ دَ نُڢِ طَيَ، تُنَانِنْكُ كُمَ طَيَ؞

11دُوانْ كُوَ، یَنْعُوَنَ، مُتَنٜىٰنْ غِدَنْ كُلُوِ سُنْ غَيَ مِنِ ثٜىٰوَ كُنَ ڢَطَ دَ جُونَنْكُ؞

12أَبِنْ دَ نَكٜىٰ نُڢِ شِينٜىٰ، كُواْوَنّٜىٰنْكُ يَنَ ڢَطِنْ أَبُ دَبَمْ، وَنِ يَنَ ثٜىٰوَ «نِے نَ بُلُسْ نٜىٰ،» وَنِ يَنَ ثٜىٰوَ «نِے نَ أَڢُواْلُّواسْ نٜىٰ،» وَنِ يَنَ ثٜىٰوَ «نِے نَ كٜىٰڢَسْ نٜىٰ،» وَنِ كُمَ يَنَ ثٜىٰوَ «نِے نَ أَلْمَسِيحُ نٜىٰ؞»

13أَشٜىٰ، أَنْرَبَ أَلْمَسِيحُ كَشِ كَشِنٜىٰ؟ بُلُسْ نٜىٰ يَمُتُ أَغِثِّيٜىٰ دُواْمِنْكُ؟ كُواْ كُوَ أَنْيِ مُكُ بَڢْتِسْمَ دَ سُونَنْ بُلُسْ نٜىٰ؟

14نَاغُواْدٜىٰ وَ اللَّهْ بَنْيِ وَوَنِنْكُ بَڢْتِسْمَ بَ سَيْ كِرِسْبُسْ دَ غَايُسْ؞

15تَهَكَ بَاوَنْدَ ذَيْ عِيَ ثٜىٰوَ دَ سُونَنَ عَكَيِ مُكُ بَڢْتِسْمَ؞

16نَا كُمَ تُنَ نَايِ وَمُتَنٜىٰنْ غِدَنْ إِسْتِڢَنُسْ بَڢْتِسْمَ، عَمَّا بَنْدَ وَطَنَّنْ بَنْ سَنْ كُواْ نَيِ وَوَنِ بَڢْتِسْمَبَ؞

17أَيْ، عِيسَىٰ بَيْ عَيْكُواْنِ دُواْمِنْ إِنْيِ بَڢْتِسْمَبَ، سَيْدَيْ إِنْيِ عَيْكِنْ بَادَ لَابَرِ مَيْ دَاطِے، بَاتَرٜىٰدَ أَمْڢَانِ دَ حِكِمَرْ مُتُمْبَ، دُواْمِنْ كَدَ عَكَاسَ غَنِنْ دَرَجَرْ مُتُوَرْ عِيسَىٰ عَكَنْ غِثِّيٜىٰ؞

18غَمَا سَڧُوانْ ثٜىٰتُواْ كَمَرْ مَغَنَرْ بَنْظَثٜىٰ غَ وَطَنْدَ سُكٜىٰ حَنْيَرْ هَلَّكَ، عَمَّا أَغَرٜىٰمُ، مُو دَ عَكٜىٰ ثٜىٰتُوانْمُ، كَلْمَرْ ثٜىٰتُواْ إِيكُوانْ اللَّهْ نٜىٰ؞

19دُواْمِنْ أَنْرُبُوتَ ثِكِنْ مَغَنَرْ اللَّهْ ثٜىٰوَ «ذَنْ وُاْڢِنْتَ حِكِمَرْ مَاسُ حِكِمَ؞ ذَنْ مَيْدَ وَيُوانْ مَاسُ وَيُواْ أَبِنْ بَنْظَ؞»

20تُواْ، إِنَا مَاسُ حِكِمَ؟ إِنَا مَلَمً كُواْيَرْوَرْ مُوسَٰى؟ إِنَا وَطَنْدَ سُكٜىٰ ڟَمَّنِ سُنْ سَنْ كُواْمٜىٰ دَكُواْمٜىٰ؟ أَشٜىٰ، اللَّهْ بَيْ نُونَ ثٜىٰوَ حِكِمَرْ مَاسُ حِكِمَ تَوَنَّنْ دُونِيَا وَوَنْثِنٜىٰ بَ؟

21غَمَا بِسَغَ حِكِمَرْ اللَّهْ مُتَنٜىٰنْ دُونِيَا بَسُ سَنْ اللَّهْ تَوُرِنْ تَاسُ حِكِمَرْ بَ؞ أَ مَيْمَكُوانْ حَكَ، اللَّهْ يَذَاٻِ يَثٜىٰثٜىٰ وَطَنْدَ سُكَ بَادَ غَسْكِيَ غَرٜىٰشِ تَوُرِنْ لَابَرِ مَيْ دَاطِے وَنْدَ مُكٜىٰ شٜىٰلَرْسَ، وَنْدَ عَكٜىٰ كُمَ غَنِ كَمَرْ وَوَنْثِنٜىٰ؞

22يَهُودَاوَا سُنَ سُواْ سُغَ عَلَمَ، هٜىٰلٜىٰنَاوَا كُمَ سُنَ نٜىٰمَنْ حِكِمَ؞

23مُو كُوَ مُنَ وَعَظِنْ أَلْمَسِيحُ وَنْدَ يَمُتُ عَكَنْ غِثِّيٜىٰ نٜىٰ، أَبِنْدَ يَذَمَ دَلِيلِنْ تُنْتُٻٜىٰ غَ يَهُودَاوَا، أَبِنْ وَوَنْثِ كُمَ غَ وَطَنْدَ بَا يَهُودَاوَا بَ،

24عَمَّا أَلْمَسِيحُ شِے إِيكُوانْ اللَّهْ دَ حِكِمَرْ اللَّهْ نٜىٰ غَ وَطَنْدَ عَكَ كِرَا، كُواْ سُو يَهُودَاوَا نٜىٰ، كُواْ وَطَنْدَ بَا يَهُودَاوَا بَ؞

25دُواْمِنْ أَبِنْدَ عَكٜىٰ غَنِ كَمَرْ اللَّهْ يَيِ وَوَنْثِنٜىٰ، يَڢِ حِكِمَرْ مُتُمْ، أَبِنْدَ كُمَ عَكٜىٰ ڟَمَّنِ كَاسَوَ ثٜىٰ تَ اللَّهْ، يَڢِ دُكْ ڧَرْڢِنْ مُتُمْ؞

26یَنْعُوَ، كُتُنَ يَدَّ كُكٜىٰ لُواْكَثِنْ دَ اللَّهْ يَكِرَاكُ؞ كَطَنْ دَغَ ثِكِنْكُ نٜىٰ سُكٜىٰ دَ حِكِمَ بِسَغَ غَنِنْ مُتُمْ، كَطَنْ كُمَ دَغَ ثِكِنْكُ نٜىٰ سُكٜىٰ رِڧٜىٰ دَ بَبَّنْ مَڟَيِ، كُمَ كَطَنْ نٜىٰ سُكٜىٰ یَیَنْ مَنْيَ؞

27عَمَّا اللَّهْ يَنَ ذَاٻَرْ أَبِنْدَ مُتَنٜىٰ سُكٜىٰ ڟَمَّنِ وَوَنْثِنٜىٰ، دُواْمِنْ يَبَا مَاسُ حِكِمَ إِرِنْ تَدُونِيَا كُنْيَا؞ اللَّهْ يَنَ ذَاٻَرْ أَبِنْدَ مُتَنٜىٰ سُكٜىٰ غَنِ كَمَرْ يَكَاسَ نٜىٰ، دُواْمِنْ يَبَا مَيْ ڧَرْڢِے كُنْيَا؞

28أَبِنْ دَ مُتَنٜىٰ سُكَ طَوْكَ بَاشِ دَدَرَجَ، كُواْ بَاشِ دَ أَمْڢَانِ، كُواْ كُمَ بَكُواْمٜىٰبَنٜىٰ، شِينٜىٰ أَبِنْدَ اللَّهْ يَكٜىٰ أَمْڢَانِ دَشِ يَرُشٜىٰ أَبِنْدَ مُتَنٜىٰ سُكٜىٰغَنِ كَمَرْ يَنَدَ مُهِمَّنْثِ؞

29اللَّهْ يَيِ دُكْ وَنَّنْ دُواْمِنْ كَدَ وَنِ طَنْ أَدَمْ يَيِ تَاڧَمَ أَغَبَنْ اللَّهْ ؞

30اللَّهْ نٜىٰ يَسَا كُكَ كَسَنْثٜىٰ ثِكِنْ أَلْمَسِيحُ عِيسَىٰ ، اللَّهْ نٜىٰ كُمَ يَسَا أَلْمَسِيحُ يَذَمَ مَنَ حِكِمَ؞ تَوُرِنْسَ نٜىٰ كُمَ مُكَ سَامِ أَدَلْثِنْ اللَّهْ دَ ڟَرْكَكٜىٰوَ دَ ڢَنْسَ؞

31سَبُواْدَ حَكَ، كَمَرْ يَدَّ يَكٜىٰ أَرُبُوثٜىٰ ثِكِنْ مَغَنَرْ اللَّهْ «دُكْ مَيْيِنْ تَاڧَمَ يَيِ تَاڧَمَ ثِكِنْ عُبَنْ‌غِجِ ؞»

Jump to: Chapter 2 →